1 SAMUEL 1:19 - KITTA KAREBA MADECENG

¹⁹ Pappa bajanana maéléni Elkana sibawa kaluwargana moto, napuranana massompa ri Puwangnge, lisuni mennang ri Rama. Nanasilurenna Elkana sibawa Hana, bainénaro, na Puwangnge tarimai sempajanna Hana.

1 SAMUEL 1:19 Խաչաձեւ Հղումներ

KAJAJIYANG 21:1

Puwangnge barakkakiwi Sara, pada-pada iya puraé najjanciyangngé.

1 SAMUEL 1:11

Nainappa majjanci Hana, adanna, “Puwang Iya Pommakuwasaé, pénessaiwi atam-Muwé! Itai asussanna atam-Muwé. Engngerangngi atatta sibawa aja' tallupaiwi atatta! Rékko tawéréngngi atatta séddi ana' worowané, majjanciwi atatta maélo mabbéréngngi lao ri Iko gangka tuwona. Majjanci towi atatta makkedaé gemme'na dé' naengka narirette matu.”

KAJAJIYANG 30:22

Nariyéngngeranna Rahél ri Allataala; natarimai Allataala sempajanna nanapakkulléi jajiyang ana'.

KAJAJIYANG 4:1

Nasilurenna Adam sibawa Hawa, bainéna, namattampu'na iyaro makkunraié. Najajiyanna séddi ana' worowané sibawa makkeda, “Nasibawang pattulunna Puwangnge lolongekka séddi ana' worowané.” Nanasenni iyaro ana'é Kain.

LUKAS 23:42

Nainappa makkeda lao ri Yésus, “Yésus, éngngerakka, rékko polé-Ko selaku Arung!”

MARKUS 1:35

Pappa bajanana, subu-subu mupa, moto'ni Yésus nanasalaiwi bolaé. Nalao ri onrong masino-sinoé ri saliweng kota, nassempajang kuwaro.

MAZMUR 119:147

Maéléka moto sibawa mangobbi méllau tulung; mamménasaka lao ri jancim-Mu.

MAZMUR 55:17

Iyakiya mangobbika lao ri Allataala, Puwangnge passalama'ka matu.

MAZMUR 25:7

Addampengenni dosa sibawa asalang wettu kalloloku, éngngerakka situru sibawa pammasé-Mu nenniya akessingem-Mu.

1 SAMUEL 9:26

namatinrona. Wettunna mompo essoé, riyobbini Saul ri Samuél iya engkaé ri pabbingengngéro, adanna, “Oto'no, laono mai uwantara'ko lao.” Moto'ni Saul, nanajoppa silaong Samuél.

KAJAJIYANG 8:1

Allataala dé' nallupaiwi Nuh sibawa sininna olokolo iya engkaé naéwa sibawang ri laleng kappala'éro. Naébbuni Allataala mangiri angingngé, angkanna iyaro uwai mammulani nonno.

MAZMUR 136:23

Dé' nallupaiki wettutta ricau; mannennungengngi pammasé-Na.

MAZMUR 5:3

Jampangiwi pangobbiku sibawa tulukka, oh Arukku sibawa Allataalaku.

1 SAMUEL 2:11

Nanalisuna Elkana sibawa kaluwargana ri Rama, iyakiya Samuél, ana'éro, monroi ri Silo sibawa tumaningiwi Puwangnge ri yawa pajjagana Imang Eli.

1 SAMUEL 1:1

Engka séddi tau worowané, asenna Elkana, polé ri suku Efraim. Monroi ri kota Rama, ri daéra buluna Efraim. Elkana iyanaritu ana'na Yéroham sibawa eppona Elihu. Muttama'i kaluwargana Tohu, takkéna polé ri appanna Zuf.

1 SAMUEL 7:17

Purairo lisuni ri bolana ri Rama. Kuwaniro mancaji hakinna tau Israélié sibawa patettong towi séddi mézba untu' Puwangnge.

YOSUA 18:25

Makkuwatoro seppulo eppa kota mangoloéwé sibawa désa-désaé ri seddéna: Gibéon, Rama, Beerot, Mizpa, Kéfira, Moza, Rékem, Yirpeel, Tarala, Zéla, Eléf, Yébus (iyanaritu Yérusalém), Gibéa sibawa Kiryat-Yéarim. Iyanaro tana-tana iya riyabbéréyangngé lao ri kaluwarga-kaluwargaé ri laleng suku Bényamin untu' mancaji appunnangenna mennang.

1 SAMUEL 8:4

Rimakkuwannanaro maddeppungenni sininna pamimping Israélié, nainappa mangolo ri Samuél ri Rama,

1 SAMUEL 15:34

Purairo laoni Samuél ri Rama, na Arung Saul lisuni ri bolana ri Gibéa.

1 SAMUEL 16:13

Masitta'ni Samuél malai minnya zaitungngéro nanalanti'i Daud sibawa upacara amminnyakeng ri yolona kaka-kakana. Iyatoro wettué narikuwasai Daud ri Rohna Puwangnge. Mappammulai essoéro sibawa matteru risibawanni ri Rohna Puwangnge. Nainappa lisuni Samuél ri Rama.

1 SAMUEL 19:18

Leppe'nana Daud, laoni ri bolana Samuél ri Rama, nanapaissengi manengngi sininna iya napogau'é Saul lao ri aléna. Nainappa silaonni Daud sibawa Samuél lao ri Nayot nanaonro kuwaro.

1 SAMUEL 25:1

Dé' namaitta rimunrinna maténi Samuél. Maddeppungeng manenni Israélié untu' maccowériwi upacara abbaratangngé. Nainappa rikuburu ri bolana ri Rama. Purairo laoni Daud ri padang kessi Paran.

2 ARUNG-NGARUNG 4:17

Iyakiya tongenni aga iya napowadaé Elisa. Taung pémennana, kira-kira ri wettu iya padaé iyaro makkunraié jajiyanni séddi ana' worowané.