ANGIMANGENG 10:6 - KITTA KAREBA MADECENG

⁶ Nainappa makkeda Musa lao ri Harun sibawa lao ri ana'-ana'na iya laingngé, iyanaritu Eléazar sibawa Itamar, “Aja' muleppessangngi makota gemme'mu, sibawa aja' musapé'i pakéyammu untu' mappaitangngi makkedaé messéko sibawa mabbaratako. Rékko kédo makkuwakoro, matéko matu, nasininna umma Israélié riyacairiwi matu ri Puwangnge. Iyakiya sininna umma Israélié iya laingngé weddingngi mabbarata untu' iya duwa tau maté nasaba api polé ri Puwangnge.

ANGIMANGENG 10:6 Խաչաձեւ Հղումներ

YOSUA 22:18

Na makkekkuwangngé, aga maélosikoga mabbokoriwi Puwangnge? Rékko iyaé essoé muéwai Puwangnge, macayii matu baja lao risininna umma Israélié.

YOSUA 7:1

Puwangnge pura mapparéntangngi lao ri umma Israélié makkedaé polé risininna séuwa-séuwaé ri kota Yérikho harusu'i ripaccappu, muwi séddi dé'to wedding riyala. Iyakiya iyaro paréntaé dé' naturusiwi. Séddi tau worowané riyaseng Akhan majjalékkaiwi iyaro paréntaé, angkanna macai senna Puwangnge lao ri umma Israélié. (Ambo'na Akhan riyasengngi Karmi sibawa nénéna riyasengngi Zabdi polé ri appang Zéra ri laleng suku Yéhuda.)

ABBILANGENG 16:22

Iyakiya Musa sibawa Harun suju'i massompa sibawa makkeda, “Oh Allataala, idi ritu iya mabbéré atuwong lao ri sininna iya tuwoé. Rékko banna séddi bawang iya madosaé, macaiki'ga lao ri sininna umma'é?”

ABBILANGENG 1:53

Iyakiya sining tau Léwié harusu'i makkéma mattulilingiwi Kéma-Ku. Harusu'i mennang jagaiwi kuwammengngi nadé' tau maddeppériwi, angkanna nassabari-Ka macai sibawa hukkungngi umma Israélié.”

2 SAMUEL 24:1

Macaisi Puwangnge lao ri Israélié, nanapalécéi Daud sibawa akkatta papoléngengngi asukkarakeng bangsaéro. Adanna Puwangnge lao ri Daud, “Pakangkano abbilangeng ri Israél sibawa Yéhuda.”

YOSUA 22:20

Engngerangngi, Akhan ana' Zérah dé' namaélo turusiwi paréntana Puwangnge passalenna barab-barang iya harusu'é riancuru, na agana addimonrinna? Sininna umma Israélié rihukkung! Iya madosaé banna Akhan, iyakiya iya maté tenniya aléna bawang!”

ANGIMANGENG 13:45

Séddié tau iya nakennaé lasa oli iya mabbahayaé, harusu'i paké pakéyang iya sapé-sapé'é sibawa leppessangngi gemme'na makota. Harusu'i natongko rupanna bagiyang yawaé sibawa gora-gora “Najisi'! Najisi'!”

ABBILANGENG 18:5

Banna iko, Harun sibawa ana'-ana'mu ritu iya harusu'é pogau'i jamangngé ri Bili' Mapaccingngé sibawa ri mézbaé, kuwammengngi aja'na Umacaisi lao ri bangsa Israélié.

MIKHA 1:16

Eh tau Yéhuda, rette'i gemme'mu selaku tanrang mabbarata untu' ana'-ana'mu iya muwamaséiyé. Cukkuru'i ulummu gangka makellu pada-pada manu'-manu' pakkanré bakké, saba' ana'-ana'mu ritiwii matu ri appalirengngé.

YEREMIA 7:29

Makkedai Puwangnge, “Eh pabbanuwana Yérusalém, abbaratano! Rette'ni gemme'mu sibawa abbéyanni! Puwélonno élong mpating ri tompo-tompo bulué, saba' Iyya, Puwang, mattengngang macai sibawa pura sampéyang manekko.

YOSUA 7:11

Purai pogau' dosa tau Israélié. Purai Uwapparéntang kuwammengngi naturusiwi mennang assijancinna sibawa Iyya, iyakiya najjalékkaiwi mennang! Barab-barang iya harusu'é riyancuru naalai mennang. Ménnauwi mennang sibawa nasubbui ri yelle'na barab-baranna mennang kuwammengngi dé' nakaissengeng.

ULANGENG 33:9

Matinului mennang lao ri Iko pakacauriwi sini-sininnaé, napakacauri tomatowaé sibawa sumpuloloé. Parénta-parénta-Mu naturusiwi mennang, assijancim-Mu narupaiwi mennang.

ABBILANGENG 14:6

Yosua ana' Nun sibawa Kaléb ana' Yéfune, duwa ri yelle'na mata-mataéro, sapé'i pakéyanna mennang tanrang asarang.

ABBILANGENG 5:18

Nainappa harusu'i nalara gemme'na iyaro makkunraié, sibawa nataroi labbu pakkasuwiyang abata-batangngé ri laleng limanna, na aléna imangngé makkatenning uwai mapai iya mappapolé abusungeng.

ASSURENG 6:23

Korah mappunnaiwi tellu ana' worowané: Asir, Elkana sibawa Abiasaf. Mennang ritu néné-nénéna polé ri appanna Korah.

ABBILANGENG 20:25

Tiwii Harun sibawa Eléazar, ana'na, ménré ri Bulu Hor.

EZRA 7:5

Abisua Pinéhas Eléazar Imang Lompo Harun