ANGIMANGENG 16:29 - KITTA KAREBA MADECENG

^29-31 Iyaé sining peraturangngé harusu'i riturusi lettu mannennungeng. Ri tanggala seppulona uleng pitu, tau Israélié sibawa tau laing iya mattette'é ri yelle'na mennang harusu'i mappuwasa sibawa riyattéyangngi mappallaung, nasaba iyaro essoé mapaccing senna'i. Ri essoéro harusu'i ripakangka upacara untu' pépaccingiwi bangsa Israélié polé risininna dosana mennang kuwammengngi namapaccing.

ANGIMANGENG 16:29 Խաչաձեւ Հղումներ

YESAYA 58:3

Makkutanai iyaro bangsaé, “Aga akkégunana mappuwasa rékko dé' naitai Puwangnge? Aga gunana tapakariyawai alé rékko dé' Najampangiki?” Makkedai Puwangnge, “Sitongenna, ri wettu mappuwasamu, sappako asarong riyalé sibawa para'i sining tau mupagajiyé.

ABBILANGENG 29:7

Ri tanggala seppulona uleng pitu harusu'ko pakangka addeppu-deppungeng untu' massompa. Iyaro essoé harusu'ko mappuwasa sibawa dé' nawedding mappallaung.

DANIEL 10:12

Nainappa makkeda lao ri iyya, “Daniél, aja' mumétau. Purani naéngkalinga Allataala sempajammu mappammulai esso mammulangngé sipongenna malako apettung untu' pakariyawai alému kuwammengngi mumancaji mapanré. Poléka selaku pappébalinna sempajammu.

YESAYA 58:5

Rékko mappuwasako, musissai alému; pacuku'i ulummu pada-pada daunna wellaé. Pallebba'ko kaing karung sibawa muguguriwi awu, namuléwu ri yasé'na. Iyagaro muwaseng puwasa? Muwasengngi masennak-Ka sibawa pangkaukengngéro?

MAZMUR 35:13

Wettunna mennang malasa, messéka sibawa temmanré; massempajakka sibawa pacannunnui ulué,

ANGIMANGENG 23:21

Ri essoéro harusu'ko pakangka addeppu-deppungeng untu' massompa sibawa dé' nawedding pogau' pallaung matane. Iyaro peraturangngé harusu'i naturusi sininna wija-wijammu untu' mannennungeng, kégi-kégi mennang monro.

ASSURENG 20:10

iyakiya esso iya mapitué iyanaritu esso appésaungeng iya ripallaingngé untu' Iyya. Iyaro essoé dé' muwi séddi tau wedding majjama, muwi iko iyaré'ga ana'-ana'mu, ata-atammu, olokolo'mu iyaré'ga tau laing iya monroé ri wanuwammu.

IBRANI 4:10

Saba' tau iya muttama'é ri onrong appésaungeng iya najjanciyangngé Allataala lao ri alénaro, mappésau towi matu polé ri sininna jama-jamanna, pada-padato Allataala.

1 KORINTUS 11:31

Rékko mujampangiwi gau'éwé addeppu-deppungeng assompammu dé' matu napapoléi pahukkungenna Allataala ri yasé'na alému.

DANIEL 10:3

Ri lalenna wettuéro dé' uwanré inanré iya malunra'é iyaré'ga juku; dé' uwénung anggoro, sibawa dé'to ujakkaiwi gemme'ku.

YESAYA 58:13

Makkedai Puwangnge, “Pakalebbii esso Saba'é selaku esso untu' Puwangnge. Aja' muurusu'i apentingeng ri alému ri essoéro. Pakarajai essoéro selaku esso mariyo-riyo; pakalebbii essona Puwangnge sibawa aja' mulao; aja'to muwappallaung iyaré'ga mabbicara iya siya-siyaé.

MAZMUR 69:10

Malluwa'i sumange'ku nasaba pangéloreng lao ri Bola-Mu, pangéllé'-éllé'na tau iya pakatunaék-Ko kennai aléku.

EZRA 3:1

Ri uleng mapitué, mattette'ni sining tau Israélié ri kotana tungke'-tungke'. Ri tanggala séddinna ulengngéro maddeppungenni mennang ri Yérusalém,

1 ARUNG-NGARUNG 8:2

Napolé manenna mennang ri Esso Maraja Kalampang Daud-daungngé ri laleng uleng Etanim.

ANGIMANGENG 23:3

Engka enneng essona untu' mappallaung, iyakiya esso mapitué, esso Saba'é, iyanaritu esso appésaungeng iya ripallaingngé untu' Puwangnge. Ri essoéro harusu'ko pakangka addeppu-deppungeng untu' massompa sibawa dé' nawedding mappallaung.

ASSURENG 30:10

Siseng sitaung harusu'i Harun pogau' upacara pappépaccing mézba sibawa cara meppikiwi iya eppa tanru'na sibawa dara olokolo iya riyakkasuwiyangengngé untu' paddampengeng dosaé. Iyaro gau'é harusu'i ripogau' tungke' taung sillampé wettué. Iyaro mézbaé harusu'i mapaccing maneng sibawa ripallaing untu' alé-Ku.”

ASSURENG 12:16

Ri esso mammulangngé, sibawa ri esso mapitué, harusu'ko maddeppungeng untu' massompa. Iyaro essoé dé' naweddikko mappallaung muwi aga sangadinna iya parellué untu' passadiya inanré.

RIWAYA'NA RASUL-RASUL-E 27:9

Iyaro wettué labe'ni Esso Maraja Assidaméngeng tau Yahudié. Ateddéngenni maéga wettu, angkanna tenniyana wettunna untu' sompe' sibawa amang. Rimakkuwannanaro mappangajani Paulus lao ri mennang,

ASSURENG 31:14

Iyaro esso appésaungengngé harusu'i mupakalebbi selaku esso iya mapaccingngé. Uwérékko enneng essona untu' majjama, iyakiya esso iya mapitué iyanaritu esso battowa iya ripallaingngé untu' alé-Ku. Nigi-nigi iya dé'é napakalebbii, iyakiya mappallaungngi ri essoéro harusu'i rihukkung maté.

ANGIMANGENG 3:17

Tau Israélié dé' sises-siseng nawedding manré lunra iyaré'ga dara. Iyaro peraturangngé untu' mannennungeng sibawa harusu'i naturusi tungke' tau Israélié kégi-kégi monro.

1 SAMUEL 7:6

Namaddeppungeng manenna mennang ri Mizpa. Séro'ni mennang uwai nainappa natiri selaku pakkasuwiyang lao ri Puwangnge, nainappa mennang mappuwasa puppu essoéro. Nakkedana mennang, “Madosani lao ri Puwangnge.” (Ri Mizpa ritu Samuél mappammula pettuiwi parakara-parakara assisalanna tau Israélié.)

EZRA 8:21

Na ri wirinna Salo Ahawaro uwappallebbangenni makkedaé harusu manengngi mappuwasa sibawa pakariyawai aléna ri yolona Allataala. Massempajakki kuwammengngi napimpikki Allataala ri laleng allalengengngéro, nenniya nalinrungiki, ana'-ana'ta sibawa sininna appunnangetta.

ANGIMANGENG 25:9

Nainappa tanggala seppulo uleng pitu, iyanaritu esso paddampengeng dosa, suroi tauwé paoniwi tarompé'é kégi-kégi risininna wanuwaé.