ANGIMANGENG 16:22 - KITTA KAREBA MADECENG

²² Iyaro bémbé'é natiwi manengngi dosana bangsa Israélié ri daéra makabuttué iya dé'é narionroi sibawa harusu'i rileppessang ri padang kessi'é.

ANGIMANGENG 16:22 Խաչաձեւ Հղումներ

1 PETRUS 2:24

Kristus muto méssangngi dosa-dosata ri Aléna ri yasé'na aju sallié, kuwammengngi bébasa'i polé ri akuwasanna dosaé, sibawa tuwo manuru' élona Allataala. Lolona Kristus pajjappako.

IBRANI 9:28

Makkuwatoro Kristus sisemmi riyakkasuwiyangeng selaku akkarobangeng untu' leddai dosana maéga tau. Maéloi polé paimeng mabbékkaduwanna, tenniya untu' pacceppiwi persoalang dosaé, iyakiya untu' passalama'i sining tau iya tajengngéngngi apolén-Na.

YOHANES 1:29

Pappa bajanana, naitani Yohanés, Yésus lao ri aléna. Nakkeda Yohanés, “Itai, iyanaro Ana' Bimbala'na Allataala iya leddaéngngi dosana linoé.

GALATIA 3:13

Iyakiya Kristus paleppe'ki polé ri tanrona Hukkunna Agamaé. Napogau'i iyaro ri laleng naleppessanna aléna tattanro nasaba idi. Saba' ri laleng Kitta'é tarokii, “Tattanroi tau iya maté rigattung ri alliri ajué.”

MIKHA 7:19

Maressési-Ko matu lao ri idi sibawa maddampengekki. Muléjja'-léjja'i matu dosa-dosata sibawa Muwaggenrungengngi lao ri borina tasi'é!

MAZMUR 103:12

Sibbéla alau polé ri yajang, sibbéla iyaro Nabbéyangngi dosa-dosata.

MAZMUR 103:10

Dé' nahukkukki situru dosata, iyaré'ga nawale'ki situru asalatta.

YEHEZKIEL 18:22

Riyaddampengeng manengngi matu dosana; tuwoi matu, nasaba napogau'i iya tongengngé.

ANGIMANGENG 16:21

Harusu'i napalénne iya duwa limanna ri yasé'na ulunna bémbé'éro nanaakuiwi sininna asalanna, dosana sibawa pelanggaranna bangsa Israélié. Nanallalengiwi sininna asalanna bangsa Israélié ripalétté'i ri yasé'na ulunna bémbé'éro. Nainappa séddié tau iya ritugaskangngé harusu'i rukkai iyaro bémbé'é lao ri padang kessi'é.

ANGIMANGENG 16:23

Purairo harusu'i Harun muttama ri laleng Kémaé, ludungngi pakéyang imang iya napaké wettunna muttama ri Bili' Pommapaccingngé, sibawa salaiwi iyaro pakéyangngé kuwaro.

YEHEZKIEL 4:4

Nainappa léwu titti liyabéyo, naupatakkennai matu asalanna bangsa Israélié ri iko. Léwu makkuwakoro matu 390 esso ittana sibawa manrasa-rasa nasaba asalanna mennang. Siesso léwu makkuwaro napulambangngi sitaung pahukkungenna bangsa Israélié.

ANGIMANGENG 14:7

Imangngé makkeppikengngi wékkapitu iyaro dara manu'-manu'é lao ri tau iya majjappaénna, sibawa pannessai mapaccing. Nainappa manu'-manu' iya tuwoé mupa harusu'i rileppessang ri padangngé.