ANGIMANGENG 13:2 - KITTA KAREBA MADECENG

² Rékko séddié tau mappunnai betti-betti, iyaré'ga lettang iyaré'ga betti-betti ri olina iya weddingngé mancaji lasa oli iya mabbahayaé, harusu'i ritiwi ri imang wija-wijanna Harun.

ANGIMANGENG 13:2 Խաչաձեւ Հղումներ

ULANGENG 24:8

Rékko engka lasa oli iya mabbahayaé, pogau'i sibawa tonget-tongeng aga iya napparéntangngé imang Léwié lao ri iko; accowériwi panunju-panunju iya uwéréngngéngngi mennang.

ANGIMANGENG 14:3

na imangngé tiwii ri saliwenna akkémangngé. Rékko manuru pamaréssanna majjappani iyaro tauwé,

LUKAS 17:14

Wettunna Yésus naita mennang, makkedani, “Laono risining imangngé, éllauwi mennang paréssai watakkalému.” Ri wettu joppana mennang, teddénni lasana mennang.

LUKAS 5:14

Nainappa nattéyang Yésus iyaro tauwé curitai gau'éro lao ri nigi-nigi, adan-Na, “Laono ri imangngé, namuwéllauwi untu' pattentui makkedaé majjappano. Nainappako lao makkasuwiyangeng akkarobangeng pada-pada iya napparéntangngé Musa, selaku butti lao risining tauwé makkedaé tonget-tongenno majjappa.”

MARKUS 1:44

“Jaga-jagako, aja' mucuritai lao ri nigi-nigi, iyakiya laoko ri imangngé, namuwéllauwi untu' pattentui makkedaé majjappano. Nainappa untu' ajjappammuro, akkasuwiyangekko akkarobangeng situru napparéntangngé Musa, selaku butti lao risining tauwé makkedaé tonget-tongenno majjappa.”

MATIUS 8:4

Nakkeda Yésus lao ri aléna, “Engngerangngi! Aja' mucuritai lao ri nigi-nigi. Iyakiya laoko ri imangngé, namuwéllauwi untu' pattentui makkedaé majjappano. Purairo akkasuwiyangenno akkarobangeng iya napparéntangngé Musa, selaku butti lao ri tauwé makkedaé tonget-tongenno majjappa!”

MALEAKHI 2:7

Mémeng kewajibanna sining imangngé untu' mappagguruwangngi iya tongengngé passalek-Ku, Puwang Iya Pommatanré. Lao ri mennang ritu harusu'i makkutana ra'ya'é aga élo-Ku, nasaba mennang ritu sining suro-Ku.

YESAYA 3:17

Iyakiya maélo-Ka hukkungngi mennang; pennoi matu puru-puru ulunna sibawa nakellui.”

YESAYA 1:6

Polé ri ulué lettu ri palakajé dé'gaga madising ri watakkalému. Pennoko boro-boro, mabbalippeng-balippeng sibawa sining malo. Iyaro sining lomu dé'pa naripépaccingi iyaré'ga ribebbe, dé'to nariurai sibawa minnya.

2 ARUNG-NGARUNG 5:27

Nasaba mutarimai iyaro pabbéré, mutarima towi matu lasana Naaman. Mala untu' mannennungeng muwi wija-wijammu lolongeng towi matu iyaro lasaé!” Wettunna massu Géhazi polé kuwaro, lolongenni lasa oli – mancaji maputé senna'ni olina.

2 ARUNG-NGARUNG 5:1

Naaman iyanaritu pallima tentarana Siria iya ripoji senna'é sibawa riyangke ri arung Siria. Saba' naolai Naaman, mabbéréi Puwangnge apakalang lao ri tentara Siriaé. Naaman iyanaritu séddiwi pallima iya poré, iyakiya malasa olii iya mappakatau-taué.

2 SAMUEL 3:29

Leppessanni Yoab sibawa sininna kaluwargana rihukkung nasaba pangkaukengngéro. Tennapodo ri laleng kaluwargana Yoab massossoreng tuli engka tau iya nakennaé lasa oli iya mappakatau-taué, iyaré'ga worowané iya dé'é pakkullénna, iyaré'ga maté ri laleng ammusurengngé iyaré'ga iya akurangengngé anré!”

ULANGENG 28:27

Nahukkukko matu Puwangnge sibawa sining lettang pada-pada iya Napogau'é lao ri tau Maséré'é. Pennoi matu watakkalému sibawa lo mannana nenniya puru-puru iya makate'é, iyakiya dé'é gaga pabburana.

ABBILANGENG 12:10

Wettunna iyaro ellungngé nasalai Kémana Puwangnge, paitani Miryam nakenna lasa oli iya mabbahayaé; maputé olina pada-pada ape'é. Wettunna Harun giling lao ri Miryam sibawa mitai makkedaé nakennani iyaro lasaé,

ANGIMANGENG 14:35

Nigi-nigi runtu atabukengngé, ri bolana, harusu'i nalaporo iyaro gau'é lao ri imangngé.

ABBILANGENG 12:12

Aja' taleppessangngi mancaji pada-pada ana' lolo iya matéénna najaji, sibawa sitengnga makebbong jukuna.”

ANGIMANGENG 13:1

Puwangnge mpéréngngi Musa sibawa Harun sining peraturangngéwé:

ANGIMANGENG 13:3

Harusu'i imangngé paréssai bagiyang iya mapeddié ri olina tauwéro. Rékko bulu-bulu iya engkaé ri bagiyangngéro maputéi, sibawa bagiyang iya mapeddié paitai lebbi marilaleng naiya olié ri seddéna, iyaro tauwé nakennai lasa oli iya mabbahayaé. Harusu'i imangngé pannessai iyaro tauwé najisi'.

ANGIMANGENG 13:8

Harusu'i imangngé paréssai paimeng, narékko mémeng tattambai lasana, iyaro tauwé harusu'i ripannessa najisi'; nakennai lasa oli iya mabbahayaé.