ANGIMANGENG 14:17 - KITTA KAREBA MADECENG

¹⁷ Nainappa minnya iya engkaé céddé ri limanna harusu'i nassapuwang ri onrong-ngonrong iya puraé nasapui dara, iyanaritu ri daucculing atau, ri indo' jari lima ataué, sibawa indo' ajé ataunna tau iya maéloé ripannessa mapaccing.

ANGIMANGENG 14:17 Խաչաձեւ Հղումներ

YOHANES 1:16

Pennoi pammasé; dé' appésaunna, barakkakiki.

YEHEZKIEL 36:27

Utiri'i matu Roh-Ku ri laleng atimmu sibawa Ujagaiko kuwammengngi mutuwo situru hukkung-hukkuk-Ku enrengngé turusiwi sininna parénta-Ku.

ANGIMANGENG 14:14

Harusu'i imangngé malai céddé dara ana' bimbala'é nainappa nassapuwang ri daucculing ataunna, ri indo' jari lima ataunna sibawa indo' jari ajé ataunna tau maéloé ripannessa mapaccing.

ANGIMANGENG 8:30

Purairo malani Musa sibagiyang polé ri minnya upacaraé sibawa sibagiyang polé ri dara iya engkaé ri yasé'na mézbaé, nainappa nakkeppikeng lao ri Harun sibawa ana'-ana'na enrengngé lao ri pakéyanna mennang. Nasibawang caraéro, Musa pallaingngi mennang sibawa pakéyanna lao ri Puwangnge.

ANGIMANGENG 14:16

Puranana natellengeng jari lima ataunna ri laleng minnya'é, nakkeppikenni wékkapitu ri laleng Kémana Puwangnge.

ANGIMANGENG 14:18

Minnya nasésaé harusu'i riyabboloreng ri tompo ulunna tauwéro ri yolona Puwangnge.

ANGIMANGENG 8:23

nainappa nagéré Musa. Purairo nalani céddé dara olokolo'éro, nanasapuwangngi daucculing ataunna Harun, indo' jari lima ataunna, sibawa indo' ajé ataunna.