ANGIMANGENG 16:26 - KITTA KAREBA MADECENG

²⁶ Tau iya paleppe'éngngi bémbé'é untu' Azazél ri padang kessi'é harusu'i nasessa pakéyanna sibawa cemmé ri wettu dé'napa nalisu ri akkémangngé.

ANGIMANGENG 16:26 Խաչաձեւ Հղումներ

IBRANI 7:19

Hukkunna agama Yahudié dé' naulléi mébbui muwi séuwa mancaji sukku. Iyanaro saba'na nariwérékki makkekkuwangngé séuwa amménasang iya lebbi makessingngé; nanallalengiro nataulléi maddeppériwi Allataala.

ANGIMANGENG 16:10

Bémbé iya tappilé untu' Azazél harusu'i ritaro tuwo-tuwo ri yolona Puwangnge nainappa rirukka lao ri padang kessi'é untu' Azazél, kuwammengngi nariledda dosa-dosana umma Israélié.

ABBILANGENG 19:21

Iyaro peraturangngé takkennai untu' mannennungeng. Tau iya mangeppikengngéngngi uwai upacaraéro harusu towi nasessa pakéyanna, sibawa tau iya nakennaé uwaiéro mancaji najisi'i narapi labu essoé.

ANGIMANGENG 16:28

Tau iya tunuéngngi harusu'i sessa'i pakéyanna sibawa cemmé ri wettu dé'napa nalisu ri akkémangngé.

ANGIMANGENG 15:27

Nigi-nigi géssai iyaro onrongngé mancaji najisi' towi. Harusu'i nasessa pakéyanna enrengngé cemmé, sibawa najisi'i narapi labu essoé.

ANGIMANGENG 14:8

Nainappa iyaro tauwé harusu'i nasessa pakéyanna, nacukkuru sininna gemme'na, sibawa cemmé. Namapaccinna, sibawa weddinni muttama ri laleng akkémangngé, iyakiya pitungngessopi ittana dé' nawedding muttama ri laleng kémana muto.

ANGIMANGENG 11:40

Tau iya tiwiéngngi iyaré'ga manréi iyaro bakké harusu'i nasessa pakéyanna, iyakiya tette'i najisi' narapi labu essoé.

ANGIMANGENG 16:8

Harusu'i naloteréi kuwaro sibawa makkégunang duwa batu, iya séddié natanrangiwi “untu' Puwangnge”, na iya laingngé “untu' Azazél”.

ANGIMANGENG 16:25

Lunra olokolo untu' paddampengeng dosaé harusu'i ritunu ri mézbaé.

ANGIMANGENG 11:24

Séddié tau mancaji najisi'i narapi labu essoé rékko géssai bakké sala sikajunna olokolo'éwé: olokolo iya makkanukué, sangadinna iya mapuwé'é kanukunna enrengngé malléroé, sibawa olokolo iya eppaé ajéna sibawa engka pakkarebbéna. Nigi-nigi tiwi bakké olokolo pada-padaéro harusu'i sessa'i pakéyanna, iyakiya najisi' mupi narapi labu essoé.

ANGIMANGENG 11:31

Nigi-nigi géssai iyaro olokolo'é iyaré'ga bakkéna mancaji najisi'i narapi labu essoé.

ANGIMANGENG 11:32

Rékko iyaro bakké olokolo'é sempé'i riséddié barang, iyaro barangngé mancaji najisi'i. Iyaro gau'é kajajiyangngi untu' sininna rupanna barang polé ri ajué, kaingngé, bingkulangngé, iyaré'ga kaing karungngé, dé' namancaji soal untu' aga iyaro barangngé ripaké. Iyaro barangngé harusu'i riremmé ri uwai, iyakiya tette'i najisi' narapi labu essoé.

ANGIMANGENG 11:39

Nigi-nigi géssai bakké olokolo iya hallala'é mancaji najisi'i narapi labu essoé.