1 SAMUEL 2:25 - KITTA KAREBA MADECENG

²⁵ Rékko pasalai tauwé lao ri tolinoé, naulléi Allataala méwaiwi; iyakiya rékko madosai tauwé lao ri Puwangnge, nigana mulléi tulungngi?” Iyakiya dé' mennang nabati-batiwi pangajana Eli ambo'na, saba' purani napettui Puwangnge untu' mpunoi mennang.

1 SAMUEL 2:25 Խաչաձեւ Հղումներ

IBRANI 10:26

Saba' rékko biritta polé ri Allataala ripalettu'ni ri idi, iyakiya matteruki bawang pogau' dosa sibawa riyattungkai, dé'na gagana akkarobangeng untu' leddai dosata.

1 SAMUEL 3:14

Rimakkuwannanaro mattanroka passalenna kaluwargana Eli, makkedaé dosana mennang iya battowa senna'éro dé' nawedding riledda sibawa muwi akkarobangeng iyaré'ga pakkasuwiyang aga untu' mannennungeng.”

YOSUA 11:20

Puwangnge mébbui mennang matedde ati untu' mammusu sibawa tau Israélié, kuwammengngi naripaccappu mennang, sibawa riyuno maneng temmaddampeng situru paréntana Puwangnge lao ri Musa.

ABBILANGENG 15:30

Iyakiya rékko séddi tau Israél iyaré'ga séddi tau laing nattungkaiwi pogau' dosa, naangga énténgngi Puwangnge. Iyaro tauwé harusu'i rihukkung maté,

AMSAL 15:10

Tau iya pogau'éngngi majaé risissai matu; tau iya dé'é namaélo riyampareng matéi matu.

1 TIMOTIUS 2:5

Saba', banna engka séddi Allataala, na pappallalang ri yelle'na Allataala sibawa tolinoé iyanaritu Kristus tolinoéro.

IBRANI 7:25

Rimakkuwannanaro lettu mannennungeng naulléi Yésus passalama'i sining tau iya laowé ri Allataala naolai Aléna, saba' tuwoi mannennungeng untu' méllauwi ri Allataala untu' sining tauwéro.

MAZMUR 51:4

Bissaini sininna jaku; pépaccingika polé ri dosaku.

2 TAWARIKH 25:16

Nakkeda Amazia, “Ammekkoko, rékko dé' riyunoko! Dé' naengka nariyakkako mancaji pappangajana arungngé!” Nammekkona iyaro nabié, iyakiya ri yolona narapii makkeda, “Makkekkuwangngé uwissenni makkedaé Allataala pura pettui untu' pabbinasai Datu nasaba pangkaukenna Daturo, sibawa nasaba dé' nabati-batiwi Datu pangajaku.”

ULANGENG 1:17

Aja' namatane siwali apettummu; tungke' tau harusu'i madélékiwi sibawa cara iya padaé, temmappasilaingeng niga iyaro tauwé. Aja' mumétau muwi lao ri niga, saba' apettung iya muwalaé poléi ri Allataala. Rékko séddié parakara mawatang senna untu' alému, tiwii lao ri iyya, kuwammengngi iyya pettuiwi.

MAZMUR 51:16

Paleppe'ka polé ri amaténgngé, oh Allataala pappassalama'ku, nanasibawang arennuwang uwabbirittangngi matu adélékem-Mu.

ULANGENG 2:30

Iyakiya Arung Sihon dé' napalaloki molai wanuwannaro. Puwang Allataalamu mébbui matedde ati sibawa maccuwa-cuwaiwi abalaé kuwammengngi riyulléi caui. Daérana ritudangi mupi lettu makkekkuwangngé.

IBRANI 10:27

Séddi-séddinna iya engkaé untu' idi iyanaritu mangoloiwi pengadilanna Allataala sibawa api caina iya tunu manengngéngngi matu sining iya méwaéngngi Allataala.

AYUB 9:33

Iyakiya ri yelle'ta dé'gaga jassa iya weddingngé madélékiki sipadduwa.

AMSAL 29:1

Niga matteru dé' namaélo turusiwi rékko ripangajariwi, séuwa wettu ancuru'i matu sibawa dé'na nawedding ripédécéngina.

KAJAJIYANG 38:7

Ampé-ampéna Er maja senna, angkanna macai Puwangnge ri aléna sibawa mpunoi.

KAJAJIYANG 38:10

Iyaro pangkaukenna naébbui Puwangnge macai, nariyuno towi ri Puwangnge.

1 ARUNG-NGARUNG 8:31

Rékko séddié tau ritenre pasala lao ri tau laingngé sibawa ritiwi lao ri mézba-Mu ri laleng bola assompangngéwé untu' mattanro makkedaé dé' napasala,

1 ARUNG-NGARUNG 8:32

oh Puwang, sitinaja-Ko méngkalingai ri surugaé sibawa pettuiwi parakarana ata-atam-Mué. Hukkungngi iya pasalaé situru pangkaukenna sibawa paleppe'i iya dé'é napasala.

2 TAWARIKH 10:15

Dé' najampangiwi paréllaunna ra'ya'é. Iyakiya mémeng iyaro élona Puwang Allataala. Aga iya napowadaé Puwangnge naolai Nabi Ahia polé ri Silo passalenna Yérobéam ana' Nébat harusu'i kajajiyang.

AMSAL 13:1

Ana' iya mapanré napuriyatiwi rékko mabbéréi ambo'na pangaja; tau matempoé dé' namaélo tarima pakkampareng.

PAKKATOBBA 3:3

wettu untu' mabbuno sibawa wettu untu' pajjappai, wettu untu' solangiwi sibawa wettu mappatettong.