ANGIMANGENG 14:48 - KITTA KAREBA MADECENG

⁴⁸ Iyakiya rékko poléi imangngé sibawa manuru pamaréssanna dé'na naompona atabukengngé puranana ripaléstér paimeng iyaro bolaé, harusu'i napannessa iyaro bolaé mapaccing, nasaba teddéng manenni atabukenna.

ANGIMANGENG 14:48 Խաչաձեւ Հղումներ

1 KORINTUS 6:11

Siyagangngaré ri yelle'mu riyolo kédo-kédo makkuwaro. Iyakiya makkekkuwangngé ripannessano mapaccing polé ri dosaé. Mancajino appunnangenna Allataala iya ripallaingngé. Simadécéngenno paimeng sibawa Allataala, nasaba mateppe'ko lao ri Puwang Yésus Kristus sibawa nasaba akuwasanna Roh polé ri Allataala.

LUKAS 7:21

Iyaro wettué Yésus pajjappai maéga tau, sibawa paddésu' maéga roh maja enrengngé mébbui maéga tau buta makkita.

MARKUS 5:34

Nainappa makkeda Yésus lao ri makkunraiéro, “Ana'-Ku, nasaba mateppe'ko ri Iyya, majjappako! Laono sibawa salama'. Madising sisenno!”

MARKUS 5:29

Nagéssani jumbana Yésus, na iyatoro wettué nappésau maddara. Napérasani makkedaé majjappani.

HOSEA 6:1

Makkedai sining tau Israélié, “Laono mai talisu lao ri Puwangnge. Aléna ritu peddiriki, iyakiya Alénato mappajjappa matu. Aléna palori, iyakiya Alénato bebbe'i matu sining lota.

AYUB 5:18

Saba' Allataala papeddiri, alénato paurai. Sibawa liman-Na iya paunrué, iya muto mappajjappa paimeng.

ANGIMANGENG 14:3

na imangngé tiwii ri saliwenna akkémangngé. Rékko manuru pamaréssanna majjappani iyaro tauwé,

ANGIMANGENG 14:43

Rékko mompoi paimeng iyaro atabukengngé, padahal iyaro batu-batunna bolaé purani risulléi sibawa témbo'na purani rikari' sibawa ripaléstér paimeng,

ANGIMANGENG 14:47

Nigi-nigi matinro iyaré'ga manré ri bolaéro harusu'i nasessa pakéyanna.

ANGIMANGENG 14:49

Untu' apaccingenna bolaé, harusu'i imangngé mala duwakkaju manu'-manu', aju camara, tulu cella sibawa sitakké hisop.