ANGIMANGENG 18:5 - KITTA KAREBA MADECENG

⁵ Turusiwi sining peraturangngé sibawa hukkung-hukkung iya Uwéréngngékko. Rékko mupogau'i makkuwaéro, salama'i atuwommu. Iyya'na Puwang.”

ANGIMANGENG 18:5 Խաչաձեւ Հղումներ

ROMA 10:5

Naokii Musa makkedaé tau iya simadécéngengngé sibawa Allataala situru hukkung agamaé, iyaro tauwé tuwoi matu nasaba matinului lao ri hukkung agamaéro.

YEHEZKIEL 20:11

Kuwaniro Uwéréng mennang sining parénta-Ku sibawa Upagguruwangngi hukkung-hukkuk-Ku iya harusu'é naturusi mennang, saba' tau iya turusiyéngngi tette'i matu tuwo.

GALATIA 3:12

Iyakiya Hukkunna Agamaé dé' natettong polé ri teppe'é. Ri laleng Kitta'é tarokii makkedaé tau iya pajoppaéngngi hukkunna agamaé, tuwoi matu nasaba hukkungngéro.

LUKAS 10:28

Nakkeda Yésus, “Tongeng pappébalimmu, pogau'ni iyaro, namutuwo matu.”

YEHEZKIEL 20:21

Iyakiya iyaro assossoreng maloloé dé'to naturu lao ri Iyya. Najjalékkaiwi mennang hukkung-hukkuk-Ku sibawa dé' najampangiwi parénta-parénta-Ku, iya tanggungngéngngi makkedaé tau iya turusiyéngngi tette'i tuwo. Narotakiwi mennang esso Saba'é. Rimakkuwannanaro sadiyana untu' leppessangngi ajjallo'na cai-Ku lao ri mennang ri padang kessi'éro sibawa mpuno manengngi mennang.

YEHEZKIEL 20:13

Iyakiya ri padang kessi'éttonaro naéwa-Ka mennang. Najjalékkaiwi mennang parénta-parénta-Ku, sibawa sampéyangngi hukkung-hukkuk-Ku iya tanggungngéngngi makkedaé tau iya turusiyéngngi tette'i tuwo. Nacarépai senna'i mennang esso Saba'é. Rimakkuwannanaro, ri padang kessi'éro sadiyana maélo-Ka malleppessangngi ajjallo'na cai-Ku lao ri mennang sibawa pabbinasai mennang.

ASSURENG 6:6

Upancajiko matu umma'-Ku, na Iyya mancaji Allataalamu. Namuwissengngi matu makkedaé Iyya'naé Puwang, Allataalamu, iya paleppe'ékko polé ri angatangengngé ri Maséré.

ASSURENG 6:2

Mappaitak-Ka alé lao ri Abraham, Ishak sibawa Yakub selaku Allataala Iya Pommakuwasaé, iyakiya dé' Uwappaissengeng alé lao ri mennang sibawa aseng ‘Puwang’.

MALEAKHI 3:6

“Iyya ritu Puwang, na dé' Utappinra. Rimakkuwannaro iko, wijanna Yakub dé' naripabbinasa.

ASSURENG 6:29

Iyakiya mappébaliwi Musa, “Puwang, Muwisseng makkedaé dé' umacca mabbicara. Pékkugi makkullé arungngé maélo méngkalingaka?”

MATIUS 19:17

Nappébali Yésus, “Magi muwakkutana ri Iyya passalenna aga iya makessingngé? Banna Séddi bawang makessing. Rékko maéloko tuwo, harusu'ko turusiwi parénta-paréntana Allataala.”

ROMA 7:10

na iyya matéka. Na hukkung agamaéro, iya bunge'-bunge'naé naseng untu' mabbéré atuwong, mala papoléi amaténg lao ri iyya.

ANGIMANGENG 18:6

Puwangnge mabbéréyangngi iyaé sining peraturangngé. Aja' musiluséreng sibawa sala séddinna polé ri ana'na silessuremmu.

ULANGENG 4:1

Namakkeda Musa lao ri bangsaéro, “Apatoiwi sininna hukkung iya upagguruwangngékko, kuwammengngi weddikko tuwo narapi muwonroi tana iya maéloé nabbéréyang Puwangnge, Allataalana toriyolomu, lao ri iko.

NEHEMIA 9:29

Muwamparengngi mennang kuwammengngi napatoiwi pappagguruwam-Mu, iyakiya nasampéyangngi hukkum-Mu sibawa matanré ati. Padahal rékko napogau'i hukkum-Mu, pastini ritanggungngi atuwonna. Kapala batui mennang sibawa matedde ati, dé' namaélo maréngkalinga, dé' namaélo turusiwi.

YESAYA 55:3

Engkalingai, éh bangsa-Ku, laono ri Iyya, Uwérékko matu atuwong mannennungengngé. Nasaba pammasé sibawa atinulureng iya Uwajjanciyangngé lao ri Daud, siyoka janci mannennungeng sibawa iko.

YEHEZKIEL 18:9

Napatoiwi parénta-Ku sibawa naturusiwi hukkung-hukkuk-Ku. Tau makkuwaéro ritu malempu sibawa tette'i matu tuwo. Iyya, Puwang Iya Pommatanré pura mabbicara.

ULANGENG 30:6

Iko sibawa wija-wijammu riwéréng matu ati iya mapatoé, angkanna muéloriwi Puwang Allataalamu sibawa sukku atimmu namulléi matteru monro ri wanuwaéro.

ULANGENG 30:20

Eloriwi Puwang Allataalamu, apatoiwi, sibawa atinuluno ri aléna. Na iko sibawa wija-wijammu tuwoi matu sibawa malampé sunge ri wanuwa najjanciyangngé Puwangnge lao ri néné-nénému, Abraham, Ishak sibawa Yakub.”