Vitendo 5:36 - Ibibiliya mu Shimakonde Imbodi Yaambi na dimbande dya Imbodi Yakala

³⁶ Muvyaka vyapanyuma padyoko, andyúmilila Teudashi munu áshilivika kuva wakwishimika; vandílyunganianga namu nae vanu vakuwikila shikonda kenga shadimiya nsheshe doni. Kanji pavamwovidye shingumi, avalá uti váshinkulupila vandímwadilikananga kutwala ing'ano ayo kumalilikila popo.

Vitendo 5:36 Խաչաձեւ Հղումներ

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Mateu 24:26

“Napavedoni vanu vakamwaulila kushidoni, ‘Mwenu! Nae apali kushimbweshe akulá,’ hamunauke. Kwali vakaashidoni, ‘Apali nng'ande amulá,’ hamunakulupile.

Mateu 24:5

Vandaida vanu voe vatumila lina lyangu vaashidoni, ‘Nangu Klistu,’ vovo vo vandavaduwanga vanu voe.

Vitendo 21:38

Da wako hauvele mmishili aijá átandile mandamano akupinga shilikali mumaduva apitíle kutwala kuvatwala vakupinga-shilikali dyalupu nsheshe kuvaukanavo kushimbweshe?”

Vitendo 5:35

kutwala kushidoni, “Mmanaishilaeli! Lilaledye na vitendo vyamulota kuvatenda vanu ava.

Vitendo 8:9

Napanelo panjini wowo, andípagwa munu jumo walina Simoni. Munu aju muwakati wapanyuma pake ashindatandedya vinu vyashaviavi vyashivatikiniyanga vashamaliya na kulitenda kuva munu wakujowa.

Vagalata 2:6

Napanelo avalá váshaaneka kuva vakuvaikila, shavavéle sho, kwangu nangu hashinava shinu mwaa Nnungu hanatanana kuvailanga kwamunu na vovo vo, hashipali shavangujanjadidye.

Vagalata 6:3

Munu akalyona kuva munu shii kanji akavé, ankulishang'apila jo mwene.

II Patulu 2:18

Vovo vo, vatangola malove akulyona amambinya, kwaditamaa dyave dyashimunumunu, vankuvashomba avalá vapalanywéke muwakati wakuvandika kwavanu valilangalaléla mukukowa.

II Patulu 2:2

Vanu voe vandoda shinamidyo shave shakulauka, namomo kwamwaa wavanavo vanji indila yaumwiu vandakupulu.

Yudashi 1:16

Vanu avo vankunama vatangadikanga ngwengwe, vakashalya, vaodedya malotelo ave vo vene, vankulitapila na kutangola malove anagwaléka kwambangidya vapate paida yavo vo vene.

Maono 17:3

Napanelo njelo aníngutwala mu Imumu kunguukanavo kushimbweshe. Ako ndímwona nkongwe jumo àikele pashanya palidimu lyanauvi vàmwandikenge mena oe akukupulu, àvenavo myuti saba na dimembe kumi.

Maono 17:5

Pashenye pake vandyandika lina lyashipii, “Babiloni nkumene; jujumunu wamalaja na wavyakudabukanga vyamushilambo shapai.”