1 SAMUEL 7:3 - KITTA KAREBA MADECENG

³ Namakkedana Samuél lao ri umma Israélié, “Rékko maéloko lisu ri Puwangnge nenniya sompai Aléna sibawa sukku atimmu, harusu'ko mabbéyangngi sininna déwata laingngé sibawa dato'-dato'na Déwi Asytorét. Abbéréyang sisengngi alému lao ri Puwangnge sibawa massompa ri Aléna bawang, nanapaleppe'ko matu polé ri tau Filistingngé.”

1 SAMUEL 7:3 Խաչաձեւ Հղումներ

LUKAS 4:8

Nappébali Yésus, “Ri laleng Kitta'é tarokii, ‘Sitinajako pakalebbii Puwang Allataalamu sibawa tumaningiwi Aléna bawang!’ ”

ULANGENG 13:4

Tau makkuwaéro harusu'i rihukkung maté, nasaba maéloi papusako polé ri laleng iya naparéntangngékko Puwang Allataalamu. Aléna iyanaritu tau maja nasaba nasuroko maronta lao ri Puwang Allataalamu iya paleppe'ékko polé ri Maséré, onrommu ripowata. Jaji harusu'i riyuno, kuwammengngi naripallennye iyaro jaé. Iyakiya iko sitinajako maccowériwi Puwang Allataalamu sibawa mupakalebbi-Na; turusiwi Aléna sibawa pogau'i sininna parénta-Na. Tette'no matinulu sibawa mattumani lao ri Aléna.

MATIUS 4:10

Nappébali Yésus, “Addésu'ko Ibillisi'! Ri laleng Kitta'é tarokii: Sitinajako sompai Puwang Allataalamu, sibawa tumaningiwi Aléna bawang!”

ULANGENG 6:13

Pakalebbii Puwang, Allataalamu, sibawa massompa ri Aléna bawang, narékko mattanroko, pogau'i ri laleng asen-Na bawang.

YESAYA 55:7

Sitinajai tau majaé pédécéngiwi atuwonna, sibawa pinrai cara mappikkiri'na. Leppessangngi lisu ri Puwangnge, kuwammengngi nalolongeng paressé babuwa-Na. Sitinajai giling lao ri Allataalata, saba' maddampengngi Puwangnge sibawa makacuwa.

YOSUA 24:14

Nakkeda Yosua patterui, “Jaji, makkekkuwangngé, pakalebbini Puwangnge. Attumanino ri Aléna tonget-tongeng sibawa matinulu. Paddésu'ni déwata-déwata laing iya nasompaé néné-nénému riyolo ri Mésopotamia sibawa ri Maséré. Attumanino banna lao ri Puwangnge.

YOSUA 24:23

Nakkeda Yosua, “Rékko makkuwaitu, paddésu'ni déwata-déwatana bangsa-bangsa laing iya engkaé ri alémuro, namuwajjanci makkedaé maéloko matinulu lao ri Puwangnge, Allataalana Israélié.”

YOHANES 4:24

Saba' iyaro Allataala Roh-i, na banna iya nasibawangngé akuwasanna Rohna Allataala naulléi tauwé sompai Ambo'é selaku Allataala iya tongengngé.”

ULANGENG 10:20

Pakalebbii Puwang Allataalamu sibawa massompa ri Aléna bawang. Sitinajako tette matinulu lao ri Aléna sibawa mattanro ri laleng asen-Na bawang.

1 ARUNG-NGARUNG 8:48

Rékko ri wanuwaéro macenningngi sibawa mattonget-tongengngi mennang salaiwi dosa-dosana, namassempajang lao ri Iko namangoloto ri wanuwaéwé iya Muwéréngngéngngi toriyolota, mattuju ri kota Mupilé sibawa bola assompang iya puraé upatettongek-Koé,

MATIUS 6:24

“Dé' séddi tau mulléi majjama untu' duwa ponggawa. Saba' lebbi namaséiwi matu séddié naiya laingngé. Iyaré'ga lebbi matinului lao ri ponggawa séddié naiya laingngé. Makkuwatoniro iko. Dé' muwulléi majjama untu' Allataala sibawa untu' waramparangngétto.

MATIUS 15:8

‘Makkuwaiyé adanna Allataala: Iyaé sining tauwé pakalebbi-Ka ri témunna bawang, iyakiya atinna mennang mabélai polé ri Iyya.

HAKING-HAKING 10:6

Madosasi paimeng umma Israélié lao ri Puwangnge. Dé' mennang najampangiwi Puwangnge sibawa dé'tona nasompani Aléna. Nasompai mennang déwata-déwata Baal sibawa Asytorét, nenniya déwata-déwatana bangsa Siria, Sidon, Moab, Amon sibawa Filistin.

1 TAWARIKH 22:19

Jaji sitinajako mattumani ri Puwang Allataalamu sibawa sukku tubu nyawamu. Pammulaini patettongngi bolana Puwangnge, kuwammengngi Petti Assijancin-Na sibawa sininna paréwa laing iya bannaé ripaké untu' assompangngé weddingngi ritaro kuwaro.”

KAJAJIYANG 35:2

Nainappa makkeda Yakub lao ri kaluwargana sibawa lao risininna tau iya engkaé silaong aléna, “Maéloki joppa polé kuwaé sibawa lao ri Bétel. Maéloka patettong mézba kuwaro untu' Allataala iya puraé tulukka ri wettu asukkarakekku sibawa iya puraé linrungika kégi-kégika lao. Jaji abbéyanni déwata-déwata dé'é muwissengngi iya engkaé ri iko; namupogau' upacara pappépaccing alé sibawa pakéi pakéyang iya mapaccingngé.”

YEHEZKIEL 18:31

Pappésauwi sininna ja iya mupogau'é sibawa leppessangngi ati nenniya pikkirammu mancaji mabaru. Magi naharusu'ko maté?

1 TAWARIKH 28:9

Nainappa lao ri Salomo, makkedai Daud, “Ana'ku, sitinajai Allataala iya nasompaé ambo'mu, muwakuiwi selaku Allataalamu. Harusu'ko mattumani lao ri Aléna sibawa matinulu nenniya macenning ati. Saba' Naisseng manengngi pikkirangngé sibawa cinnana atitta. Rékko musappai, muruntu'i matu, iyakiya rékko musalaiwi, Nasampéyakko matu lettu mannennungeng.

AMSAL 16:1

Weddingngi tolinoé mébbu rancana, iyakiya Allataala mabbéré apettung.

2 TAWARIKH 19:3

Namuni makkuwaro engka mutopa iya makessingngé ri Datu. Purani napaddésu Datu sininna dato'-dato' Déwi Asyéra iya nasompaé ra'ya'é sibawa pura toni Datu makkuraga untu' tuwo situru élona Allataala.”

HAKING-HAKING 10:16

Nanabuwanni mennang sininna dato-dato barahalaé, nanasompai Allataala. Namesséna atinna Allataala mitai mennang ri laleng asukkarakengngé.

HOSEA 14:1

Harusu'i rihukkung Samaria nasaba maronta'i méwa-Ka. Matéi matu ra'ya'na ri laleng ammusurengngé; rilélui matu ana'-ana'lolona, sibawa sining makkunrai mattampu'é ripuwé'i babuwana.”

2 TAWARIKH 30:19

“Puwang, Allataala, nasompaé toriyolota, tennapodo polé ri akessingeng atim-Mu Muwaddampengengngi mennang iya mattengngangngé massompa lao ri Iko sibawa sukku ati, namuni mennang dé'pa napépaccingiwi aléna.”

1 SAMUEL 31:10

Nainappa iyaro waju musuna Saul nataroi ri laleng bola déwi Asytorét, na watakkaléna nappakuwangngi ri témbo'na kota Bét-Séan.

YOSUA 13:31

Muttama toni sitengngana daéra Giléad, enrengngé Asytarot sibawa Edréi, iyanaritu iya duwa ibukota daéra akuwasanna Arung Og ri Basan. Sininna daéraéro nabbéréyangngi lao ri sitengngana polé ri kaluwarga-kaluwarga wijanna Makhir, ana' Manasyé.

1 ARUNG-NGARUNG 11:33

Maélo-Ka pogau'i gau'éro nasaba nasalai-Ka Salomo sibawa massompai déwata-déwata, iyanaritu Asytorét, déwinna bangsa Sidongngé, Kamos, déwatana bangsa Moab; sibawa Milkom, déwatana bangsa Amongngé, dé' naccowériwi élo-Ku Salomo. Dé' napada-pada ambo'na Daud iya matinulué lao ri Iyya sibawa pogau'i parénta-parénta-Ku.

YEREMIA 24:7

Uwéréngngi matu mennang pangéloreng untu' majeppuiwi makkedaé Iyya ritu Puwang. Namancaji matu mennang umma'-Ku, na Iyya mancaji Allataalana, nasaba lisui matu mennang ri Iyya sibawa sukku atinna.

YEREMIA 36:3

Naullé mappésauwi matu tau Yéhudaé pogau'i majaé narékko naéngkalingai passalenna sininna abala iya Upatatteppaé matu ri yasé'na mennang. Na-Uwaddampengengngi matu dosana sibawa jana mennang.”

YEHEZKIEL 14:6

Paissengi towi tau Israélié makkedaé Iyya, Puwang Iya Pommatanré makkeda lao ri mennang, ‘Toba'no polé ri dosa-dosamu, namusalaiwi sining barahalamu iya mappakaciddi-ciddi'éro.’

ULANGENG 4:29

Namusappai matu Puwang Allataalamu, narékko musappai sibawa sukku atimmu, muruntu'i matu.

HAKING-HAKING 2:11

Namadosana tau Israélié lao ri Puwangnge. Dé'na mennang namassompa lao ri Puwangnge, Allataalana néné-nénéna mennang, iyanaritu Allataala iya puraé tiwii mennang massu polé ri Maséré. Mappammulani mennang sompai Baal sibawa Asytorét enrengngé déwata-déwata laing iya nasompaé bangsa-bangsa ri mattulilinna mennang. Namacaina Puwangnge lao ri mennang sibawa leppessangngi garembolangngé gasai sibawa rampo'i mennang. Dé' pakkullénna mennang moloiwi sining balinna ri mattulilinna.

2 ARUNG-NGARUNG 17:39

Turusi-Ka, Puwang Allataalamu, Nauleppessakko matu polé risining balimmu.”

2 ARUNG-NGARUNG 23:15

Nasolangi towi onrong assompangngé ri Bétel iya napatettongngé Arung Yérobéam ana' Nébat – arung iya puraé nassabariwi namadosa tau Israélié. Nainappa nareppa Yosia mézbaé ri onrong assompangngéro, sibawa tunui silaong dato-dato'na Déwi Asyéra iya engkaé kuwaro.

2 TAWARIKH 20:33

Iyakiya onrong-ngonrong assompang barahalaé dé' naancuru'i. Dé' topa ra'ya'é nassompa sissukku atinna lao ri Allataalana toriyolona.

YEREMIA 4:1

Makkedai Puwangnge, “Umma Israélié, rékko maéloko lisu, lisuno ri Iyya. Abbéyangngi riyolo barahala-barahala iya Ucéccéro, sibawa atinuluno lao ri Iyya.