ANGIMANGENG 2:12 - KITTA KAREBA MADECENG

¹² Polé ri wassélé tana iya bunge'é tungke' taung, harusu'i riyakkasuwiyangeng sibagiyang lao ri Puwangnge, iyakiya dé' nawedding ritunu ri yasé'na mézbaé.

ANGIMANGENG 2:12 Խաչաձեւ Հղումներ

ASSURENG 23:19

Tungke' taung harusu'ko tiwi ri Bolana Puwang Allataalamu gandong bunge' muwéngngalaé. Juku ana' bimbala'é iyaré'ga ana' bémbé'é dé' nawedding rinasu sibawa uwai susunna indo'na.”

WAHYU 14:4

Mennang sining tau iya tette'é mapaccing pada-pada parawangngé, nasaba dé' nasisumpung sibawa makkunraié. Naccowériwi mennang iyaro Ana' Bimbala'é kégi-kégi lao. Polé ri yelle'na sininna rupa tauwé, mennang ritu iya puraé ripaleppe selaku pakkasuwiyangeng mammulangngé lao ri Allataala sibawa lao ri Ana' Bimbala'é.

2 TAWARIKH 31:5

Puranana riyappallebbangeng iyaro paréntaé, natiwini tau Israélié lao ri Bolana Puwangnge sining pabbéré polé ri wassélé tanana iya bunge'é, iyanaritu tarigu, anggoro, minnya zaitun, cani sibawa wassélé tana laingngé. Tiwi towi mennang tawaseppulona polé ri appunnangenna.

ULANGENG 26:10

Rimakkuwannanaro, oh Puwang, uwakkasuwiyangengngi kuwaé wassélé bunge' polé ri tana iya Muwéréngngékka.’ Nainappa mupalénne iyaro bakué ri yolona Puwang Allataalamu, namusompai ri Aléna.

ABBILANGENG 15:20

Rékko mattunu rotiko polé ri gandong iya bunge' muwéngngalaé, iyaro rotié harusu'i muwakkasuwiyangeng selaku akkarobangeng iya ripallaingngé lao ri Puwangnge. Carana makkasuwiyangengngi padai carana makkasuwiyangengngi gandong iya bunge' rilélué.

ANGIMANGENG 7:13

Ri lainnaéro harusu'i riyakkasuwiyangetto roti iya riyébbué paké ragi.

ASSURENG 22:29

Ri wettu iya ripattentué, akkasuwiyangengngi ri Iyya si bagiyang polé ri wassélé gandommu, uwai anggoro'mu sibawa minnya zaitummu. Abbéréyangngi lao ri Iyya ana'-ana' worowanému macowaé,

KAJAJIYANG 23:17

Makkuwaniro dare'na Efron iya monroé ri Makhpéla ri seddé alauna Mamré, mancaji appunnangenna Abraham. Iyaro tanaé iyanaritu dare sibawa gowana enrengngé sininna tanet-tanenna muttama toni tanet-taneng iya engkaé ri pakkasésénna.

1 KORINTUS 15:20

Iyakiya annessana purani ripatuwo paimeng Kristus polé ri amaténgngé. Iyanaé boro'na makkedaé sining tau iya matéénna ripatuwoi matu paimeng.

ASSURENG 34:22

Ramé-raméiwi Pésta Engngalangngé wettummu mappammula méngngalai wassélé bunge' polé ri gandongngé. Ramé-raméi towi Pésta Kalampang Daud-daungngé ri cappa'na taungngé, wettummu maccéppu buwa-buwa.

ANGIMANGENG 23:17

Tungke' kaluwarga harusu'i makkasuwiyangeng duwa roti untu' pakkasuwiyang tanréyangeng lao ri Puwangnge. Tungke' rotié harusu'i riyébbu polé ri duwakkilo labbu nenné iya paké ragi sibawa harusu'i riyabbéréyang lao ri Puwangnge selaku pakkasuwiyang wassélé tana iya mammulangngé.

ABBILANGENG 18:12

Uwérékko sininna iya kaminang makessingngé polé ri éngngalammu bunge'-bunge'é iya nakkasuwiyangengngé tau Israélié lao ri Iyya tungke' taung, iyanaritu minnya zaitun, uwai anggoro sibawa gandong.