1 SAMUEL 10:19 - KITTA KAREBA MADECENG

¹⁹ Purano upaleppe polé ri sininna anrasa-rasangngé sibawa peddié, iyakiya makkekkuwangngé musampéyak-Ka, Allataalamu, nasaba muwéllauwi kuwammengngi Ujellokekko séddi tau arung. Nah, makessinni, addeppungenno ri yolo-Ku, Puwam-mu, situru suku sibawa appammu.’ ”

1 SAMUEL 10:19 Խաչաձեւ Հղումներ

1 SAMUEL 12:12

Iyakiya wettunna muwita makkedaé maéloko rigasa ri Nahas arung Amon, musampéyangngi Puwangnge selaku arummu sibawa makkeda lao ri iyya, ‘Macinnaki riparénta riséddié arung.’

1 SAMUEL 8:19

Iyakiya iyaro bangsaé dé' namaélo bati-batiwi ada-adanna Samuél, mala makkedai mennang, “Leppessanni! Muwi maga riyélori towi arungngé.

YOSUA 24:1

Napaddeppungenni Yosua sininna suku bangsa Israélié ri Sikhem, nainappa nasuro sining tomariyoloé, pamimpingngé, hakingngé sibawa sining parawiraé polé mangolo. Napoléna mennang mangolo ri Allataala.

MIKHA 5:2

Jaji, naleppessangngi matu Puwangnge umma'-Na rikuwasai risining balinna narapi makkunrai iya ripattentué untu' mancaji indo'na iyaro panguwasaé jajiyangngi Aléna. Purairo sining tau sibangsana iya engkaé ri appalirengngé ripasséddiwi matu paimeng sibawa bangsana.

ABBILANGENG 17:2

“Suroi tau Israélié mpérékko seppulo duwa tekkeng, tungke' suku séddi tekkeng, iya harusu'é nabbéréyang pamimping sukué. Okii asenna tungke' pamimping sukuéro ri tekkenna,

ABBILANGENG 11:20

iyakiya siuleng bujuru ittana muwanré, angkanna mancaji malasa sibawa talluwa-luwa. Kajajiyangngi iyaro gau'é nasaba purani musampéyang Puwangnge iya engkaé ri tengnga-tengngamu. Kuwaéttopa nasaba purano teri ri yolo-Na sibawa maddaréké makkedaé musalaini tana Maséré.”

ULANGENG 17:14

“Rékko tana iya nawéréngngékko Puwang Allataalamu mancajini appunnangemmu, sibawa monrono kuwaro, naullé muwacinnaini séddi arung pada-pada bangsa-bangsa iya monroé ri mattulilimmu.

HAKING-HAKING 8:23

Nametté Gidéon, “Dé'. Dé' umaélo mancaji pamimpimmu; muwi ana'ku dé'to. Puwangnge ritu pamimpimmu.”

1 SAMUEL 10:20

Nanasuroni Samuél sininna sukué malluru liyolo na suku Bényamin nakenna appiléng.

1 SAMUEL 14:23

Mammusui mennang puppu laleng lettu ri Bét-Awen. Puwangnge passalama'i Israélié iyaro essoé.

1 SAMUEL 14:38

Rimakkuwannanaro makkedani Saul lao risining pamimpinna ra'ya'é, “Lao manenno mai sibawa paréssai dosa agana pura ripogau' essoéwé.

AMSAL 16:33

Untu' missengngi totoé, naundiwi tolinoé, iyakiya iya pattentuéngngi pappébalinna banna Puwangnge bawang.

1 SAMUEL 4:1

Iyaro wettué napangarani tau Filistingngé sininna tentarana untu' gasai Israélié; rimakkuwannanaro majuni tentara Israélié ri ammusurengngé; makkémani mennang ri seddéna Ebén Haézer, na tentara Filistingngé makkémai ri Afék.

1 SAMUEL 8:5

sibawa makkeda lao ri aléna, “Engkalingai Pa', macowani Bapa' na ana'-ana'na Bapa' dé' naccowériwi ampé-ampéna Bapa'. Jaji makessingengngi Bapa' makka séddi arung kuwammengngi tappunnai arung pada-pada bangsa-bangsa laingngé.”