ANGIMANGENG 15:31 - KITTA KAREBA MADECENG

³¹ Puwangnge suroi Musa paréngngerangiwi bangsa Israélié kuwammengngi napuriyatiwi uppanna mennang najisi' sibawa uppanna dé', kuwammengngi mennang dé' napanajisi'i Kémana Puwangnge iya engkaé ri tengnga-tengngana akkémanna mennang. Rékko napanajisi'i mennang iyaro Kémaé, matéi matu.

ANGIMANGENG 15:31 Խաչաձեւ Հղումներ

ABBILANGENG 19:20

Tau iya najisi'é nadé' napakangka upacara pappépaccing alé, tette'i najisi' nasaba dé'pa naribolo uwai upacara. Napanajisi'i Kémana Puwangnge, sibawa dé'na nariyangga anggota umma'na Allataala.

YEHEZKIEL 5:11

Iyya iyanaritu Allataala iya tuwoé, Puwang Iya Pommatanré, na iyanaé adak-Ku: Nasaba purano carépaiwi Bola-Ku nasibawang sining pangkaukemmu iya majaé sibawa mappakaciddi-ciddi'é, Uwancuru'ko matu temmaddampeng.

ABBILANGENG 19:13

Tau iya nakennaé uju nadé' napépaccingiwi aléna iyanaritu najisi'i, nasaba dé'pa naribolo sibawa uwai upacara. Napanajsi'i Kémana Puwangnge, rimakkuwannanaro dé'na nariyangga anggota umma'na Allataala.

YEHEZKIEL 23:38

Na tenniya iyaro bawang. Napanajisi' towi mennang Bola-Ku sibawa esso Saba' iya puraé Upattette'ro.

ABBILANGENG 5:3

Harusu'i mennang risuro lao, kuwammengngi dé' napanajisi'i akkémangngé, iya Uwonroiyé silaong umma'-Ku.”

YUDAS 1:4

Saba' tenrimaingekiwi, engka tau mattentu iya maccelle'é muttama ri tengnga-tengngata. Mennang tau maja ampé iya putara'balé'éngngi biritta passalenna pammaséna Allataalata, untu' lolongeng kasempatang pallessui napessunna. Nanasampéyangngi mennang Yésus Kristus, alé-aléna Panguwasa sibawa Puwatta. Riyolopa nariyolo pahukkungeng untu' mennang pura ribotoni ri laleng Kitta'é.

IBRANI 10:29

Pékkugi lebbi tane'na pahukkungeng iya harusu'é ripakennaiwi tau iya léjja'-léjja'éngngi Ana'na Allataala. Iyaro tauwé nangga' matunai dara assijancingenna Allataala, iyanaritu amaténna Kristus iya pépaccingiyéngngi polé ri dosaé. Napakatunai Roh iya mabbéré pammasé.

1 KORINTUS 3:17

Rékko engka tau solangiwi Bolana Allataala, iyaro tauwé nasolangi towi Allataala. Nasaba Bolana Allataala iyanaritu banna untu' Allataala bawang, na ikona iyanaritu iyaro bolaé.

YEHEZKIEL 44:23

Harusu'i nappagguruwang sining imangngé lao ri umma'-Ku untu' pasilaingengngi kéga ripallaing untu' Iyya sibawa kéga dé', kéga mapaccing situru agamaé sibawa kéga najisi'.

DANIEL 9:27

Iyaro arungngé mébbui matu assijancing masse'é sibawa maéga tau ri lalenna pituttaungngé. Ri pattengnganna wettuéro, napappésauwi matu ripakangkana akkarobangengngé sibawa pakkasuwiyangngé. Nainappa séuwa iya mappakatau-taué iya riyasengngé Ja iya paancuru'é ritaroi matu ri Bolana Puwangnge sibawa tette'i matu engka kuwaro narapi iya taroéngngi kuwaro nakenna abinasang iya puraé napattette Allataala untu' aléna.”

MAZMUR 66:18

Ebara'na masennakka pikkiri'i majaé, pasti dé' namaélo Puwangnge méngkalingai.

ULANGENG 24:8

Rékko engka lasa oli iya mabbahayaé, pogau'i sibawa tonget-tongeng aga iya napparéntangngé imang Léwié lao ri iko; accowériwi panunju-panunju iya uwéréngngéngngi mennang.

ANGIMANGENG 21:23

Nasaba iyaro tauwé sala-salangngi watakkaléna, dé' nawedding maddeppériwi paddenring iya passarangngéngngi Bili' Mapaccingngé iyaré'ga mézbaé. Dé' nawedding napanajisi' barab-barang iya puraé ripallaing untu' Iyya, nasaba Iyya'na Puwang, sibawa Iyya'na ritu iya pallaingngéngngi iyaro barab-barangngé.”

ANGIMANGENG 20:3

Tau iya makkarobangngéngngi ana'na lao ri Molokh, napanajisi'i Kéma-Ku sibawa napakatunai asek-Ku iya mapaccingngé. Rihukkungngi matu sibawa dé'na Uwangga'i anggota umma'-Ku.

ANGIMANGENG 19:30

Ramé-raméiwi esso Saba'é sibawa pakalebbii onrong iya ripallaingngé untu' sompa-Ka. Iyya'na Puwang.

ANGIMANGENG 13:59

Makkuwaniro peraturanna passalenna atabukeng iya engkaé ri pakéyangngé iyaré'ga kaing polé ri lénangngé iyaré'ga wol-é, iyaré'ga ri agi-agi iya riyebbué polé ri bingkulangngé.

ANGIMANGENG 11:47

Harusu'ko mulléi pasilaingengngi iya mapaccingngi sibawa iya najisi'é, ri yelle'na olokolo iya weddingngé riyanré sibawa olokolo iya dé'é nawedding riyanré.

ANGIMANGENG 15:32

Makkuwaniro peraturang-peraturanna passalenna worowané iya passué manning nasaba malasa katawangngi, iyaré'ga passui manning,

1 SAMUEL 3:14

Rimakkuwannanaro mattanroka passalenna kaluwargana Eli, makkedaé dosana mennang iya battowa senna'éro dé' nawedding riledda sibawa muwi akkarobangeng iyaré'ga pakkasuwiyang aga untu' mannennungeng.”

YEHEZKIEL 36:17

“Eh tolino dé'é namannennungeng, wettunna sining tau Israélié monro ri wanuwanna muto, purai mennang nacarépai sibawa tindakanna nenniya ampé-ampéna mennang. Uwangga'i iyaro ampé-ampéna mennang harangngi, pada-padai makkunrai iya mattengngangngé maddara.