1 ARUNG-NGARUNG 2:3 - KITTA KAREBA MADECENG

³ Pogau'ni aga iya naparéntangngékko Puwang Allataalamu. Turusiwi sininna hukkung-hukkung sibawa parénta-parénta-Na iya tarokié ri laleng Kitta'na Musa, kuwammengngi kégi-kégiko lao mallolongekko matu ri laleng usahamu.

1 ARUNG-NGARUNG 2:3 Խաչաձեւ Հղումներ

ULANGENG 29:9

Nasitinajako matinulu turusiwi sininna assijancingngéwé, kuwammengngi mupapolé wassélé ri laleng sininna usahamu.

MAZMUR 119:2

Masennangngi tau iya maccowériyéngngi parénta-Na, sibawa sukkui atinna makkuraga missengngi Puwangnge.

1 TAWARIKH 29:19

Wérénni Salomo ana' worowanéku, pangéloreng iya mattonget-tongengngé untu' turusiwi sininna parénta-Mu sibawa untu' patettong bola assompangngéro iya puraénna upassadiya.”

MAZMUR 119:111

Parénta-Mu iyanaritu manaku untu' mannennungeng, iya mébbuéngngi atikku marennu.

MALEAKHI 4:4

Engngerangngi sining pappagguruwanna atak-Ku Musa, éngngerangngi hukkung-hukkung sibawa parénta-parénta iya Uwabbéréyangngé lao ri aléna ri Bulu Sinai untu' riturusi ri sininna umma Israélié.

MAZMUR 119:138

Parénta-parénta iya Muwabbéréyangngé adélé'i sibawa wedding riyattuwang.

1 SAMUEL 18:14

Naulléi pogau'i sininna tugasna, saba' Puwangnge tulungngi.

YOSUA 22:5

Sibawa jagaiwi kuwammengngi muturusiwi hukkung iya napparéntangngé Musa lao ri iko, iyanaritu: Amaséiwi Puwang Allataalamu, accowériwi élo-Na, turusiwi sining parénta-Na, atinuluno ri Aléna sibawa attumanino ri Aléna sibawa sissukku atimmu sibawa sukku nyawamu.”

MAZMUR 19:7

Natuttungngi langié polé ri cappa'na lao ri cappa'na; dé'gaga leppe polé ri pellana.

2 ARUNG-NGARUNG 18:7

Iyanaro saba'na natette Puwangnge tulungngi angkanna mallolongengngi ri laleng sininna usahana. Maronta'i lao ri arung Asyur, sibawa dé' namaélo tunru' lao ri aléna.

2 SAMUEL 8:14

Patettonni akkémang-akkémang tentara risininna Edom, sibawa iyaro sining tau Edongngé tunru'ni ri aléna. Puwangnge mpéréngngi apakalang Daud kégi-kégi mammusu.

2 SAMUEL 8:6

Nainappa Daud patettong akkémang-akkémang tentara ri laleng daérana mennang, natunru'na mennang sibawa makkamaja pakkasuwiyang lao ri aléna. Puwangnge mpéréngngi apakalang Daud kégi-kégi mammusu.

1 SAMUEL 18:30

Sises-siseng rékko poléi tentara Filistingngé maggasa, lebbi mallolongengngi Daud paccappui mennang naiya sining parawirana Saul iya laingngé. Napédé kalabbana Daud.

1 SAMUEL 18:5

Napogau'ni Daud sininna tugasna sibawa makessing iya riwéréngngéngngi ri Saul. Rimakkuwannanaro riyakkani ri Saul mancaji parawira ri laleng tentarana, naripojina Daud ri sininna prajuri'é nenniya risining atanna Saul.

ULANGENG 5:1

Napaddeppungenni Musa sininna bangsa Israélié, nainappa makkeda lao ri mennang, “Saudara-saudara, éngkalingai hukkung-hukkung iya uwéréngngékko essoéwé. Agguruiwi iyaro hukkung-hukkungngé, enrengngé turusiwi sibawa matinulu.

ULANGENG 4:45

Iyaro gau'é napogau'i puranana mennang massu polé ri Maséré sibawa engka ri lompo seddé alauna Salo Yordan, siyolong sibawa kota Bét-Péor. Iyaro daéraé, daérana riyolo Sihon, arunna tau Amorié, iya mapparéntaé riyolo ri kota Hésybon. Nacaui Musa sibawa bangsa Israélié wettunna mennang massu polé ri Maséré.

ULANGENG 4:8

Sibawa bangsa battowa nigana iya mappunnaiyé hukkung-hukkung iya makkuwaémmani adélé'na pada-pada hukkung-hukkung iya upagguruwangngékko essoéwé?

ULANGENG 4:5

Iya manennaro hukkungngé upagguruwakko pada-pada iya napparéntangngé Puwang Allataalaku. Apatoi manengngiro ri wanuwa iya maéloé muwattamaki sibawa monroiro.

ULANGENG 4:1

Namakkeda Musa lao ri bangsaéro, “Apatoiwi sininna hukkung iya upagguruwangngékko, kuwammengngi weddikko tuwo narapi muwonroi tana iya maéloé nabbéréyang Puwangnge, Allataalana toriyolomu, lao ri iko.

ANGIMANGENG 8:35

Pitungngesso ittana, esso wenni, harusu'ko monro ri yolona sumpang Kémaé untu' pogau'i aga iya napparéntangngé Puwangnge. Rékko dé' mupogau'i, matéko matu. Iyanaro napparéntang Puwangnge lao ri iyya.”

1 ARUNG-NGARUNG 3:3

Namaséiwi Salomo Puwangnge sibawa maccowériwi panunju'-panunju' polé ri ambo'na, iyakiya maggéré mupi sibawa makkasuwiyangeng olokolo ri maddupa-rupang onrong.

ULANGENG 29:8

Risittaiwi mennang tanana naritawaingengngi suku Rubén, Gad sibawa sibagiyang suku Manasyé.

YOSUA 23:6

Rimakkuwannanaro, jagaiwi kuwammengngi muturusiwi sibawa pajoppai sininna iya tarokié ri laleng Kitta Hukkunna Musa. Aja' muwajjalékkaiwi muwi séddi polé ri hukkung-hukkungngéro.

PAKKATOBBA 12:13

Pura manenna utimbang, iyanaé rippe'na iya ulolongengngé. Etauno ri Allataala sibawa turusiwi parénta-Na, saba' banna untu' iyaro Naripancaji tolinoé.