ANGIMANGENG 14:19 - KITTA KAREBA MADECENG

¹⁹ Nainappa harusu'i imangngé makkasuwiyang akkarobangeng paddampengeng dosa kuwammengngi namapaccing tau iya najisi'éro. Purairo harusu'i géré olokolo untu' akkarobangeng ritunu

ANGIMANGENG 14:19 Խաչաձեւ Հղումներ

ANGIMANGENG 14:12

Harusu'i imangngé mala ana' bimbala' lai iya sikajué sibawa tawatellubbangngé minnya zaitun untu' akkarobangeng passullé aroging, sibawa makkasuwiyangengngi selaku pakkasuwiyang tanréyangeng lao ri Puwangnge.

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.

ROMA 8:3

Aga iya dé'é naulléi napogau' hukkung agamaé, nasaba idi tau malemmaki, iyaro pura napogau'ni Allataala. Allataala caui akuwasanna dosaé ri laleng sipa'na tolinoé sibawa kiringngi Ana'na, iya polé ri laleng keadaang iya padaé sibawa tolinoé iya madosaé, untu' leddai dosaé.

ANGIMANGENG 5:6

Sibawa untu' pakkamaja dosana, harusu'i tiwi sikaju bimbala iyaré'ga bémbé lai untu' Puwangnge. Imangngé harusu' makkasuwiyangengngi iyaro akkarobangngé kuwammengngi nariyaddampengeng dosana iyaro tauwé.

ANGIMANGENG 5:1

Akkarobangeng paddampengeng dosaé parellui riyakakrobangeng: Rékko séddié tau secara résmi riyéllauwi mabbéré asabbiyang ri pengadilangngé, iyakiya dé' nabbéré pappakatajang passalenna aga iya puraé naita iyaré'ga naéngkalinga angkanna harusu'i natanggung addimonrinna.

ANGIMANGENG 14:14

Harusu'i imangngé malai céddé dara ana' bimbala'é nainappa nassapuwang ri daucculing ataunna, ri indo' jari lima ataunna sibawa indo' jari ajé ataunna tau maéloé ripannessa mapaccing.

ANGIMANGENG 15:15

Harusu'i nakkasuwiyangeng imangngé manu'-manu' iya sikajué untu' akkarobangeng paddampengeng dosa, sibawa iya sikajuéssi untu' akkarobangeng ritunu. Nanallalengiro pakangkani imangngé upacara pappépaccinna iyaro tauwé ri yolona Puwangnge.