ANGIMANGENG 16:34 - KITTA KAREBA MADECENG

³⁴ Iyaro upacaraé harusu'i ripogau' siseng sitaung untu' pépaccingiwi bangsa Israélié polé risininna dosana mennang. Iyanaro sining peraturang iya harusu'é riturusi lettu mannennungeng. Napogau'ni Musa pada-pada iya napparéntangngé Puwangnge lao ri aléna.

ANGIMANGENG 16:34 Խաչաձեւ Հղումներ

IBRANI 9:7

Iya muttama'é ri bagiyang kaminang marilalenna iyaro kémaé banna imang lompoé bawang. Napogau'i iyaro siseng bawang sitaung. Napogau'i iyaro sibawa tiwi dara untu' riyakkasuwiyangeng ri Allataala nasaba aléna muto sibawa nasaba dosa-dosa iya napogau'é umma'-Na tennasadariwi.

IBRANI 9:25

Imang lompona Yahudié tungke'-tungke' taung muttama'i ri Bili' Pommapaccingngé ri laleng Bolana Puwangngé sibawa tiwi dara sikaju olokolo'. Iyakiya Kristus dé' nauttama untu' makkasuwiyangengngi Aléna makkolik-koling.

ASSURENG 30:10

Siseng sitaung harusu'i Harun pogau' upacara pappépaccing mézba sibawa cara meppikiwi iya eppa tanru'na sibawa dara olokolo iya riyakkasuwiyangengngé untu' paddampengeng dosaé. Iyaro gau'é harusu'i ripogau' tungke' taung sillampé wettué. Iyaro mézbaé harusu'i mapaccing maneng sibawa ripallaing untu' alé-Ku.”

IBRANI 10:14

Jaji nasibawang séddi akkarobangeng, napassukkui Kristus sining tau iya puraé ripaccingi polé ri dosaé.

IBRANI 10:3

Iyakiya annessana sining akkarobangeng iya riyakkasuwiyangengngé tungke' taungngéro mala naparéngngerangiwi tauwé lao ri dosa-dosana,

ABBILANGENG 29:7

Ri tanggala seppulona uleng pitu harusu'ko pakangka addeppu-deppungeng untu' massompa. Iyaro essoé harusu'ko mappuwasa sibawa dé' nawedding mappallaung.

ANGIMANGENG 23:31

Iyaro peraturangngé takkennai untu' sininna wijanna kégi-kégi mennang monro.

ASSURENG 27:21

Harun sibawa ana'-ana'na harusu'i murusu'i iyaro lampué mappammulai arawéng lettu ri éléé ri onrokku hadéré, ri saliwenna kaing iya taggattungngé ri yolona Petti Assijancingngé. Iyaro paréntaé harusu'i napogau' untu' mannennungeng tau Israélié sibawa wija-wijanna.”

ANGIMANGENG 17:1

Puwangnge suroi Musa

ANGIMANGENG 23:28

Aja' muwappallaung, saba' iyaro essoé iyanaritu Esso Paddampengeng Dosaé, kuwammengngi mulolongeng addampeng ri yolona Puwang Allataalamu.

ASSURENG 39:43

Naparéssani Musa sini-sininnaé sibawa naitai makkedaé purani naébbu mennang pada-pada iya napparéntangngé Puwangnge. Nainappa Musa barakkakiwi mennang.

ANGIMANGENG 3:17

Tau Israélié dé' sises-siseng nawedding manré lunra iyaré'ga dara. Iyaro peraturangngé untu' mannennungeng sibawa harusu'i naturusi tungke' tau Israélié kégi-kégi monro.

ANGIMANGENG 16:2

adan-Na, “Palettukengngi silessuremmu Harun makkedaé banna ri wettu iya ripattentué weddingngi muttama ri laleng Bili' Pommapaccingngé iya rilacce'é sibawa kaing paddenring, nasaba kuwaniro uwappaitang alé-Ku sibawa ellung ri yasé'na pattongkona Petti Assijancingngé. Rékko najjalékkaiwi Harun iyaro paréntaé, matéi matu.

ANGIMANGENG 24:23

Puranana napalettu Musa iyaro ada-adaé lao ri bangsa Israélié, natiwini mennang massu tau iya puraé tanroiwi Allataalaro ri akkémangngé nainappa nagenrung batu gangka maté. Nasibawang caraéro napogau'ni bangsa Israélié aga iya puraé napparéntang Puwangnge lao ri Musa.