ANGIMANGENG 10:3 - KITTA KAREBA MADECENG

³ Namakkeda Musa lao ri Harun, “Iyanaro nakkattai Puwangnge wettunna makkeda, ‘Sininna iya tumaningiyékka harusu'i napakalebbi apaccingek-Ku. Maéloka pannessai arajak-Ku lao ri sininna bangsaé!’ ” Iyakiya mammekko bawammi Harun.

ANGIMANGENG 10:3 Խաչաձեւ Հղումներ

ASSURENG 19:22

Mala sining imang iya maéloé maddeppérika, harusu'i pépaccingiwi aléna; rékko dé', Uhukkungngi matu mennang.”

YESAYA 49:3

Adan-Na lao ri aléku, “Iko ritu atak-Ku; ripakaraja-Ka matu nasaba iko.”

ANGIMANGENG 21:6

Appunnangekkui iya ripallaingngé nadé' nawedding carépaiwi asek-Ku. Makkasuwiyangngi akkarobangeng inanré lao ri Iyya, jaji harusu'i mapaccing.

ABBILANGENG 20:12

Iyakiya riyamparengngi Musa sibawa Harun ri Puwangnge, adan-Na, “Nasaba makurang teppe'ko ri Iyya untu' pannessai akuwasak-Ku iya mapaccingngé ri yolona bangsa Israélié, dé' matu mupimpingngi mennang muttama ri wanuwa iya Uwajjanciyangngé lao ri mennang.”

1 SAMUEL 2:30

Iyya, Puwang Allataalana Israélié, pura majjanci riyolo, makkedaé kaluwargamu sibawa appammu tumaningika matu selaku imang untu' mannennungeng. Iyakiya makkekkuwangngé dé' Upuwéloi gau'éro! Saba' iya pakalebbiék-Ka, Upakalebbii matu iyakiya iya pakatunaék-Ka, Upakatunai matu.

ULANGENG 32:51

Iko sipadduwa dé' mumatinulu ri Iyya sibawa dé' mupakalebbika ri yolona bangsa Israélié wettummu engka ri mata uwai Mériba, seddéna kota Kadés, ri padang kessi Zin.

YESAYA 52:11

Laono! Salaiwi kota Babél, éh iko iya tiwiéngngi pakkakkassa bolana Allataala! Aja' mugéssai barang iya najisi'é; pépaccingiwi alému ri wettu dé'napa mujoppa.

MAZMUR 89:7

Ri langié dé' gaga pappadai-Ko, oh Puwang, dé' gaga mahlu' suruga iya pappadaiyék-Ko.

1 SAMUEL 6:20

Namakkeda pabbanuwana Bét-Sémes, “Nigana wedding tahang ri yolona Puwangnge, Allataala Iya Mapaccingngéro? Kégani iyaro Pettié harusu riyantara kuwammengngi namabéla polé ri idi?”

ANGIMANGENG 21:21

Tungke' wija-wijanna Imang Harun iya sala-salangngé watakkaléna dé' nawedding makkasuwiyang akkarobangeng inanré lao ri Iyya.

ANGIMANGENG 8:35

Pitungngesso ittana, esso wenni, harusu'ko monro ri yolona sumpang Kémaé untu' pogau'i aga iya napparéntangngé Puwangnge. Rékko dé' mupogau'i, matéko matu. Iyanaro napparéntang Puwangnge lao ri iyya.”

YEHEZKIEL 20:41

Puramuna Utiwi massu polé ri wanuwa-wanuwa onrommu ripassara-sarang, Upaddeppungekko matu sibawa tarimai sininna akkarobangeng ritunummu. Nanaissengngi sininna bangsaé makkedaé Iyya'é Allataala Iya Pommapaccingngé.

ANGIMANGENG 22:9

Sininna imangngé harusu'i naturusi sining peraturang iya Uwabbéréyangngé. Rékko dé', pasalai mennang sibawa matéi matu, nasaba najjalékkaiwi sining peraturang iya mapaccingngéro. Iyya'na Puwang, sibawa Iyya ritu pallaingngi mennang untu' alé-Ku.

ANGIMANGENG 21:17

untu' powadai iyaé lao ri Harun, “Séddié wija-wijammu iya sala-salangngé watakkaléna dé' nawedding makkasuwiyang akkarobangeng inanré lao ri Iyya. Iyaro takkennai untu' mannennungeng.

ANGIMANGENG 21:15

Rékko riyajjalékkaiwi iyaro peraturangngé, ana'-ana'na iya harusu'é mapaccing, najisi'i matu. Iyya'na Puwang sibawa purani Upallaing mancaji Imang Lompo.”

ANGIMANGENG 21:8

Bangsa Israélié harusu'i mangakuiwi imangngé selaku tau iya ripallaingengngékka nasaba makkasuwiyangngi akkarobangeng inanré lao ri Iyya. Iyya'na Puwang; mapaccikka sibawa Upaccingiwi umma'-Ku.

YEHEZKIEL 42:13

Makkedai iyaro worowané lao ri iyya, “Mapaccing duwa iyaro bolaé. Kuwaro, sining imang iya weddingngé mangolo ri ahadérékenna Puwangnge, manréi sining akkarobangeng iya kaminang mapaccingngé. Kuwatoniro harusu mennang taroi sining akkarobangeng iya kaminang mapaccingngé, iyanaritu: akkarobangeng gandong sibawa akkarobangeng pappaledda dosa iyaré'ga akkarobangeng passullé aroging.

MAZMUR 39:9

Paleppe'ka polé ri sininna dosaku, aja' taleppessakka mancaji akkéllé-kéllékenna tau madonggoé.

1 PETRUS 4:17

Narapini wettunna Allataala madélékiwi linoé. Na umma'na muto Allataala riadéléki matu riyolo'. Nah, rékko Allataala maélo pammulaiwi ri idi, pékkugiwi jajinna matti sibawa sining tau iya dé'é namateppe' lao ri Karéba Madécéng polé ri Allataalaro?

MATIUS 10:37

Tau iya mamaséiyéngngi ambo'na iyaré'ga indo'na lebbi na Iyya, dé' nasitinaja mancaji ana' guruk-Ku. Makkuwatoro tau iya mamaséiyéngngi ana' worowanéna iyaré'ga makkunrainna lebbi na Iyya.

YEHEZKIEL 28:22

Palettu'i lao ri pabbanuwana makkedaé Iyya Puwang Iya Pommatanré makkeda lao ri mennang, ‘Iyya'é balimmu, éh Sidon. Napoji-Ka matu sining tauwé nasaba tindakak-Ku lao ri iko. Wettuk-Ku hukkungngi pabbanuwamu, naissengngi matu mennang makkedaé Iyya ritu Puwang iya mapaccingngé.

AYUB 2:10

Nappébali Ayub, “Mabbicarako pada-pada tau madonggoé! Masa iyami bawang makessingngé maélo ritarima polé ri Allataala, na iya dé'é namakessing risampéyangngi?” Jaji, namuni napéneddingiwi Ayub sininna abalaéro, dé' napowadai ada-ada iya méwaéngngi Allataala.

YOHANES 12:28

Ambo', pakarajai asem-Mu!” Na paéngkalingana sadda polé ri langié makkeda, “Purani Upakaraja, namaélosi-Ka pakarajai.”

1 SAMUEL 3:18

Nainappa Samuél paissengi manengngi iyaro Eli. Dé' gaga muwi séddi iya narahasiyakangngé. Nainappa makkedani Eli, “Aléna Puwang, leppessanni Napogau' aga iya Naangga'é makessing.”

ASSURENG 14:4

Upancajiwi matu matedde ati angkanna nalellukko. Iyakiya maélo-Ka mappaitangngi aku wasak-Ku ri yasé'na arung Maséré sibawa tentarana, nanaissengngi matu mennang makkedaé Iyya'na Puwang.” Nanapogau'ni tau Israélié pada-pada iya napparéntangngé Puwangnge lao ri mennang.

KAJAJIYANG 18:25

Aja' nasining tau iya dé'é napasalaro riyunoi silaong iya pasalaé. Aja' Puwang! Saba' rékko tapogau'i Puwang, tau iya dé'é napasala pasti rihukkungngi matu silaong iya pasalaé. Pékkugi makkullé hakinna alangngé tinda' dé' naadélé!”

2 TESALONIKA 1:10

ri Esso apolénna matti untu' ripakaraja ri umma'na sibawa untu' ripakalebbi ri sininna tauwé iya mateppe'é. Engka tokko matu ri yelle'na umma'na Allataalaro, saba' mateppe'ko lao ri biritta iya ripalettu'é lao ri iko.

YOHANES 14:13

Na agi-agi muwéllau ri laleng asek-Ku, Upogau'i iyaro untu' alému, kuwammengngi naripakaraja Ambo'é naolai Ana'é.

MAZMUR 119:120

Ténréka nasaba métauka lao ri Iko, métau atikku lao ri apettum-Mu.

MAZMUR 46:10

Napappajai musué ri sininna linoé, Naancuru'i panaé sibawa bessié, Natunui sining kaliyawo malébué.

YESAYA 39:8

Nappébali Arung Hizkia, “Makessitto pasenna Puwangnge iya mupalettukengngékka.” Mappébali makkuwairo nasaba mappikkiri'i: “Assaleng tette muwi amang akkarungekku sibawa damé ri wettu tuwoku mupa.”

ASSURENG 14:17

Upancajiwi matu tau Maséré'é matedde ati angkanna matterui matu lellungngi tau Israélié, na-Uwappaitangngi matu akuwasak-Ku lao ri arung Maséré, pasukanna, karéta-karétana sibawa sining tonangiyéngngi.

ASSURENG 30:30

Minnyaki towi Harun sibawa ana'-ana'na kuwammengngi narilanti mennang mancaji imang untu' tumaningi-Ka.

ABBILANGENG 16:5

Nainappa makkeda lao ri Kora enrengngé sining maccowériyéngngi, “Baja éléé maéloi Puwangnge mappaitangngi lao ri idi niga appunnangen-Na, sibawa niga iya napallaingngé untu' alé-Na. Tau iya Napilé napalaloi matu maddeppériwi.

MAZMUR 148:14

Purani napéwatangi bangsa-Na, angkanna ripoji-poji ri umma'-Na, Israélié, umma Napojiyé. Pojiwi Puwangnge!

YEHEZKIEL 38:16

Nainappa mugasa umma'-Ku Israélié pada-pada anginraja mappo'éngngi linoé. Rékko narapii wettunna, Ukirikko matu untu' tudangiwi tana-Ku. Nasibawang tindakak-Ku molaékko, éh Gog, naissengngi matu sining bangsaé niga Iyya, iyanaritu Allataala iya mapaccingngé.

YEHEZKIEL 40:46

na bola iya mangoloé ri manorang ripassadiyai untu' sining imang iya majjamaé ri mézbaé. Iya manenna imangngéro harusu'i polé ri wija-wijanna Zadok. Saba' polé ri suku Léwi banna wija-wijanna Zadok iya weddingngé mangolo ri Puwangnge untu' tumaningiwi Aléna ri laleng assompangngé.

ASSURENG 19:24

Nappébali Puwangnge, “Nonnono, nainappa lisu kuwaé silaong Harun. Iyakiya sining imang sibawa ra'ya'é dé' nawedding naliweng pakkaséséngngé untu' lao ri Iyya. Rékko naliwengngi, Uhukkungngi matu mennang.”

MAZMUR 39:10

Mammekkoka sibawa dé' natattimpa bawaku, saba' Iko ritu majara'ka.

MAZMUR 93:5

Puwang, mannennungengngi hukkum-Mu, mapaccingngi Bola-Mu sillampé wettué.