ANGIMANGENG 13:3 - KITTA KAREBA MADECENG

³ Harusu'i imangngé paréssai bagiyang iya mapeddié ri olina tauwéro. Rékko bulu-bulu iya engkaé ri bagiyangngéro maputéi, sibawa bagiyang iya mapeddié paitai lebbi marilaleng naiya olié ri seddéna, iyaro tauwé nakennai lasa oli iya mabbahayaé. Harusu'i imangngé pannessai iyaro tauwé najisi'.

ANGIMANGENG 13:3 Խաչաձեւ Հղումներ

WAHYU 2:23

Sining iya maccowériyéngngi maélo tok-Ka mpunoi kuwammengngi sininna jema'é namaingekiwi makkedaé Iyya'naé iya mpellungiyéngngi pikkiranna sibawa atinna tolinoé. Iko maneng maélo-Ka mpale'i situru pangkaukemmu tungke'-tungke'.

IBRANI 13:7

Aja' muwallupaiwi sining pamimpimmu iya palettu'éngngi pasenna Allataala ri iko. Pénessaiwi pékkuwi mennang tuwo sibawa pékkugiwi mennang maté, sibawa contoiwi teppe'na mennang.

2 TIMOTIUS 3:13

sedangkang sining tau iya majaé sibawa sining pabengnguwangngé pédé' majai matu. Nabengnguwangngi mennang tau laingngé padahal ribengnguwang towi mennang.

1 TIMOTIUS 1:20

Ri yelle'na iyanaritu Himénéus sibawa Aléksander. Iya duwa tauwéro purani uhukkung ri laleng mabbéréyangngi lao ri Ibillisi', kuwammengngi nagguru mennang untu' mappésau curupiyangiwi Allataala.

ROMA 7:7

Rékko makkuwaitu, agana wedding tapowada? Majaga hukkunna agama Yahudié? Tentu dé'! Iyakiya hukkung ngénnaro pagguruka passalenna dosaé. Dé' uwissengngi aga iyaro mangowaé, rékko hukkung agamaé dé' napowadai, “Aja' mumangowa.”

RIWAYA'NA RASUL-RASUL-E 20:28

Sitinajako jagaiwi aléna sibawa jagai towi sininna jema'é iya puraé nabbéréyang Rohna Allataala lao ri iko untu' rijagai, saba' pura riyakkako mancaji jennang ri jema'éro. Sitinajako jagaiwi iyaro jema'na Allataala pada-pada pakkampié jagaiwi bimbala'na, nasaba Allataala pura pancajiwi iyaro jema'é appunnangeng ri Aléna naolai amaténna Ana'-Na.

YOHANES 20:23

Rékko muwaddampengengngi dosana séddié tau, naddampengeng towi Allataala. Rékko dé' muwaddampengengngi dosana séddié tau, dé'to naddampengengngi Allataala.”

MATIUS 16:19

Namaélo-Ka mpérékko goncinna Lino Barunna Allataala. Aga muwattéyang ri linoé, riyattéyang towi ri surugaé. Na aga mupattongeng ri yasé'na linoé, ripattongeng towi ri surugaé.”

MALEAKHI 2:7

Mémeng kewajibanna sining imangngé untu' mappagguruwangngi iya tongengngé passalek-Ku, Puwang Iya Pommatanré. Lao ri mennang ritu harusu'i makkutana ra'ya'é aga élo-Ku, nasaba mennang ritu sining suro-Ku.

HAGAI 2:11

Adan-Na, “Ellauwi apettunna sining imangngé passalenna persoalangngéwé:

HOSEA 7:9

Dé' namaingekiwi mennang makkedaé mala nasaba passéddiyanna sibawa bangsa-bangsaé ritu, nateddéng awatangenna mennang. Macawé'ni cappa'na curitana mennang, iyakiya dé' naissengngi mennang.

YEHEZKIEL 44:23

Harusu'i nappagguruwang sining imangngé lao ri umma'-Ku untu' pasilaingengngi kéga ripallaing untu' Iyya sibawa kéga dé', kéga mapaccing situru agamaé sibawa kéga najisi'.

YEHEZKIEL 16:30

Makkedai Puwang Iya Pommatanré, “Iya manennaro purai mupogau' pada-pada cakkuribang iya dé'é naissengngi masiri.

ANGIMANGENG 13:2

Rékko séddié tau mappunnai betti-betti, iyaré'ga lettang iyaré'ga betti-betti ri olina iya weddingngé mancaji lasa oli iya mabbahayaé, harusu'i ritiwi ri imang wija-wijanna Harun.

ANGIMANGENG 10:10

Harusu'ko mulléi pasilaingengngi iya ripallaingngé untu' Allataala sibawa iya dé'é naripallaing ri yelle'na, iya najisi'é sibawa iya dé'é nanajisi'.

KAJAJIYANG 13:3

Nalaona polé ri séddié onrong lao ri onrong iya laingngé, mattuju ri Bétel. Lettu'ni ri daéra ri pallawangenna Bétel sibawa Ai, ri onrong makare'é nakkémaiyé riyolo

ANGIMANGENG 13:4

Iyakiya rékko bagiyang iya mapeddié maputéi sibawa dé' nalebbi marilaleng polé ri olié ri seddéna, sibawa bulu-bulué ri bagiyangngéro dé'to namancaji maputé, iyaro tauwé harusu'i ripassala pitungngesso ittana.

ANGIMANGENG 5:3

Rékko séddié tau pasala nasaba dé' nattungkaiwi géssai barang najisi'é iya polé ri tolinoé, nainappa namaingeki pangkaukenna.

ANGIMANGENG 13:8

Harusu'i imangngé paréssai paimeng, narékko mémeng tattambai lasana, iyaro tauwé harusu'i ripannessa najisi'; nakennai lasa oli iya mabbahayaé.

ANGIMANGENG 13:10

Rékko manuru pamaréssanna imangngé ri olina tauwéro engka boro maputé iya mannanaé sibawa bulu-bulunna ri bagiyangngéro maputéi,

ANGIMANGENG 13:20

untu' riparéssa. Rékko iyaro betti-betti'é paitai lebbi marilaleng naiya olié ri seddéna sibawa bulu-bulué ri bagiyangngéro maputé toni, harusu'i imangngé pannessai iyaro tauwé najisi'. Iyaro lettangngé pammulannai lasa oli iya mabbahayaé.

ANGIMANGENG 14:37

untu' paréssai iyaro atabukengngé. Rékko engka betti-betti manyila-nyila iyaré'ga macella-cella iya paitaé pada-pada iya mattemme'é ri laleng témbo'é,

ANGIMANGENG 14:54

Iyanaro sining peraturanna lasa oli mabbahayaé,