1 SAMUEL 22:23 - KITTA KAREBA MADECENG

²³ Onrono silaongekka sibawa aja' mumétau. Macinnai Saul mpunoko, iyakiya macinna towi mpunoka. Jaji, amakko matu ri onrokku.”

1 SAMUEL 22:23 Խաչաձեւ Հղումներ

1 ARUNG-NGARUNG 2:26

Nainappa makkedani Arung Salomo lao ri Imang Abyatar, “Laono ri kampong assalemmu ri Anatot. Sipato'ko rihukkung maté, iyakiya iyaé essoé dé' umaélo mpunoko, nasaba wettummu sibawa mupa ambo'ku, maccowéko péneddingiwi sininna anrasa-rasangngé. Sibawa ikoto murusu'i Petti Assijancinna Puwangnge.”

YOHANES 18:9

Ri laleng makkeda makkuwannaro, kajajiyangngi aga pura napowada Yésus riyolona: “Ambo', polé risining tau tawéréngngékka Ambo', muwi séddi tau dé'to gaga teddéng.”)

YOHANES 15:20

Engngerangngi aga pura Upowadakko, ‘Ataé dé' nalebbi battowa naiya puwanna.’ Rékko purai mennang napanrasa-rasa-Ka, napanrasa-rasa tokko matu. Rékko naturusiwi pappagguruwak-Ku, naturusi towi matu pappagguruwammu.

YOHANES 17:12

Ri wettuk-Ku sibawa mupa mennang, Iyya purana jagai mennang sibawa akuwasang asenna Ambo'é – aseng mabbéréyangngi Ambo' lao ri Iyya. Purani ujagai mennang, nadé' séddi polé ri mennang teddéng, sangadinna iya harusu'é mennang teddéng, kuwammengngi nakajajiyang aga tarokié ri laleng Kitta'é.

MATIUS 24:9

Nainappa ritikkekko matu sibawa riyabbéréyang untu' risissa sibawa riyuno. Nabenciko matu sininna linoé nasaba muwaccowéri-Ka.

1 ARUNG-NGARUNG 1:7

Nainappa lao barunding sibawa Yoab nenniya Imang Abyatar. Indo'na Yoab riyaseng Zéruya. Yoab sibawa Imang Abyatar nasitujui untu' sokongngi usahana Adonia.

1 SAMUEL 23:17

Adanna Yonatan lao ri Daud, “Aja' mumétau, dé' musempé matu ri limanna ambo'ku. Naisseng madécéng aléna makkedaé iko ritu matu mancaji arunna Israélié sibawa lolongekka matu tudangeng ri yawamu.”

2 SAMUEL 9:7

Nakkutana Daud, “Aja' mumétau. Maéloka masémpo ati lao ri iko nasaba Yonatan ambo'mu. Sininna tanana nénému Saul, maéloka palisungekko sibawa untu' mannennungeng weddikko manré ri saorajaé.”