2 SAMUEL 1:2 - KITTA KAREBA MADECENG

² Pappa bajanana, poléni séddi kallolo polé ri akkémanna Saul. Selaku tanrang mabbarata nasapé'ni pakéyanna sibawa taro tana ri ulunna. Laoni ri Daud sibawa suju' ri yolona.

2 SAMUEL 1:2 Խաչաձեւ Հղումներ

1 SAMUEL 4:12

Séddi tau polé ri suku Bényamin lari polé ri ammusurengngé lao ri Silo, nalettu kuwaro ri essoéttoro. Selaku tanrang asarang, purani nasapé-sapé pakéyanna sibawa nataroi tana ulunna.

2 SAMUEL 4:10

Wettunna ri Ziklag engka tau powadakka passalenna amaténna Saul, nasengngi aléna tiwii karéba madécéng. Iyakiya utikkengngi sibawa uwunoi. Iyanaro saro uwéréngngi selaku pamale'na lao ri karéba iya natiwié.

1 SAMUEL 25:23

Wettunna Abigail naita Daud, masitta'ni nonno polé ri kaleddé'na nainappa suju' ri ajéna Daud,

YOSUA 7:6

Messé senna'ni Yosua sibawa sining pamimpinna bangsa Israélié angkanna nasapé-sapé mennang pakéyanna, sibawa puppu esso narapi wenni suju'i mennang ri yolona Petti Assijancinna Puwangnge sibawa taroiwi awu ulunna mennang selaku tanrang messé babuwa.

WAHYU 3:9

Engngerangngi iyaé: Sining tau iya mancajiyé umma'na Ibillisi'éro, sining tau pabbelléng iya mangakuiyéngngi aléna Yahudi, padahal tenniya, maélo Uwébbu angkanna mennang polé suju' ri yolomu. Nanaissengngi matu mennang makkedaé Uwamaséiko.

MATIUS 16:21

Mappammulai wettuéro, napowadani Yésus terus-terang lao ri ana'-ana' gurun-Na, makkedaé harusu'i lao ri Yérusalém na-Napéneddingiwi maéga anrasa-rasang polé risining pamimpingngé, kapala-kapala imangngé sibawa guru-guru agamaé. Riyunoi matu, iyakiya ri esso matellué, moto'i matu paimeng.

MATIUS 12:40

Monroi Yunus tellung ngesso tellumpenni ri lalenna babuwana balé loppoé. Makkuwatoro Ana'na Tolinoé monroi matu tellung ngesso tellumpenni ri lalenna babuwana tanaé.

YOEL 2:13

Sapé'i atimmu na aja' pakéyammu.” Gilinno ri Puwang Allataalamu. Malampé sabbara'i sibawa makacuwa Masémpo atiwi sibawa pennoi pammasé. Masennang maddampeng sibawa dé' napojiwi patakkennai pahukkungengngé.

HOSEA 6:2

Ri laleng duwa iyaré'ga tellungngessoéwé napajjappaki matu, sibawa tuwoki matu ri laleng allinrungen-Na.

MAZMUR 66:3

Powadani lao ri Allataala, “Mappabengnga tongeng pangkaukem-Mu! Tunru'i balié ri Iko penno amétaureng, saba' battowa senna akuwasam-Mu.

ESTER 5:1

Ri esso matellué appuwasanna, napakéni Ester pakéyang ratunna, nainappa lao ri seddé lalenna saorajaé sibawa tettong ri yolona sumpang barugaé. Mattengngangngi arungngé tudang ri yasé'na kadéra arajanna iya mangoloé ri sumpangngéro.

ESTER 4:16

“Paddeppungengngi sininna tau Yahudi iya engkaé ri Susan untu' masempajangekka. Aja' naanré sibawa ménung tellungngesso tellumpenni ittana. Aléku paimeng sibawa sining ana'dara pattumanikku mappuwasa towi matu. Purairo mangoloka matu ri arungngé, namuni iyaro majjalékkai undang-undang. Rékko harusu'ka maté nasaba iyaro, leppessakka maté!”

2 SAMUEL 15:32

Wettunna Daud lettu ri tompo bulu-bulué ri onrong biyasanna tauwé massompa lao ri Puwangnge, riduppaini ri sellaona iya matinulué, iyanaritu Husai tau Arkié. Sapé pakéyanna Husai sibawa ulunna naguguriwi awu.

2 SAMUEL 14:4

Nanalaona mangolo iyaro makkunraié ri arungngé, nasuju' massompa sibawa makkeda, “Puwakku Iya Malebbié, tulungngi atatatta!”

1 SAMUEL 20:41

Laonana iyaro ana'é, massuni Daud polé ri munrinna goppo batuéro, nanasuju' wékkatellu. Muwi aléna iyaré'ga Yonatan, teri duwani wettunna sibau mennang. Amessénna Daud lebbi battowai naiya amessénna Yonatan.

1 SAMUEL 4:16

Makkedani iyaro tauwé ri Eli, “Larika polé ri ammusurengngé iyaé essoé na silalona lettu'ka.” Nakkutana Eli ri aléna, “Pékkugi karébanna, ana'ku?”

KAJAJIYANG 43:28

Nappébali mennang, “Atanna Puwang, ambo'ta, makessing muwi keadaanna.” Nainappa mennang suju' lao ri aléna.

KAJAJIYANG 37:34

Nasapé'ni pakéyanna Yakub nasaba messéi nanapaké pakéyang karung. Siyagangngaré essona nawatingi ana'naro.

KAJAJIYANG 37:29

Wettunna Rubén lisu ri bujungngéro nadé' naruntu'ni Yusuf kuwaro, nasapé'ni pakéyanna nasaba messéi.

KAJAJIYANG 22:4

Ri esso iya matellué naitani Abraham iyaro onrongngé polé mabéla.

2 SAMUEL 1:3

Makkutanani Daud, “Polé kégako?” Pappébalinna, “Leppe'i atatta polé ri akkémanna tau Israélié.”

YEHEZKIEL 27:30

Nateringini mennang totomu, maddaréké nenniya mpating sibawa masussa. Maggugurengngi mennang awu ri ulunna sibawa maggalélu ri awué tanrang masara.

2 SAMUEL 13:19

Nanataroini awu ulunna Tamar, nasapé'i jumbana, sibawa lao nanatongko towi rupanna sibawa iya duwa limanna enrengngé teri mapeddi.

2 SAMUEL 24:20

Nasitujuwangngi Arauna mattengngang cuku' liyawa, nanaitai arungngé enrengngé sining pattinrona lao ri aléna. Suju'ni Arauna ri yolona Daud,