1 SAMUEL 16:18 - KITTA KAREBA MADECENG

¹⁸ Naéngkalinganaro makkedani séddi atanna, “Isai pabbanuwana Bétléhém mappunnai séddi ana' worowané iya maccaé macculé musi'. Pabbaraniwi sibawa séddiwi prajuri iya makessingngé. Nainappani poréi sibawa macca mabbicara, na Puwangnge tuli tulungngi.”

1 SAMUEL 16:18 Խաչաձեւ Հղումներ

1 SAMUEL 3:19

Tattamba battowani Samuél. Puwangnge sibawangngi sibawa mébbui sininna iya napowadaé Samuél kajajiyang tongeng.

KAJAJIYANG 39:23

Iyaro kapala tarungkué dé'na najagaiwi sininna iya nappadettangengngé lao ri Yusuf, nasaba Puwangnge sibawangngi angkanna mallolongengngi ri laleng sininna jama-jamanna.

KAJAJIYANG 39:2

Puwangnge sibawangngi Yusuf angkanna tuli mallolongengngi ri laleng jama-jamanna. Naonrona ri bolana puwanna, tau Maséré'éro.

1 SAMUEL 10:7

Rékko kajajiyang manenniro, pogau'ni agi-agi iya mupérasaé makessing, nasaba Allataala sibawakko.

MATIUS 28:20

Paggurui mennang turusiwi sininna iya puraé Uparéntakko. Na éngngerangngi tuli Usibawakko matu lettu paccappurenna linoé.”

MATIUS 1:23

“Mattampu'i matu séddié ana'dara nanajajiyang séddi ana' worowané. Iyaro ana'é riyasengngi matu Immanuél.” (Immanuél iyanaritu ada Ibrani iya bettuwannaé, “Allataala engka sibawakki”.)

2 SAMUEL 17:10

Na muwi sining tau iya kaminang baranié sibawa poré pada-pada singaé pasti métauto matu. Saba' sininna tau Israélié naisseng iyaro ambo'na Petta iyanaritu pahlawangngi, sibawa ana' buwana iyanaritu pajuwang-pajuwang iya baranié.

2 SAMUEL 17:8

Pasti naisseng Petta makkedaé Daud sibawa ana' buwanaro iyanaritu pajuwang iya poré. Sissekkang mennang beruwang komba iya teddéngngé ana'é. Nainappani Daud iyanaritu prajuri mappangalamang iya dé'é naengka nabbenni silaong ana' buwana.

2 SAMUEL 14:20

Iyakiya napogau'i makkuwaéro untu' pacceppiwi parakaraéro sibawa madécéng. Mapanréi iyanaritu Puwakku pada-pada malaéka'na Allataala angkanna naisseng sininna iya kajajiyangngé.”

1 SAMUEL 16:17

Nanapparéntanni Saul lao ri mennang, “Sappano séddi tau iya maccaé macculé musi', namutiwii lao mai.”

1 SAMUEL 16:19

Nanakirinna suro Saul lao ri Isai tiwii pasengngéwé, “Suroni ana'mu Daud, iya monrowangngéngngi bimbala'-bimbala'muro mangolo ri iyya.”

1 SAMUEL 17:12

Daud iyanaritu ana'na Isai tau Efrataé, polé ri Bétléhém ri Yéhuda. Isai mappunnai aruwa ana' worowané, na ri wettu apparéntanna Saul, macowa senna'ni Isai.

1 SAMUEL 16:12

Nanassuro mobbini Isai iyaro ana'é. Annessana séddiwi kallolo iya magelloé sibawa madising, sibawa magello matanna. Namakkedana Puwangnge lao ri Samuél, “Iyanaé; lanti'ni!”

AMSAL 12:8

Ripojiwi tauwé situru sibawa apanrénna; ripakatunai tauwé situru sibawa adongokenna.