ప్రకటన 22:6 - నొవ్వి ప్రమానుమ్

⁶ అన్నె, “ఈంజేఁవ్ కొడొ సత్తిమ్‍చ, నంపజతస. అన్నె, ప్రబు జలొ, జోచ కబుర్లు సంగితసచి ఆత్మతె సికడ్తొ దేముడు జోచొ దూతక తెద్రవ అస్సె; జర్గు జంక తిలిసి జోచ సేవ కెర్తసక దెకవుక మెన,” అంక జో దూత సంగిలన్.

ప్రకటన 22:6 Խաչաձեւ Հղումներ

మత్తయి 13:41

జా పొదిక, ఆఁవ్ మాన్సు జా జెర్మున్ అయ్‍లొసొ అంచ దేముడుచి దూతల్‍క తెద్రయిందె, చి పాపుమ్ కెరయ్‍తి వెట్కారుమ్‍చి ఎత్కిక కి, పాపుమ్ ఇండితస ఎత్కిక కి, ఈంజ లోకుమ్ తెంతొ కడ కెర, ఎక్కితె కుడవ కెర,

లూకా 1:70

దస్సి కెరిందె, మెన దేముడుచ కబుర్లు సంగిల పూర్గుల్‍చి చోండి పుట్టవ సంగిలన్, గెద.

లూకా 16:16

“బాప్తిసుమ్ దెతె తిలొ యోహాను బార్ జలి ఎదక మోసే పూర్గుమ్‍చొచి అత్తి దేముడు రెగ్డయ్‍ల ఆగ్నల్, అన్నె పూర్గుల్‍చి అత్తి సంగిల దేముడుచ కబుర్లు రెగిడ్లిసి ముక్కిమ్ జా తిల. గని యోహాను అయ్‍లి తెంతొ, దేముడుచి రాజిమ్ పాఁవ జా అయ్‍లిస్‍చి రిసొచి, సుబుమ్ కబుర్ సూనయి జతయ్, జో సూనయ్‍లొ, ఆఁవ్ సూనయ్‍తసి, చి పాఁవ జా అయ్‍లి ఈంజ రాజిమ్‍తె బెదితస ఎత్కిజిన్ బెదుక మెన బమ్మ జతతి.

బారికుల్ కమ్మొ 12:11

‘సివ్న నెంజె, నిజుమి జర్గు జలి’ మెన పేతురు అప్పె పూర్తి అర్దుమ్ కెరన్లన్, చి “హేరోదు జేలి కెర్లిసి తెంతొ, గోస జల యూదుల్ ఉచర్లిసి ఎత్కి తెంతొ, ఆఁవ్ విడ్దల్ జతి రిసొ ప్రబు జోచొ దూతక తెద్రయ్‍లొ మెన, అప్పె కచితుమ్ జాని” మెన చెంగిల్ ఉచర.

బారికుల్ కమ్మొ 3:18

గని, దేముడు పూర్గుమ్ జో కబుర్ తెద్రయ్‍లస చి అత్తి సంగ తెద్రయ్‍లిసి, జో ఏలుప కెరయ్‍తొ క్రీస్తు సేడుక తిల స్రెమల్ ఎత్కిచి రిసొ పూర్గుమ్ కబుర్ సంగ తెద్రయ్‍లిసి. యేసుక తుమ్ మార్లిసి తెన్ జో దేముడు నెరవెర్సుప కెర అస్సె.

రోమా 1:2

ఈంజ సుబుమ్ కబుర్ తెద్రవుక మెన అగ్గెయి తెంతొ జోచ కబుర్లు సంగిలసచి అత్తి, జో రెగ్డయ్‍లి జో దిలి దేముడుచి కొడొతె ప్రమానుమ్ సంగ తిలన్.

1 కొరింది 14:32

ప్రబుచి కబుర్ జో సంగితి సెక్తిక ముద్దొ కెర్తి సెక్తి జోచి అత్తి అస్సె. తుక్లె తంక సూటి తిలె, తెరె.

1 కొరింది 7:29

బావుడ్లు, కిచ్చొక ఇసి మెన ఆఁవ్ సంగితసి మెలె, అప్పె తెంతొ ఆకర్ దీసి ఎద తొక్కి సమయుమ్ అస్సె. జాకయ్, తెర్ని ఆన్లస అప్పె తెంతొ తెర్ని నే ఆన్‍లి రితి ప్రబుచి కామ్‍కయ్ నిదానుమ్ జితు.

2 దెస్స 1:7

చి జోచి కామ్‍క బాదల్ సేడ అమ్ ఎత్కిజిన్‍క జో సుక్కుమ్ దెతి పొదిక తూమ్ కి దస బాదల్ సేడ్లసక కి జా సుక్కుమ్ దెయెదె. కెఁయఁక మెలె, ప్రబు జలొ యేసు జోచి అదికారుమ్ దెకయ్‍త పరలోకుమ్‍చ దూతల్ తెన్, సుట్టునంత ఆగి లగితి రితి జా జో ఉత్ర జా జోవయించి గవురుమ్ రుజ్జు జతి పొదిక ఈంజ ఎత్కి జర్గు జయెదె.

ఏబ్రీ 12:9

అన్నె, ఈంజ లోకుమ్‍చ అమ్ ఎత్కిజిన్‍చ అబ్బసింసి అమ్‍క సిచ్చల్ దా బుద్ది సికడ అస్తి, చి జాకయ్ జేఁవ్‍క మరియాద దెక అస్సుమ్. దసె జలె, అమ్‍చ ఆత్మల్‍క అబ్బొ జతొ దేముడుచి తెడి తా, జోచి కోడు సూన అమ్ బుద్ది జలె, ఆత్మక జిమ్‍దె, అన్నె చెంగిల్ జమ్‍దె.

2 పేతురు 1:21

కిచ్చొక మెలె, దస కబుర్లుతె కేన్ కి కెఁయఁక కి మాన్సుచి సొంత పెట్టిచి ఉచరన్‍తతి తెంతొ చి నెంజె. గని దేముడుచి సుద్ది తిలి ఆత్మ కేన్ కేన్ మాన్సుల్‍క దెర్లి గే, దేముడుచి సొంత కొడొ జేఁవ్ మాన్సుల్ లట్టబ్ల, రెగిడ్ల. జేఁవ్ జోచయ్ కొడొ.

2 పేతురు 3:2

కిచ్చొ కోడు మెలె, ‘జర్గు జయెదె’ మెన దేముడుచ కబుర్లు సంగిలస సంగిలిసి ఎత్కి, పడ్తొ ప్రబు జలొ రచ్చించుప కెర్తొసొ జోవయించ బారికుల్‍చి అత్తి తుమ్‍క సంగిల సెలవ్ కొడొ ఎత్కి తుమ్ కెర మెనయ్ ఈంజ ఉత్రుమ్ రెగిడ్తసి.

ప్రకటన 1:1

యేసుక్రీస్తు, జోచ సేవ కెర్తసక దెకవుక మెన బే బేగి జర్గు జంక తిలిసి దేముడు అబ్బొసి జోక దిలన్. బే బేగి జర్గు జంక తిలిసి జా ఎత్కి, జోచొ సేవ కెర్తొసొ యోహానుక జోచొ దూతచి అత్తి డీసవ దిలయ్.

ప్రకటన 18:20

ఓ పరలోకుమ్, దేముడుచ ఓ మాన్సుల్, జోచ బారికుల్ జలస, జోచ కబుర్లు సంగిలస, జాచి రిసొ సర్ద జా! కిచ్చొక మెలె, జా తుమ్‍క అల్లర్ కెర్లి రిసొ, దేముడు జాక తీర్పు కెర, సిచ్చ కెర అస్సె.” మెన కేక్ గల్ల.

ప్రకటన 19:9

అన్నె జో దూత అంక కిచ్చొ సంగిలన్ మెలె, “ఇసి రెగుడు, ‘మెండపిల్లచి పెండ్లి విందుతె బుకార్లసక చెంగిలి’ మెన రెగుడు” మెలన్, చి అంక అన్నె, “ఈంజ కొడొ దేముడుచి సత్తిమ్‍చ కొడొయ్” మెలన్.

ప్రకటన 21:5

తెదొడి, సింగాసనుమ్‍తె వెసిలొసొ, “ఈందె, ఎత్కి నొవి తెయార్ కెర్తసి” మెన, అన్నె, “ఈంజ ఎత్కి రెగుడు. ఈంజేఁవ్ కొడొ సత్తిమ్‍చ, నంపజతస” మెన జో సంగిలన్.

ప్రకటన 21:9

తెదొడి సత్తు ఆకర్‍చ సిచ్చల్ బెర్ల సత్తు గిన్నల్ అగ్గె దెర సువ తిల సత్తు దూతల్‍తె ఎక్కిలొ అంచితె జా కెర కిచ్చొ మెన అంక సంగిలన్ మెలె, “జో మెండపిల్లక తేర్సి జతి పెండ్లి ఉబేడ్‍క తుక దెకయిందె” మెలన్.

ప్రకటన 22:1

అన్నె జో దూత అంక కిచ్చొ దెకయ్‍లన్ మెలె, పరలోకుమ్‍చి జీవ్ దెతొ పానిచి గాడు. కీసి తిలి మెలె, అద్దుమ్‍చి ఎదిలి టేంట తా, దేముడుచి అన్నె మెండపిల్లచి సింగాసనుమ్ తెంతొ బార్ జా,

ప్రకటన 22:16

యేసు, “‘అంక నంపజలసచ సంగుమ్‍లు సూన్‍తు’ మెన, ఈంజ సాచి తుక దెకయ్‍తి రిసొ యేసు మెలొ ఆఁవ్ అంచొ దూతక తెద్రవ అస్సి. దావీదు పూర్గుమ్‍చొ జలొ రానొచి సెకుమ్‍క ఆఁవ్ చేరు జలొసొ, జోచి సెకుమ్‍తె జెర్మిలొసొ, దేముడుచి రాజిమ్‍చి నొవి దీసిక దొర్కు జలి ఉజిడి దెతొ సుక్కొ ఆఁవ్” మెన సంగిలన్.

ప్రకటన 22:7

“ఈందె, ఆఁవ్ బే బేగి అన్నె జెయిందె” మెన యేసు సంగితయ్. ఈంజ పుస్తకుమ్‍తె తిలి కబుర్‌చ కొడొ కో దెరనుల గే, జోవయింక చెంగిలి.

ప్రకటన 4:1

ఇన్నెచి పడ్తొ ఆఁవ్ దెకిలయ్, పరలోకుమ్‍తె పెసితి కెవ్డి ఉగ్డి జా అస్సె! అన్నె, అగ్గె తొలితొ ఆఁవ్ సూన్లి అవాడ్ నప్పిర్‍మూరిచి అవాడ్‍చి రితి ఎక్కిలొచి అవాడ్, అంక, “ఇత్తల్ వెగ జే, చి ఇన్నెచి పడ్తొక కిచ్చొ జర్గు జంక అస్సె గే, తుక దెకయిందె” మెన సంగిలన్.