1 SAMUEL 1:8 - KITTA KAREBA MADECENG

⁸ Nasisetto Elkana, lakkainna, makkutana, “Magi muteri Hana? Magi nadé' mumaélo manré sibawa matteru masara bawang? Dé'ga ulebbi mangke ri alému naiya seppulo ana' worowané?”

1 SAMUEL 1:8 Խաչաձեւ Հղումներ

RUT 4:15

Iyaro ménéttummu napoji senna'ko. Purano nawéréng lebbi naiya aga iya naullé mabbéréyang pitu ana' worowané. Makkekkuwangngé pura tono nawéréng séddi tau eppo worowané, iya mpéréngngékko matu sumange baru, sibawa piyarako ri wettu macowamu.”

YESAYA 54:6

Israélié, pada-padako séddi bainé maloloé iya messé nasaba risalaiwi ri lakkainna. Iyakiya Allataala mobbiko paimeng sibawa makkeda,

AYUB 6:14

Ri laleng anrasa-rasang pada-padaéwé, uwaddennuwangiwi sahaba tuléngngé. Naulléga tette mupa matinulu iyaré'ga mallupaiwi Iya Pommakuwasaé.

1 TESALONIKA 5:14

Riyéllau towi Saudara-saudara, kuwammengngi amparengngi tau iya dé'é namaélo majjama. Pakkasse'i tau iya métaué; tulungngi sining tau iya parellué ritulung, sibawa sabbara'ko lao ri sininna tauwé.

YOHANES 20:15

Nakkutana Yésus lao ri aléna, “Indo', magi muteri? Niga tasappa indo'?” Nasengngi Maria iyaro paddare, jaji makkedani, “Pa', rékko Bapa' palétté'i polé kuwaé, tulukka tapowadakka kégai tataro Pa', kuwammengngi weddingngi uwala.”

YOHANES 20:13

Nakkutana iyaro sining malaéka'é, “Indo', magi muteri?” Nappébali Maria, “Riyalani Puwakku, nadé' uwissengngi kégai ritaro.”

MAZMUR 43:4

Nauwattuju matu ri mézbana Allataala, mangolo ri Allataala assalenna asennangekku. Makkélokka matu sibawa makkacapi, untu' poji-Ko, oh Allataala, Allataalaku.

YESAYA 54:1

Yérusalém, riyolo pada-padako makkunrai manangngé iya dé'é nawedding mémmana. Iyakiya makkekkuwangngé gora-gorano, sibawa akkélonno sibawa marennu! Saba' maéga senna ana'-ana'mu, napakacauri ana'-ana' makkunrai iya dé' narisalai ri lakkaié.

2 ARUNG-NGARUNG 8:12

Nakkutana Hazaél, “Magi Puwang nateri?” Nakkeda Elisa, “Nasaba uwisseng ja iya maéloé mupogau' matu lao ri tau Israélié. Mutunui matu sining kotana iya mabbénténgngé, mpunoi sining kallolona iya kaminang makessingngé, sibawa manrekké'i ana'-ana'loloé enrengngé puwé'i babuwana sining makkunrai iya mattampu'é.”

1 SAMUEL 1:7

Iyaro gau'é kajajiyangngi polé ri taungngé lao ri taungngé; rékko laowi mennang ri Bolana Puwangnge, tuli ripeddiriwi atinna ri Pénina. Biyasai Hana teri sibawa dé' namaélo manré nasaba ripakatunai.