2 దెస్స 2:6 - నొవ్వి ప్రమానుమ్

⁶ జలె, దేముడు సెలవ్ దిలి కాలుమ్‍కయ్ జో మూర్కుడు బార్ జంక జయెదె. గని అప్పె నే బార్ జంక కిచ్చొ అడ్డు తయెదె గే తుమ్ జాన్సు.

2 దెస్స 2:6 Խաչաձեւ Հղումներ

రోమా 1:18

దేముడుక విరోదుమ్ జా మాన్సుల్‍క పాపుమ్ కెర కెర జోవయించి పెట్టిచి పాపుమ్‍తె సత్తిమ్‍క లుంకడ్తొ, దస్సి ఎత్కి మాన్సుచి ఉప్పిర్ జోచి కోపుమ్ జో దేముడు పరలోకుమ్ తెంతొ సుఁవ దా దెకయెదె, లయడెదె మెన రుజ్జు డీస అస్సె.

2 దెస్స 2:3

కోయి దస కొడొ సంగిలె, తుమ్ మోసిమ్ సేడ నాయ్. కిచ్చొక మెలె, ప్రబు అన్నె జెతికయ్ జా దీసి నే జతె అగ్గె, తొలితొ, ఒండి లోకుమ్‍చ ఎతివాట్‍జిన్ మాన్సుల్ దేముడుక విరోదుమ్ జతి వెల్లి బాద జర్గు జంక అస్సె. దేముడు సంగిలిన్ ఎత్కిక విరోదుమ్ జలొ పూర్తి వెల్లి మూర్కుమ్ బుద్ది జలొసొ ఈంజ లోకుమ్‍తె బార్ జంక అస్సె, జో పూర్తి నాసెనుమ్ జా గెతొసొ.

2 దెస్స 2:7

మదెనె జో మూర్కుడుచి బుద్ది ఈంజ లోకుమ్‍తె జేఁవ్‍చి పాపుమ్ లుంక, చోరు తిరీమ్ తిరీమ్ కెర్తయ్, గని జోక అడ్డు కెర్తొసొ అడ్డు కెరుక ములిలెకయ్, జా బాద ఎదార్దుమ్ జా పూర్తి అల్లర్ కెరెదె.

2 దెస్స 2:8

తెదొడ్‍కయ్ జో మూర్కుడు బార్ జా జోవయించి కామ్ ఎదార్దుమ్ కెరెదె. గని ప్రబు జలొ యేసు అన్నె ఉత్ర జా డీస్తిస్‍కయ్ జొయ్యి జో మూర్కుడుచి సెక్తి గెచ్చవయ్ గెలెదె. చి రితి జోచి చోండి తెంతొ జెతికయ్ వాదుకయ్ జోవయింక మారయ్ గెలెదె.