ANGIMANGENG 15:10 - KITTA KAREBA MADECENG

¹⁰ Nigi-nigi géssai séuwaé iya puraé natudangi tauwéro mancaji najisi'i narapi labu essoé. Tungke' tau iya makkaéngngi iyaro barangngé harusu'i nasessa pakéyanna sibawa cemmé, sibawa najisi'i narapi labu essoé.

ANGIMANGENG 15:10 Խաչաձեւ Հղումներ

YAKOBUS 4:8

Addeppériwi Allataala, nanaddeppéri tokko matu Allataala. Paccingiwi limammu, iko iya madosaé! Sibawa cinnongiwi atimmu, iko iya mappakka atié!

MAZMUR 26:6

Ubissaiwi limakku tanrang teppasala, sibawa joppa mattulilingiwi mézba-Mu, oh Puwang,

ANGIMANGENG 15:5

Nigi-nigi géssai tau iya passué manning, iyaré'ga onrong atinronna, iyaré'ga tudang ri onrong iya puraé natudangi iyaré'ga namméccui iyaro tauwé, harusu'i nasessa pakéyanna enrengngé cemmé, sibawa najisi'i narapi labu essoé.

ANGIMANGENG 15:9

Lapi-lapi iyaré'ga agi-agi iya natudangiyé tau iya passué manning mancaji najisi'i.

ANGIMANGENG 15:11

Rékko tau iya passué manning dé' nabissaiwi limanna lebbi riyolo nanagéssai tau laingngé, tau iya nagéssaéro harusu'i nasessa pakéyanna enrengngé cemmé, sibawa mancaji najisi'i narapi labu essoé.

ANGIMANGENG 11:24

Séddié tau mancaji najisi'i narapi labu essoé rékko géssai bakké sala sikajunna olokolo'éwé: olokolo iya makkanukué, sangadinna iya mapuwé'é kanukunna enrengngé malléroé, sibawa olokolo iya eppaé ajéna sibawa engka pakkarebbéna. Nigi-nigi tiwi bakké olokolo pada-padaéro harusu'i sessa'i pakéyanna, iyakiya najisi' mupi narapi labu essoé.

ABBILANGENG 19:22

Barab-barang iya nagéssaé iyaro tau najisi'é mancaji najisi'i, sibawa tau laing iya géssaéngngi mancaji najisi' towi narapi labu essoé.