1 SAMUEL 4:16 - KITTA KAREBA MADECENG

¹⁶ Makkedani iyaro tauwé ri Eli, “Larika polé ri ammusurengngé iyaé essoé na silalona lettu'ka.” Nakkutana Eli ri aléna, “Pékkugi karébanna, ana'ku?”

1 SAMUEL 4:16 Խաչաձեւ Հղումներ

2 SAMUEL 1:4

Nakkutana Daud, “Curitai aga pura kajajiyang!” Nappébali iyaro kalloloé, “Lariwi tentarata polé ri ammusurengngé, namaéga maté, muttama'ni Saul sibawa Yonatan.”

1 SAMUEL 3:6

Nainappa Puwangnge mobbisi Samuél, iyakiya dé' naissengngi Samuél makkedaé iya mobbiéngngiro Puwangnge, nasaba dé'pa naengka Puwangnge nabbicara sibawa aléna. Rimakkuwannanaro moto'ni, nainappa naéwa sita Eli sibawa makkutana, “Engka aga Pa'? Magi taobbika Bapa'?” Nappébali Eli, “Dé' uwobbiko, ana'ku; atinrono paimeng.”

YOSUA 7:19

Nakkeda Yosua lao ri Akhan, “Ana'ku, akuini sibawa powadani terus terang kuwaé ri yolona Puwangnge, Allataalana Israélié, aga pura mupogau'. Paissengika, aja' musubbui.”

1 SAMUEL 4:17

Nappébali iyaro pattiwi karébaé, “Lariwi Israélié polé ri tau Filistingngé. Nakennaki akalang iya battowa senna'é. Maéga tau maté, makkuwatoro iya duwa ana'na Bapa', Hofni sibawa Pinéhas. Sibawa Petti Assijancinna Allataala nasittaiwi balié!”