ANGIMANGENG 16:24 - KITTA KAREBA MADECENG

²⁴ Nainappa harusu'i cemmé riséuwaé onrong iya ripallaingngé sibawa pakéi pakéyanna muto. Puranana harusu'i massu sibawa makkasuwiyangeng akkarobangeng ritunu untu' paddampengeng dosana muto sibawa dosana bangsa Israélié.

ANGIMANGENG 16:24 Խաչաձեւ Հղումներ

IBRANI 9:10

Saba' iyaro upacara-upacaraé banna takkennai ri inanré, énungengngé, sibawa maddupa-rupang upacara pappépaccing. Iya manenna banna sining peraturang mallahéreng iya lakué banna narapi wettunna Allataala pakangkai pappakabarué.

ANGIMANGENG 22:6

Séddié imang iya najisi'é muwi cara aga, tette'i najisi' narapi labu essoé. Sibawa narapi labu essoé dé'pa nawedding manré inanré iya riyakkasuwiyangengngé lao ri Puwangnge rékko dé'pa nacemmé.

ANGIMANGENG 14:9

Ri esso mapitué harusu'i nacukkuru maneng gemme'na, janggo'nato, enninna nenniya sininna bulu-bulu iya engkaé ri watakkaléna. Nainappa harusu'i nasessa pakéyanna sibawa cemmé. Purapiro nainappa mapaccing.

ASSURENG 28:40

Ebbuno kaméja, babbang sibawa passapu untu' ana'-ana'na Harun kuwammengngi napaita mennang malebbi.

ASSURENG 28:41

Pasangngi iyaro pakéyangngé ri Harun silessuremmu sibawa ana'-ana'na. Minnyakiwi mennang sibawa minnya zaitun; nasibawang iyaro narilanti mennang sibawa ripallaing untu' tumaningi-Ka selaku imang.

ANGIMANGENG 16:25

Lunra olokolo untu' paddampengeng dosaé harusu'i ritunu ri mézbaé.

ANGIMANGENG 9:7

Purananaro makkedani lao ri Harun, “Laono ri mézbaé sibawa passadiyai akkarobangeng paddampengeng dosaé sibawa akkarobangeng ritunué, kuwammengngi dosamu sibawa dosana umma'é naddampengengngi Puwangnge. Pogau'ni iyaro pada-pada iya napparéntangngé Puwangnge.”

YEHEZKIEL 42:14

Rékko leppe jamanni sining imangngé ri Bolana Puwangnge, namaéloi lao ri seddé saliweng, pakéyang ripallaing iya napaké mennang wettunna tumaningiwi assompangngé harusu'i nasalai mennang ri bili'-bili'éro. Harusu'i mennang paké pakéyang laing, purapiro nappa mennang wedding lao ri onronna ra'ya'é maddeppungeng.”