ANGIMANGENG 11:47 - KITTA KAREBA MADECENG

⁴⁷ Harusu'ko mulléi pasilaingengngi iya mapaccingngi sibawa iya najisi'é, ri yelle'na olokolo iya weddingngé riyanré sibawa olokolo iya dé'é nawedding riyanré.

ANGIMANGENG 11:47 Խաչաձեւ Հղումներ

ANGIMANGENG 10:10

Harusu'ko mulléi pasilaingengngi iya ripallaingngé untu' Allataala sibawa iya dé'é naripallaing ri yelle'na, iya najisi'é sibawa iya dé'é nanajisi'.

YEHEZKIEL 44:23

Harusu'i nappagguruwang sining imangngé lao ri umma'-Ku untu' pasilaingengngi kéga ripallaing untu' Iyya sibawa kéga dé', kéga mapaccing situru agamaé sibawa kéga najisi'.

MALEAKHI 3:18

Naitai matu paimeng umma'-Ku assilaingenna ri yelle'na totona tau makessingngé sibawa tau majaé, ri yelle'na tau iya massompaé lao ri Iyya sibawa dé'é.”

ANGIMANGENG 11:46

Iyanaro peraturanna passalenna olokolo'é, muttama'ni manu'-manu'é, olokolo iya tuwoé ri uwai sibawa iya mpekke'é ri tompo'na tanaé.

ANGIMANGENG 12:1

Puwangnge mabbéréyangngi lao ri Musa sining peraturangngéwé

YEHEZKIEL 22:26

Sining imanna Israélié najjalékkaiwi hukkung-hukkuk-Ku sibawa carépaiwi barab-barang iya ripallaingngé untu' alé-Ku. Dé' napasilaingengngi mennang kéga hallala' sibawa kéga harang. Makkuwatoro mennang dé' napaggurui ra'ya'é untu' pasilaingengngi kéga mapaccing sibawa kéga najisi' situru peraturanna agamaé. Dé' mennang nabati-batiwi esso Saba'é. Nanallalengiwi ripakatuna-Ka ri bangsa Israélié.

DANIEL 1:8

Nasibawang pattulunna Allataala, riyéloriwi Daniél sibawa riyamaséi ri Aspénas. Manniya'i Daniél untu' dé' napanajisi'i aléna sibawa inanré nenniya énungeng anggoro polé ri saorajana arungngé, rimakkuwannanaro naéllauni lao ri Aspénas kuwammengngi weddingngi lolongeng inanré laingngé.

KAJAJIYANG 7:2

Tiwii towi pituppasang polé ri tungke' rupanna manu'-manu' sibawa olokolo laingngé iya hallala'é, naiya harangngé banna sipasang bawang polé ri tungke' rupanna. Pogau'i iyaro kuwammengngi polé ri tungke' rupanna olokolo'é engka iya leppe'é polé ri abinasangngé sibawa weddingngi mabbija-bijasi ri linoé.