2 SAMUEL 1:21 - KITTA KAREBA MADECENG

²¹ Eh bulu-bulu Gilboa, éngkalingai pangobbiku: Aja' narapii cinoddoé sibawa bosié rica'ko! Leppessanni marakko sibawa makabuttu dare sibawa padammu. Saba' kuwaniro rappé kaliyawona pabbaranié. Nataiseng tona kaliyawona Saul tenriminnyaki.

2 SAMUEL 1:21 Խաչաձեւ Հղումներ

1 SAMUEL 31:1

Na wettuéro mammusuni tau Filistingngé méwai tau Israélié ri Bulu Gilboa. Maéga tau Israél maté kuwaro, na iya laingngé, muttama'ni Saul sibawa ana'-ana' worowanéna larini.

YESAYA 21:5

Uwita towi pésta perjamuwang iya puraénna ripassadiya; onrong tudangeng untu' sining undangangngé tassadiyani. Manréni sibawa ménung mennang. Tennasenna-senna riyéngkalingai paréntaé: “Eh sining parawira-parawira! Passadiyaiwi kaliyawomu!”

1 SAMUEL 10:1

Nainappa nala Samuél kendi mallise'é minnya zaitun, nanatiri'i iyaro minnya'é ri tompo ulunna Saul, sibawa bauwi Saul nakkedato, “Puwangnge pura lanti'ko mancaji arunna Israélié umma'-Na. Muparéntai matu umma'-Na sibawa linrungiwi mennang polé risining balinna. Iyanaé tanranna lao ri iko makkedaé Puwangnge pura piléko mancaji arunna umma'-Na:

YOEL 2:14

Ajakké tappinrai pikkiranna Puwang Allataalamu, sibawa barakkakiko sibawa maona. Angkanna muwulléi makkasuwiyangengngi akkarobangeng gandongngé sibawa anggoro'é untu' Puwangnge, Allataalamu.

YOEL 1:9

Gandong sibawa anggoro'é teddénni polé ri Bolana Puwangnge. Namabbaratana sining imangngé, iya matinulué tumaningiwi Puwangnge.

YEHEZKIEL 31:15

Makkuwaiyé adanna Puwang Iya Pommatanré, “Uppanna iyaro ajué nonno ri linona tau maté, Usuroi uwai ri yawana tanaé malle'i selaku tanrang mabbarata. Utahangngi matu solo' uwai sibawa lape'i ana'-ana' saloé. Nasaba maténi iyaro ajué, papolé-Ka matu pettang ri yasé'na sining buluna Libanon sibawa pakelleki manengngi sininna ajué ri ale'é.

YESAYA 5:6

Uleppessangngi matu natuwoi tanet-taneng liya. Pong anggoro'na dé' matu Ulébongngi, sibawa dé' matu Ubajaiwi. Mala Uleppessangngi natongko alekale maddori sibawa wella, mala Uwattéyang ellungngé pateppai bosié ri yasé'na.”

1 TAWARIKH 10:8

Bajana wettunna tau Filistingngé polé untu' rampo'i sining ujué, naruntu'ni mennang Saul sibawa iya tellu ana' worowanéna maté ri Bulu Gilboa.

1 TAWARIKH 10:1

Mammusuni tau Filistingngé sibawa tau Israélié. Mammusui mennang ri Bulu Gilboa. Maéga tau Israél maté kuwaro, na lebbinna muttamani Arung Saul sibawa ana'-ana' worowanéna larini.

HAKING-HAKING 5:23

“Tanroiwi Méros, sibawa monroiyéngngi,” adanna Malaéka'na Puwangnge “saba' dé' napolé mennang mabbéré bantuwang selaku pahlawang iya méwaé untu' Puwangnge.”

ELONG MARAJA 4:4

Ellommu samanna manarana Daud, iya ripatettongngé untu' mattaroiwi senjata. Rantému sinrupai sisebbu kaliyawo, tarasuluna sining pabbaranié iya maneng.

1 SAMUEL 31:8

Bajana wettunna polé tau Filistingngé untu' rampo'i sining ujué, naruntu'ni mennang Saul sibawa iya tellu ana' worowanéna maténi ri Bulu Gilboa.