1 దెస్స 4:1 - నొవ్వి ప్రమానుమ్

¹ జలె, తుమ్‍క అన్నె కిచ్చొ సంగుక మెలె, బావుడ్లు, దేముడుక సర్ద కెర్తి రిసొ కిచ్చొ బుద్ది రితి ఇండుక గే అమ్‍తె తుమ్ సికిలదు. దస్సి సత్తిమ్ ఇండుక దెర అస్సుస్‍చి రిసొ అమ్‍క సర్ద, జలె. “సత్తిమ్ ఇండుక అన్నె రోజుక సికితె తా” మెన అమ్‍క ప్రబు జలొ యేసు దిలి అదికారుమ్‍క అమ్ తుమ్‍క ముక్కిమ్‍క బతిమాల్ప జా సంగితసుమ్.

1 దెస్స 4:1 Խաչաձեւ Հղումներ

యోహాను 15:2

జలె, అంచ కొన్నల్‍తె కేన్ కొన్నతె పంటొ దెరె నాయ్ గే, ఈంజొ రూకు పోస్తొ దేముడు అబ్బొ జా కొన్న గెచ్చవ గెలెదె. గని కేన్ కొన్నతె పంటొ దెరెదె గే, ‘అన్నె ఒగ్గర్ పంటొ దెర్సు’ మెన, కొస్సల్ కుట్టవ గెలెదె.

బారికుల్ కమ్మొ 20:27

దేముడు అంక సికడ్తిసి ఎత్కి తుమ్‍క బోదన కెర అస్సి, కేన్ కి ఆఁవ్ లుకడన్‍క నాయ్.

రోమా 8:8

మాములుమ్ మాన్సుచి జోచి సొంత బుద్దిక, జోచి ఆఁగ్‍చ ఆసల్‍క ఇస్టుమ్ అయ్‍లి రితి ఇండితస, దేముడుచి ఇస్టుమ్ కెరుక నెతిర్తి, జోక సర్ద కెరుక నెతిర్తి.

1 కొరింది 11:23

ప్రబుతె అంక దొర్కు జలిస్‍చి రిసొ, ఆఁవ్ తుమ్‍కయ్ సొర్ప కెర దిలిసి కిచ్చొ మెలె, జోక విరోదుమ్ సుదల్‍చి అత్తి సొర్ప కెర దిలి జా రాతి, యేసుప్రబు పోడి దెర,

1 కొరింది 15:1

జలె, అప్పె బావుడ్లు, సుబుమ్ కబుర్ సంగితి రిసొచి తుమ్‍క ఉచార కెరయిందె. ఈంజ సుబుమ్ కబుర్ తుమ్‍క సూనయ్‍లి పొది కిచ్చొ కిచ్చొ సంగిలమ్ గే, తుమ్ ఉచర. జా ఎత్కి తుమ్ సూన నంపజలదు.

1 కొరింది 15:58

జాకయ్, ప్రేమ తిల బావుడ్లు, డిట్టుమ్ తా అన్మానుమ్ నే జతె, ప్రబుచి తెడి తుమ్ స్రెమ సేడ కెర్తి కామ్ ఆరి కామ్‍క నెంజిలిసి నెంజె మెన జానయ్, జోచి కామ్ తుమ్ నిదానుమ్ తెన్ కెర్తె తా.

2 కొరింది 10:1

క్రీస్తు కీసి మెత్తన తా మాన్సుల్‍క కన్కారుమ్ దెకితె తిలన్ గే తుమ్ జాన్సు. జలె, ఆఁవ్ పవులు, క్రీస్తుచి కన్కారుమ్ దెకితి దస్సి బుద్ది తెన్ సొంత తుమ్‍క బతిమాల్ప జతిసి. అమ్‍చి రిసొ సగుమ్‍జిన్ మాన్సుల్ సంగితిస్ కిచ్చొ మెలె, తుమ్‍చి మొక్మె మెత్తన అస్సి, గని ఉట్ట గెలె పడ్తొ దయిరిమ్ తెన్ ఆఁవ్ గోల కెర్తసి, బెర్తె!

2 కొరింది 13:11

జలె, బావుడ్లు, తుమ్ చెంగిల్ తా, పూర్తి బుద్ది తెన్ ఇండుక ఆస జా మార్సుప కెరన మెన ఆఁవ్ బతిమాల్ప జా సంగిలిసి దెరన, ఎక్కిలొ తెన్ ఎక్కిలొ ప్రేమ తెన్ తా. సేంతుమ్ తెన్ బెద కట్టు తెన్ జిఁయ, చి ప్రేమ తిలొ సేంతుమ్ తిలొ దేముడు తుమ్‍చి తెన్ తయెదె.

2 కొరింది 5:9

జలె, ఇన్నె ఈంజ అఁగి అమ్ జింక తిలె కి, ఒత్త పరలోకుమ్‍తె గెచ్చుక తిలె కి, అమ్‍చి ఆస కిచ్చొ మెలె, ప్రబుక సర్ద కెర జోచి ఇస్టుమ్ రితి కెరుకయ్.

2 కొరింది 6:1

జలె, “దేముడుచి రచ్చన నఙనా” మెన సంగితసుమ్, గని జోచి నావ్ తెన్ అన్నె కిచ్చొ మెంతసుమ్ మెలె, జోచి దయ ఆరి నఙన తా నాయ్.

గలతి 6:1

బావుడ్లు, తుమ్‍తె కేన్ మాన్సు కిచ్చొ పాపుమ్‍తె దెర్ను సేడ అస్సె జలె, జో అన్నె బుద్ది జతి రితి, తుమ్ ఆత్మ వడ్డిలస జోవయింక బమ్మ నే కెర్తి బుద్ది తెన్ జోవయింక చెంగిల్ వాటు దెకవ. పడ్తొ, తుమ్ సొంత పాపుమ్ నే సేడ్తి రితి, జాగర్త దెకన.

ఎపెసి 4:1

జలె, ఆఁవ్ పవులు, ప్రబుచి సుబుమ్ కబుర్ సూనయ్‍లి రిసొ జేలి జలొసొ, తుమ్‍క కిచ్చొ బలవంతుమ్ జా సంగితసి మెలె, ప్రబు తుమ్‍క నిసాన తుమ్ జోచయ్ జా సత్తిమ్ ఇండితి రిసొ తుమ్‍క బుకారా అస్సె. జో తుమ్‍క బుకార్లి వరుమ్‍క విలువ దెకితి ఎదిలి సత్తిమ్‍తె తుమ్ జీఁవ.

ఎపెసి 4:20

తుమ్ క్రీస్తుచి తెడి సికిలిసి దస్సి నాయ్;

ఎపెసి 5:17

జాకయ్, బుద్ది నేన్ల మాన్సుల్ రిత తుమ్ జా నాయ్, గని కిచ్చొ బుద్ది తుమ్ ఇండుక ప్రబుచి ఇస్టుమ్ అస్సె గే, తుమ్ అర్దుమ్ కెరన.

పిలిప్పి 1:27

క్రీస్తుచి సుబుమ్ కబుర్‍క గవురుమ్ కెర్తి రితి ముక్కిమ్‍క బుద్ది ఇండ, చి తుమ్‍క సొంత దెకిత్ రితి ఆఁవ్ తుమ్‍తె అయ్‍లె కి, నాయ్ మెలె నెత్ర వేరతె తిలె కి, తుమ్‍క ‘ఎక్కి ఆత్మ నిదానుమ్ తా డిట్టుమ్ టీఁవ, సుబుమ్ కబుర్‌చి సత్తిమ్ వేర మాన్సు నంప కెర్తి రితి ఎక్కి మెన్సు, ఎక్కి కట్టు తెన్ బెద,

పిలిప్పి 1:9

తుమ్‍చి అప్పెచి ప్రేమ అన్నె ఒగ్గర్ జవుస్ మెన అంచి ప్రార్దన. ప్రబుచి రిసొచి గ్యానుమ్‍చి కిచ్చొ కిచ్చొ ఎత్కి అర్దుమ్ కెరంతి కిచ్చొ కిచ్చొ ఎత్కి చినితి బుద్ది జా ప్రేమతె ఒగ్గర్ జవుస్ మెన ప్రార్దన కెర్తసి.

పిలిప్పి 3:14

యేసుక్రీస్తుచి నావ్ తెన్ దేముడు దెతి బవుమానుమ్ నఙనుక మెన, గురి దెక నిగితసి.

కొలస్సి 1:10

జోచి ఇస్టుమ్ జాన్లె, జోచి బుద్ది గ్యానుమ్ తెన్ తిలె, ప్రబుచి విలువ దెకయ్‍తి రితి తుమ్ ఇండితె. దస్సి, చెంగిల్ కమొ ఎత్కితె ఇండ పలితుమ్ దెర దెర, అగ్గెచి కంట దేముడుక రోజుక ఒగ్గర్ జాన జాన, జోచి ఇస్టుమ్ రితి ఇండ ఇండ, జోక పూర్తి సర్దసంతోసుమ్ కెర్తె.

కొలస్సి 2:6

జలె, ప్రబు జలొ క్రీస్తు యేసుక తుమ్ నంపజా తిలదు.

1 దెస్స 3:12

పడ్తొ, ఆము తుమ్‍కయ్ కీసి ప్రేమ అస్సుమ్ గే, దస్సి ఎక్కిలొక ఎక్కిలొ, అన్నె ఎత్కిజిన్‍క, తూమ్ రోజుక అన్నె ఒగ్గర్ ప్రేమ కెర్తి రితి తుమ్‍చి పెట్టి ప్రబు సికడ్సు.

1 దెస్స 4:2

ప్రబు జలొ యేసుచి నావ్ తెన్ తుమ్‍క కిచ్చొ కిచ్చొ ఆడ్రల్ దిలమ్ గే జాన్సు, గెద.

1 దెస్స 5:12

ఆకర్‍చి, బావడ్లు, తుమ్‍క అన్నె కిచ్చొ ముక్కిమ్‍క బతిమాల్ప జా సంగితసుమ్ మెలె, ప్రబుచి కామ్ తుమ్‍తె కెర్తె తా జోచి అదికారుమ్‍చి తెడి తుమ్‍క దెకిత బుద్ది సికడ్తసక తుమ్ మరియాద దెకితె తా.

2 దెస్స 1:3

తుమ్‍చి నముకుమ్ అన్నె ఒగ్గర్ జా గెతయ్, చి తుమ్ ఎత్కిజిన్ ఎక్కిలొక ఎక్కిలొ రోజుక అన్నె ఒగ్గర్ ప్రేమ కెర్తసుచి రిసొ, దేముడుక అమ్‍చి సర్ద నే సంగిలె నెంజె. తుమ్‍చి రిసొ రోజుక అమ్‍చి సర్ద జోవయింక సంగితసుమ్.

2 దెస్స 2:1

బావుడ్లు, అమ్‍చొ ప్రబు జలొ యేసుక్రీస్తు అన్నె ఉత్ర జెతిస్‍చి రిసొ, జోక నంపజలస ఎత్కిజిన్ జోతె గెచ్చ జో తెన్ ఎక్కితె బెదితిస్‍చి రిసొ, తుమ్‍క ఆఁవ్ కిచ్చొ మెన అప్పె బతిమాల్ప జా సంగితసి మెలె,

2 దెస్స 3:1

పడ్తొ అన్నె కిచ్చొ మెలె, బావుడ్లు. ప్రబుచి సుబుమ్ కబుర్ తుమ్‍తె సూనయ్‍తికయ్ జా కీసి తుమ్‍తె పలితుమ్ దెర్లి గే, అమ్ ఇన్నె సుబుమ్ కబుర్ సూనయ్‍తిసి కి అడ్డు నెంతె జీన పలితుమ్ దెర్తె తవుస్ మెన అమ్‍చి రిసొ తూమ్ ప్రార్దన కెర.

2 దెస్స 3:13

బావుడ్లు, చెంగిల్ కామ్‍క జెతిసి ఎత్కి కెరుక తుమ్ బద్దుకుమ్ జా నాయ్.

1 తిమోతి 5:21

దేముడుచి మొక్మె, యేసుక్రీస్తుచి మొక్మె, పరలోకుమ్‍చ దూతల్‍చి మొక్మె, తుక ఆఁవ్ ముక్కిమ్‍క సంగితసి మెలె, రుజ్జుల్ సరిగా నే సూన్‍తె తీర్పుల్ కెరు నాయ్ అన్నె కక్క మొకమాటుమ్ నే దెకితె తీర్పు కెరు.

2 తిమోతి 4:1

మొర్లసక జితసక ‘నంపజల గే నాయ్ గే’ మెన బవుమానల్ గే సిచ్చల్ గే దెంక మెన క్రీస్తు ఆకర్ దీసిక పరిచ్చ కెర తీర్పు కెరుక అస్సె. పడ్తొ జో తెదొడ్‍క అన్నె ఉత్ర జా అయ్‍లె, జోవయించి అదికారుమ్ నఙన ఏలుప కెరుక అస్సె. జలె, దేముడుచి మొక్మె, క్రీస్తు జలొ యేసుచి మొక్మె, జోవయించి నావ్ తెన్ తుక ఆఁవ్ జాగర్త సంగితసి మెలె,

ఏబ్రీ 11:6

నముకుమ్ నెంజిలె, దేముడుక సర్ద కెరుక నెత్రుమ్. మెలె, కో దేముడుక పాసి జెంక ఇస్టుమ్ జలె, దేముడు ‘అస్సె’ మెన, చి ‘జోక ఇస్టుమ్ జా చజితసక దెకితయ్’ మెన జో మాన్సుక నముకుమ్ తంకయ్.

ఏబ్రీ 13:16

అన్నె, మాన్సుల్‍క చెంగిల్ దెకుక, చి తుమ్‍క కలుగు జలిస్‍క అన్నె మాన్సుల్‍క తోడు దెంక ముల నాయ్. కిచ్చొక మెలె, దసచక ‘బలివొ’ మెనయ్ దేముడుక సర్ద.

ఏబ్రీ 13:22

జలె, బావుడ్లు, ఇదిల్ కొట్రు తెన్ ఆఁవ్ రెగిడ్లి ఈంజ జాగర్త సంగితి దయిరిమ్ సంగితి ఉత్రుమ్ తుమ్ ఓర్సుప జా.

2 పేతురు 3:18

అమ్‍చొ ప్రబు, అమ్‍చొ రచ్చించుప కెర్తొసొ జలొ యేసుక్రీస్తుచి దయతె ఇండ, జోచి గ్యానుమ్ పోసన, ఆత్మక తుమ్ వడ్డ. అప్పె, కి, జా ఆకర్ దీసి ఎద కి కెఁయఁక తెఁయఁక కి జోక జొఒర! ఆమేన్.

1 యోహాను 3:22

అన్నె, జోవయించి మొక్మె అమ్ లాజ్ జంక నాయ్ జలె, జోచి ఇస్టుమ్ రితి ఇండితసుమ్‍చి రిసొ జో మెన్సితిసి కెర్తసుమ్‍చి రిసొ, జోతె అమ్ కిచ్చొ సంగిలె, జో అమ్‍క దొర్కు కెర్తయ్.