ANGIMANGENG 17:15 - KITTA KAREBA MADECENG

¹⁵ Tungke tau Israélié iyaré'ga tau laing iya manré juku olokolo iya maté riyalé, iyaré'ga maté riyuno ri olokolo masekkangngé, harusu'i sessa'i pakéyanna nainappa cemmé sibawa mattajeng narapi labu essoé, nappai mancaji mapaccing.

ANGIMANGENG 17:15 Խաչաձեւ Հղումներ

ULANGENG 14:21

Olokolo iya maté riyalé dé' nawedding muwanré, iyakiya wedding nanré tau laing iya monroé ri yelle'mu, iyaré'ga ribalu lao ri bangsa laingngé. Iko iyanaritu umma iya ripallaingngé untu' Puwang Allataalamu. Juku ana' bimbala iyaré'ga ana' bémbé'é dé' nawedding rinasu silaong uwai susunna indo'na.”

ANGIMANGENG 22:8

Riyattéyangngi manré juku olokolo iya maté riyalé iyaré'ga riyunoé ri olokolo masekkangngé. Rékko manréi, mancaji najisi'i. Iyya'na Puwang.

ASSURENG 22:31

Iko umma'-Ku, rimakkuwannanaro muwi olokolo aga iya nanré olokolo masekkangngé, dé' nawedding muwanré jukuna; wéréngngi iyaro sining asué.”

WAHYU 7:14

Umappébali, “Dé' uwissengngi Puwang. Puwang muto missengngi.” Nakkeda lao ri iyya, “Iyanaé sining tau iya salama'é laloiwi wettu paccallangngé iya maseroé. Purani mennang nasessa jumbana enrengngé naébbui maputé sibawa darana Ana' Bimbala'éro.

YEHEZKIEL 44:31

Manu'-manu' sibawa olokolo iya maté riyalé, iyaré'ga iya ritikkengngé ri olokolo masekkangngé, dé' nawedding nanré sining imangngé.”

YEHEZKIEL 4:14

Iyakiya mappébalika, “Aduh Puwang Iya Pommatanré! Mappammulai baiccu'ku lettu makkekkuwangngé, dé'pa naengka upanajisi'i aléku sibawa manré bakké olokolo iyaré'ga sésa inanréna olokolo masekkangngé. Dé' naengka uwanré inanré iya riyangga harangngé.”

ANGIMANGENG 15:5

Nigi-nigi géssai tau iya passué manning, iyaré'ga onrong atinronna, iyaré'ga tudang ri onrong iya puraé natudangi iyaré'ga namméccui iyaro tauwé, harusu'i nasessa pakéyanna enrengngé cemmé, sibawa najisi'i narapi labu essoé.

ABBILANGENG 19:21

Iyaro peraturangngé takkennai untu' mannennungeng. Tau iya mangeppikengngéngngi uwai upacaraéro harusu towi nasessa pakéyanna, sibawa tau iya nakennaé uwaiéro mancaji najisi'i narapi labu essoé.

ABBILANGENG 19:19

Harusu'i naeppi ri esso matellué sibawa esso mapitué. Ri esso mapituéro tépuni upacara pappépaccinna iyaro tau najisi'é. Iyaro tauwé harusu'i nasessa pakéyanna sibawa cemmé. Mappammulai labunna essoé mapaccinni.

ABBILANGENG 19:8

Tau iya tunuéngngi sapingngéro harusu towi nasessa pakéyanna sibawa cemmé; najisi' mutopi narapi labu essoé.

ANGIMANGENG 15:21

Nigi-nigi géssai onrong iya natinroiyé iyaré'ga natudangiyé makkunrai iya mattengngangngé maddara, harusu'i nasessa pakéyanna sibawa cemmé, sibawa najisi'i narapi labu essoé.

ANGIMANGENG 15:10

Nigi-nigi géssai séuwaé iya puraé natudangi tauwéro mancaji najisi'i narapi labu essoé. Tungke' tau iya makkaéngngi iyaro barangngé harusu'i nasessa pakéyanna sibawa cemmé, sibawa najisi'i narapi labu essoé.

ANGIMANGENG 7:24

Lunra olokolo iya maté riyalé, iyaré'ga nasaba riyunoi ri olokolo masekkangngé, dé' nawedding riyanré iyakiya wedding ripaké untu' apparellung laing.

ANGIMANGENG 11:40

Tau iya tiwiéngngi iyaré'ga manréi iyaro bakké harusu'i nasessa pakéyanna, iyakiya tette'i najisi' narapi labu essoé.

ASSURENG 22:30

makkuwatoro saping sibawa bimbala lai iya bunge' jajiyé. Leppessangngi iyaro olokolo'é monro ri indo'na pitungngesso ittana, nainappa muwabbéréyang lao ri Iyya ri esso maaruwaé.

ANGIMANGENG 11:24

Séddié tau mancaji najisi'i narapi labu essoé rékko géssai bakké sala sikajunna olokolo'éwé: olokolo iya makkanukué, sangadinna iya mapuwé'é kanukunna enrengngé malléroé, sibawa olokolo iya eppaé ajéna sibawa engka pakkarebbéna. Nigi-nigi tiwi bakké olokolo pada-padaéro harusu'i sessa'i pakéyanna, iyakiya najisi' mupi narapi labu essoé.

ANGIMANGENG 11:31

Nigi-nigi géssai iyaro olokolo'é iyaré'ga bakkéna mancaji najisi'i narapi labu essoé.

ANGIMANGENG 11:32

Rékko iyaro bakké olokolo'é sempé'i riséddié barang, iyaro barangngé mancaji najisi'i. Iyaro gau'é kajajiyangngi untu' sininna rupanna barang polé ri ajué, kaingngé, bingkulangngé, iyaré'ga kaing karungngé, dé' namancaji soal untu' aga iyaro barangngé ripaké. Iyaro barangngé harusu'i riremmé ri uwai, iyakiya tette'i najisi' narapi labu essoé.

ANGIMANGENG 11:39

Nigi-nigi géssai bakké olokolo iya hallala'é mancaji najisi'i narapi labu essoé.