1 SAMUEL 17:12 - KITTA KAREBA MADECENG

¹² Daud iyanaritu ana'na Isai tau Efrataé, polé ri Bétléhém ri Yéhuda. Isai mappunnai aruwa ana' worowané, na ri wettu apparéntanna Saul, macowa senna'ni Isai.

1 SAMUEL 17:12 Խաչաձեւ Հղումներ

KAJAJIYANG 35:19

Maténana Rahél, rikuburu'ni ri wiring lalengngé iya mattujué ri Efrata, iya riyasengngé makkekkuwangngé Bétléhém.

1 SAMUEL 16:18

Naéngkalinganaro makkedani séddi atanna, “Isai pabbanuwana Bétléhém mappunnai séddi ana' worowané iya maccaé macculé musi'. Pabbaraniwi sibawa séddiwi prajuri iya makessingngé. Nainappani poréi sibawa macca mabbicara, na Puwangnge tuli tulungngi.”

1 SAMUEL 17:58

Namakkutanana Saul, “Eh kallolo! ana'na nigako?” Nappébali Daud, “Atattaé ana'na Isai polé ri Bétléhém.”

MATIUS 2:6

‘Iko Bétléhém, ri wanuwa Yéhuda, sitonget-tongenna tenniyako kaminang baiccu ri yelle'na kota-kota mapongngé ri Yéhuda. Nasaba polé ri iko poléi matu séddi pamimping iya pimpingngéngngi umma'-Ku Israélié.’ ”

1 SAMUEL 16:1

Siyagangngaré wettu rimunrinna makkedani Puwangnge lao ri Samuél, “Siyagapi ittana messé atiko nasaba Saul? Dé'ga na aléna tenriyangakuini selaku arunna Israélié? Makkekkuwangngé, alano minnya zaitun namulao ri Bétléhém, riséddié tau riyasengngé Isai, nasaba sala séddinna polé ri ana'-ana'na purani Upilé mancaji arung.”

MATIUS 2:1

Yésus rijajiyang ri kota Bétléhém ri wanuwa Yudéa; ri wettu apparéntanna Arung Hérodés. Iyaro wettué siyagangngaré ahli wéttowing polé alau, poléi ri Yérusalém.

MIKHA 5:2

Jaji, naleppessangngi matu Puwangnge umma'-Na rikuwasai risining balinna narapi makkunrai iya ripattentué untu' mancaji indo'na iyaro panguwasaé jajiyangngi Aléna. Purairo sining tau sibangsana iya engkaé ri appalirengngé ripasséddiwi matu paimeng sibawa bangsana.

MAZMUR 132:6

Ri Bétléhém taéngkalingai passalenna Petti Assijancingngé, nainappa riruntu ri padang Yaar.

1 SAMUEL 17:11

Wettunna naéngkalinga Saul sibawa sining taunna angéwangengngéro, masélenni mennang sibawa métau senna'na.

RUT 4:17

Sining makkunrai bali-bali bolana mennang masengngi iyaro ana'é Obéd. Lao ri tungke tau makkedai, “Mappunnaini Naomi séddi ana' worowané!” Obéd iyanaé rimunri mancaji ambo'na Isai, na Isai iyanaritu ambo'na Daud.

1 SAMUEL 1:1

Engka séddi tau worowané, asenna Elkana, polé ri suku Efraim. Monroi ri kota Rama, ri daéra buluna Efraim. Elkana iyanaritu ana'na Yéroham sibawa eppona Elihu. Muttama'i kaluwargana Tohu, takkéna polé ri appanna Zuf.

2 SAMUEL 23:1

Daud ana' Isai ripiléi mancaji arung sibawa riyébbui mancaji tau maraja ri Allataalana Yakub. Alénato ritu karangngi élokkélongngé untu' Israélié. Iyanaé ada-adanna Daud paccappurengngé: