ANGIMANGENG 16:16 - KITTA KAREBA MADECENG

¹⁶ Nasibawang caraéro napaccingiwi Bili' Pommapaccingngé polé ri anajisikenna bangsa Israélié sibawa polé ri sininna dosana mennang. Harusu'i ripaccingi Kémana Puwangnge nasaba engkai ri tengnga-tengngana akkémanna bangsa Israélié nanakennai anajisikenna mennang.

ANGIMANGENG 16:16 Խաչաձեւ Հղումներ

ANGIMANGENG 16:18

harusu'i Harun massu sibawa lao ri mézba akkarobang ritunué untu' paccingiwi iyaro mézbaé. Harusu'i mala céddé dara saping sibawa dara bémbé, nanassapuwangngi ri tanru-tanru sunna mézbaé.

ANGIMANGENG 8:15

Nainappa nagéré Musa sibawa malai sibagiyang darana. Iyaro daraé nassapuwangngi sibawa jarinna ri tanru-tanru mézbaé, kuwammengngi iyaro mézbaé naripallaing untu' Allataala. Dara iya nasésaé riyabbolorengngi ri pabborina mézbaé. Makkuwaniro carana iyaro mézbaé ripépaccingi sibawa ripallaing untu' Puwangnge.

YOHANES 14:3

Purakuna passadiyangekko onrong, lisu-Ka matu duppaiko, kuwammengngi kéga-Ka engka, engka tokko matu kuwaro.

IBRANI 2:17

Bettuwanna iyaé, makkedaé harusu'i mancaji pada-pada saudara-Na ri laleng sininna gau'é. Nanallalengiro weddingngi mancaji Imang Lompo iya matinulué sibawa maressé babuwaé. Nasaba pattumaninnaro, weddingngi riyaddampengeng dosa-dosana tolinoé.

ASSURENG 30:10

Siseng sitaung harusu'i Harun pogau' upacara pappépaccing mézba sibawa cara meppikiwi iya eppa tanru'na sibawa dara olokolo iya riyakkasuwiyangengngé untu' paddampengeng dosaé. Iyaro gau'é harusu'i ripogau' tungke' taung sillampé wettué. Iyaro mézbaé harusu'i mapaccing maneng sibawa ripallaing untu' alé-Ku.”

ANGIMANGENG 16:17

Mappammulai nauttamakinna Harun Bili' Pommapaccingngé untu' pogau'i upacara pappépaccingngé narapi massu, muwi séddi tau dé'to nawedding engka ri laleng Kémaéro. Puranana napogau' upacaraé untu' aléna, untu' kaluwargana sibawa untu' sininna bangsa Israélié,

ABBILANGENG 17:11

Napogau'ni Musa aga napparéntang Puwangnge.

ABBILANGENG 28:15

Selaku pattamba ri akkarobangeng ritunu esso-essoé sibawa akkarobangeng uwai anggoro'é, harusu towi muwakkasuwiyangeng sikaju bémbé lai untu' akkarobangeng paddampengeng dosa.