ANGIMANGENG 19:30 - KITTA KAREBA MADECENG

³⁰ Ramé-raméiwi esso Saba'é sibawa pakalebbii onrong iya ripallaingngé untu' sompa-Ka. Iyya'na Puwang.

ANGIMANGENG 19:30 Խաչաձեւ Հղումներ

ANGIMANGENG 26:2

Pakarajai esso-esso Saba'é sibawa esso-esso maraja agama laingngé sibawa pakalebbii onrong iya ripallaingngé untu' sompa-Ka. Iyya'na Puwang.

PAKKATOBBA 5:1

Pikkiri'i ri wettu dé'napa mumabbicara, sibawa aja' mumasitta senna majjanci lao ri Allataala. Engkai ri surugaé na iko engkako ri linoé jaji addiki-dikino sibawa ada-adammu.

ANGIMANGENG 19:3

Tungke' tau harusu'i pakalebbii indo' ambo'na sibawa ramé-raméiwi esso Saba'é pada-pada iya Uwapparéntangngé. Iyya'na Puwang Allataalamu.

2 KORINTUS 6:16

Aga assisumpungenna Bolana Puwangngé sibawa bolana barahalaé? Idi'é Bolana Puwangngé, Allataala iya tuwoé. Allataala muto makkeda, “Maélo-Ka monro ri tengnga-tengngana mennang, sibawa tuwo silaong mennang. Mancaji-Ka matu Allataalana mennang, sibawa mennang mancaji matu umma'-Ku.

MATIUS 21:13

Nakkeda lao risining tauwéro, “Ri laleng Kitta'é tarokii makkedaé napowadai Allataala, ‘Riyasengngi matu Bola-Ku bola onrong massempajang.’ Iyakiya iko mupancajiwi saranna paddampo'é!”

MAZMUR 89:7

Ri langié dé' gaga pappadai-Ko, oh Puwang, dé' gaga mahlu' suruga iya pappadaiyék-Ko.

ANGIMANGENG 16:2

adan-Na, “Palettukengngi silessuremmu Harun makkedaé banna ri wettu iya ripattentué weddingngi muttama ri laleng Bili' Pommapaccingngé iya rilacce'é sibawa kaing paddenring, nasaba kuwaniro uwappaitang alé-Ku sibawa ellung ri yasé'na pattongkona Petti Assijancingngé. Rékko najjalékkaiwi Harun iyaro paréntaé, matéi matu.

ASSURENG 20:8

Pakarajai esso Saba'é sibawa pakalebbii iyaro essoé selaku esso iya mapaccingngé.

1 PETRUS 4:17

Narapini wettunna Allataala madélékiwi linoé. Na umma'na muto Allataala riadéléki matu riyolo'. Nah, rékko Allataala maélo pammulaiwi ri idi, pékkugiwi jajinna matti sibawa sining tau iya dé'é namateppe' lao ri Karéba Madécéng polé ri Allataalaro?

2 TAWARIKH 36:14

Rilainnaéro, Bolana Puwangnge iya puraé napallaing untu' Aléna muto, napanajisi'i sining pamimpinna Yéhuda, sining imangngé sibawa ra'ya'é, nasaba maccowéi massompa barahala sibawa maccowériwi cara atuwo-tuwong iya madosaé polé ri bangsa-bangsaé ri seddéna mennang.

2 TAWARIKH 33:7

Nataroi dato'-dato' barahalaé ri Bolana Puwangnge, padahal passalenna onrongngéro purai makkeda Allataala lao ri Daud sibawa Salomo ana' worowanéna, “Bola-Ku ri Yérusaléngéwé, iya puraé Upilé polé ri yelle'na iya seppulo duwa daérana suku Israélié, iyanaritu onrong iya puraé Upattentu selaku onrong assompang lao ri Aléku untu' mannennungeng.

ANGIMANGENG 15:31

Puwangnge suroi Musa paréngngerangiwi bangsa Israélié kuwammengngi napuriyatiwi uppanna mennang najisi' sibawa uppanna dé', kuwammengngi mennang dé' napanajisi'i Kémana Puwangnge iya engkaé ri tengnga-tengngana akkémanna mennang. Rékko napanajisi'i mennang iyaro Kémaé, matéi matu.

ANGIMANGENG 10:3

Namakkeda Musa lao ri Harun, “Iyanaro nakkattai Puwangnge wettunna makkeda, ‘Sininna iya tumaningiyékka harusu'i napakalebbi apaccingek-Ku. Maéloka pannessai arajak-Ku lao ri sininna bangsaé!’ ” Iyakiya mammekko bawammi Harun.

YEHEZKIEL 9:6

Unoi sininna tau worowané sibawa makkunraié, macowa sibawa malolo, tomatowaé sibawa ana'-ana'é. Iyakiya aja' mugéssai muwi séddi tau iya engkaé tanrang ri linrona. Appammulano polé kuwaé, ri Bola-Kué.” Nanapammulaini tugasna mennang sibawa mpunoi sining pamimpinna Israélié iya mattengngangngé tettong ri Bolana Puwangnge.