ANGIMANGENG 2:11 - KITTA KAREBA MADECENG

¹¹ Akkarobangeng ripatalaé untu' Puwangnge dé' nawedding ricampuru sibawa cani iyaré'ga ragi, nasaba cani'é sibawa ragié dé' nawedding ritunu untu' pakkasuwiyang lao ri Puwangnge.

ANGIMANGENG 2:11 Խաչաձեւ Հղումներ

GALATIA 5:9

Makkedai tauwé, “Ragi céddé'é napasawéi matu sininna lama labbu'é.”

LUKAS 12:1

Massebbu-sebbu tau siredde-redde angkanna engka riléjja-léjja ajéna. Ri wettu makkapulunna mupa iyaro tauwé, makkedani Yésus lao ri ana'-ana' gurun-Na, “Atutuko lao ri raginna tau Farisié, akkatta-Ku, amunapékenna mennang.

ASSURENG 23:18

Aja' muwakkasuwiyangeng roti iya engkaé raginna ri wettu muwakkarobangenna olokolo'é lao ri Iyya. Lunra olokolo iya riyakkasuwiyangengngé lao ri Iyya ri lalenna ramé-raméro dé' nawedding ritaro narapi bajana éléé.

1 PETRUS 4:2

Rimakkuwannanaro, sitinajako tuwo matteru ri linoéwé situru élona Allataala, na tenniya manuru' élona rupa tauwé.

LUKAS 21:34

“Jagaiwi alému, aja' lalo mutuli mappésta-pésta sibawa ménung énungeng maserié, iyaré'ga tuli pikkiri'i passalenna atuwommu, angkanna dé' musadiya wettunna polé iyaro Essoé temmusenna-sennai.

MARKUS 8:15

Nakkeda Yésus lao ri mennang, “Atike'ko lao ri raginna sining tau Farisié sibawa raginna Hérodés.”

AMSAL 25:27

Dé' namakessing manré cani talliwe'-liwe', makkuwatoro dé' namakessing powadai maéga pappojiyang.

AMSAL 25:16

Aja' muwanré maéga cani; ca'galéggéko matu.

AMSAL 24:13

Ana'ku, anréko cani, saba' makessing iyaro. Pékkugi cani'é poléi ri sarang wanié, macenning untu' riyanré,

RIWAYA'NA RASUL-RASUL-E 14:22

Ri kota-kotaéro napakkasse'ni mennang atinna sining tau maccowériyéngngi Yésus sibawa napangajarinna iyaro sining tau maccowéé kuwammengngi tette'i maccowé ri Yésus. “Harusu'ki maéga manrasa-rasa riyolo, nainappa weddikki péneddingiwi asennangenna Lino Barunna Allataala,” makkuwaniro iyaro rasul-rasul-é paggurui sining tau maccowériyéngngi Yésus ri kotaéro.

MATIUS 16:6

Nakkeda Yésus lao ri mennang, “Atike'ko lao ri raginna tau Farisié sibawa Sadukié.”

ASSURENG 34:25

Wettummu makkasuwiyangeng olokolo rigéré, aja' muwakkasuwiyangeng aga-aga iya riyébbué paké ragi. Olokolo iya rigéréé untu' akkarobangeng Ramé-ramé Paskaé harusu'i ripaccappu ri wenniéttoro; dé' nawedding engka sésana narapi pappa bajana.

ASSURENG 29:25

Nainappa muwala iyaro rotié polé ri mennang sibawa tunui ri yasé'na mézbaé, ri yasé'na akkarobangeng ritunuéro. Iyaro baunna akkarobangengngé napésennangiwi atik-Ku.

ANGIMANGENG 1:13

Nainappa iyaro tauwé nabissai lise babuwana sibawa poppanna iyaro olokolo'é. Nainappa harusu'i nakkasuwiyangeng maneng imangngé lao ri Puwangnge, sibawa tunui ri yasé'na mézbaé. Baunna iyaro akkarobangeng ritunué pésennangiwi atinna Puwangnge.

ANGIMANGENG 6:10

Mancaji awunnana iyaro akkarobangngé, massaluwara' ponco'ni imangngé sibawa jumba polé ri kaing lénangngé, harusu'i makkai iyaro awu mallunra'é polé ri yasé'na mézbaé nanataroi ri seddéna mézbaé.