ANGIMANGENG 16:10 - KITTA KAREBA MADECENG

¹⁰ Bémbé iya tappilé untu' Azazél harusu'i ritaro tuwo-tuwo ri yolona Puwangnge nainappa rirukka lao ri padang kessi'é untu' Azazél, kuwammengngi nariledda dosa-dosana umma Israélié.

ANGIMANGENG 16:10 Խաչաձեւ Հղումներ

1 YOHANES 2:2

Naolai Yésus Kristus ritu nariyaddampengeng dosa-dosata. Natenniya dosa-dosata bawang, sangadinna dosanato sininna rupa tauwé.

1 YOHANES 3:16

Nallalengi iyaé nataissengngi carana mamaséiwi pada-padatta: Purani nabbéréyang Kristus atuwon-Na untu' idi. Rimakkuwannanaro, harusu' tokki mabbéréyangngi atuwotta untu' Saudara-saudarata!

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.

ROMA 4:25

Iyaro Yésus purani riyabbéréyang untu' riyuno nasaba dosa-dosata; nainappa napatuwo paimeng Allataala untu' nallalengiki simadécéngeng paimeng sibawa Allataala.

ROMA 3:25

Allataala makkarobangengngi Yésus Kristus kuwammengngi na amatén-Naro ripannessai tolinoé leppe'i polé ri asalangngé rékko mateppe'i mennang ri Aléna. Napogau'i Allataala makkuwaéro untu' mappaitangngi adéléken-Na. Saba' ri wettu labe'é sabbara'i Allataala lao ri dosa-dosana tolinoé, angkanna dé' nahukkungngi mennang.

ANGIMANGENG 14:7

Imangngé makkeppikengngi wékkapitu iyaro dara manu'-manu'é lao ri tau iya majjappaénna, sibawa pannessai mapaccing. Nainappa manu'-manu' iya tuwoé mupa harusu'i rileppessang ri padangngé.

ANGIMANGENG 16:8

Harusu'i naloteréi kuwaro sibawa makkégunang duwa batu, iya séddié natanrangiwi “untu' Puwangnge”, na iya laingngé “untu' Azazél”.

ANGIMANGENG 16:9

Bémbé iya napilé untu' Puwangnge harusu'i riyakkasuwiyangeng untu' akkarobangeng paddampengeng dosa.