ANGIMANGENG 19:3 - KITTA KAREBA MADECENG

³ Tungke' tau harusu'i pakalebbii indo' ambo'na sibawa ramé-raméiwi esso Saba'é pada-pada iya Uwapparéntangngé. Iyya'na Puwang Allataalamu.

ANGIMANGENG 19:3 Խաչաձեւ Հղումներ

ASSURENG 20:12

Pakalebbii ambo' indo'mu, kuwammengngi musaléwangeng sibawa malampé umuru ri wanuwa iya Uwéréngngékko matu.

ASSURENG 20:8

Pakarajai esso Saba'é sibawa pakalebbii iyaro essoé selaku esso iya mapaccingngé.

IBRANI 12:9

Mappunnaiki ambo' ri linoé. Napagguruki, na idi pakalebbii. Nah, apalagi Ambo' rohanitta iya risurugaé, tentu harusu'ki lebbi tunru' ri Aléna kuwammengngi tatuwo.

AMSAL 30:17

Tau iya pakatunaéngngi ambo'na iyaré'ga indo'na iya macowaénna, sitinajai riyappéyang massu kuwammengngi naripitto matanna ri kao-kaoé sibawa ujuna riyanréi ri bokangngé.

ANGIMANGENG 11:44

Iyya'na Puwang Allataalamu, rimakkuwannanaro jagako kuwammengngi tette'ko mapaccing, nasaba Iyya mapaccing.

YESAYA 58:13

Makkedai Puwangnge, “Pakalebbii esso Saba'é selaku esso untu' Puwangnge. Aja' muurusu'i apentingeng ri alému ri essoéro. Pakarajai essoéro selaku esso mariyo-riyo; pakalebbii essona Puwangnge sibawa aja' mulao; aja'to muwappallaung iyaré'ga mabbicara iya siya-siyaé.

AMSAL 30:11

Engka tau iya tanroiyéngngi ambo'na sibawa dé' naangke'i indo'na.

AMSAL 23:22

Turusiwi ambo'mu; saba', rékko dé'i dé'tokko gaga. Rékko macowani indo'mu, jellokengngi makkedaé mupakalebbii.

ULANGENG 27:16

‘Tattanroi tau iya dé'é napakalebbii tomatowanna sibawa naleppessangngi mennang kariya-riya.’ ‘Aming!’

ASSURENG 21:17

Nigi-nigi tanroiwi ambo'na iyaré'ga indo'na, harusu'i rihukkung maté.

ASSURENG 21:15

Nigi-nigi munrui ambo'na iyaré'ga indo'na harusu'i rihukkung maté.

ASSURENG 16:29

Engngerangngi makkedaé Uwérékko séddi esso untu' mappésau. Iyanaro saba'na ri esso iya maennengngé Uwérékko inanré iya genne'é untu' duwangngesso. Ri esso iya mapitué tungke' tau harusu'i monro ri bolana, sibawa dé' nawedding massu.”

MALEAKHI 1:6

Makkedai Puwang Iya Pommakuwasaé lao risining imangngé, “Séddié ana' napakalebbii ambo'na, sibawa séddié pattumani napakalebbii puwanna. Iyya'é Ambo'mu; magi dé' mupakalebbi-Ka? Iyya'é ponggawamu; magi dé' mumétau lao ri Iyya? Mupakatuna-Ka, iyakiya makkutanako, ‘Nasibawang cara aga ripakatuna-Ko?’

YEHEZKIEL 20:12

Usuroi mennang pakalebbii esso Saba'é selaku tanrang assijancik-Ku sibawa mennang, untu' paréngngerangiwi mennang makkedaé Iyya Puwang, pura pallaingngi mennang untu' alé-Ku.

ANGIMANGENG 26:2

Pakarajai esso-esso Saba'é sibawa esso-esso maraja agama laingngé sibawa pakalebbii onrong iya ripallaingngé untu' sompa-Ka. Iyya'na Puwang.

AMSAL 1:8

Puriyatiwi aga iya napowadaé ambo' indo'mu lao ri iko, ana'ku,

ANGIMANGENG 19:30

Ramé-raméiwi esso Saba'é sibawa pakalebbii onrong iya ripallaingngé untu' sompa-Ka. Iyya'na Puwang.

ANGIMANGENG 23:3

Engka enneng essona untu' mappallaung, iyakiya esso mapitué, esso Saba'é, iyanaritu esso appésaungeng iya ripallaingngé untu' Puwangnge. Ri essoéro harusu'ko pakangka addeppu-deppungeng untu' massompa sibawa dé' nawedding mappallaung.

ULANGENG 5:16

Pakalebbii sibawa piyarai ambo' sibawa indo'mu; iyanaro paréntaku, Puwang Allataalamu, kuwammengngi musaléwangeng sibawa malampé umuru ri wanuwa iya Uwéréngngékko matu.

KAJAJIYANG 48:12

Nainappa nala Yusuf mennang polé ri riwaanna Yakub, nainappa aléna suju' ri yolona ambo'na.

ANGIMANGENG 19:25

Ri laleng taung malimaé nappako wedding manréi buwana. Rékko mupogau' manengngi sininna peraturangngéro, mabbuwai matu lebbi maéga pong buwa-buwamu. Iyya'na Puwang Allataalamu.

ANGIMANGENG 19:31

Aja' mulao méllau pangaja ri sanro iya pakangkaé assisumpungeng sibawa roh-rohna tau maté. Rékko mupogau'i iyaro mancaji najisi'ko. Iyya'na Puwang Allataalamu.

ANGIMANGENG 19:34

Gaukengngi mennang pada-pada mugaukenna sining tau sibangsamu sibawa éloriwi mennang, pada-pada muwélorinna alému muto. Engngerangngi makkedaé iko paimeng pura tokko tuwo selaku tau laing ri Maséré. Iyya'na Puwang Allataalamu.

NEHEMIA 9:14

Esso Saba' iya mapaccingngé harusu'i naramé-raméi mennang, sibawa naolai Musa Muwabbéréyangngi hukkum-Mu.