ANGIMANGENG 10:12 - KITTA KAREBA MADECENG

¹² Makkedani Musa lao ri Harun sibawa lao ri iya duwa ana'na, Eléazar sibawa Itamar, “Alano gandong iya nasésaé polé ri inanré iya riyakkasuwiyangengngé lao ri Puwangnge. Polé ri labbu'éro ébbuno roti iya dé'é napaké ragi, nainappa muwanré ri seddéna mézbaé, nasaba iyaro akkarobangngé mapaccing senna'i.

ANGIMANGENG 10:12 Խաչաձեւ Հղումներ

ANGIMANGENG 21:22

Iyakiya weddingngi manré inanré iya riyakkasuwiyangngé, muwi akkarobang inanré iya mapaccingngé muwi akkarobangeng inanré iya mapaccing senna'é.

YEHEZKIEL 44:29

Harusu'i mennang tuwo polé ri pakkasuwiyang gandongngé, akkarobangeng pappaledda dosaé, sibawa akkarobangeng passullé arogingngé; sibawa sininna séuwa-séuwaé iya puraé ripallaing untu' Iyya, harusu'i riwéréng mennang.

ANGIMANGENG 7:9

Tungke' akkarobangeng ripatalaé iya ritunué ri laleng attunungngé iyaré'ga rinasu ri laleng pamuttué iyaré'ga iya ripanggangngé, mancajiwi bagiyanna imang iya makkasuwiyangengngéngngi.

ASSURENG 29:2

Polé ri labbu tarigu iya kaminang makessingngé, lamani teppaké ragi. Sibagiyang iyaro lama labbu'é harusu'i riyébbu roti silaong minnya zaitun, sibagiyang teppaké minnya, nasésana riyébbui béppa iya risapuiyé minnya.

ASSURENG 6:23

Korah mappunnaiwi tellu ana' worowané: Asir, Elkana sibawa Abiasaf. Mennang ritu néné-nénéna polé ri appanna Korah.

ANGIMANGENG 10:13

Iyaro rotié harusu'i riyanré ri onrong iya mapaccingngé, saba' polé ri inanré iya riyakkasuwiyangengngé lao ri Puwangnge, iyaro rotié mancajiwi tawamu sibawa ana'-ana'mu iya worowané. Iyanaro paréntana Puwangnge lao ri iyya.

ABBILANGENG 3:2

Harun mappunnai eppa ana' worowané: Nadab iya macowaé, nainappa Abihu, Eléazar sibawa Itamar.

ASSURENG 29:33

Harusu'i mennang nanré iya riyakkasuwiyangengngé ri laleng upacara paddampengeng dosaé wettunna rilanti. Banna imangngé wedding manréi inanré iya puraé ripallaing untu' alé-Kuro.

ANGIMANGENG 24:9

Iyaro rotié untu' Harun sibawa wija-wijanna. Harusu'i mennang nanré ri onrong iya mapaccingngé, nasaba iyaro rotié sinrupai bagiyang iya kaminang mapaccingngé polé ri akkarobangeng inanré iya riyakkasuwiyangengngé lao ri Puwangnge untu' sining imangngé.

2 TAWARIKH 31:14

Koré ana' Yimna, séddiwi tau Léwi mancaji kapalana pengawal-é ri Pintu Gerbang Alau ri Bolana Puwangnge, riwéréng tanggung jawa' untu' tarimai sining pabbéré iya riyakkasuwiyangengngé lao ri Puwangnge, nainappa nabagé-bagé.

EZRA 7:5

Abisua Pinéhas Eléazar Imang Lompo Harun