Vitendo 4:31 - Ibibiliya mu Shimakonde Imbodi Yaambi na dimbande dya Imbodi Yakala

³¹ Bai pavamalidile kushwali, palyutu lyavakadyaniénge pandíndangenda, vanavo uti kuvaumbala Imumu Wanashwe na vashindavalanganga lilove lya Nnungu pavakajugulanga shinu.

Vitendo 4:31 Խաչաձեւ Հղումներ

Mateu 21:22

Namomo shinu shamulota kujugwa kwaindila yakushwali, mukakulupila mundapata.”

Nshuwau 14:12

Ninkumwaulila mwiu mwiu doni, aijá ángukulupila nangu, vyangutenda avi nanae momo andatenda na vyakwanjadyeka kupunda avi, nae andatenda mwaa nangu mwanda kumwe Atata.

Nshuwau 15:16

I mwenu múngutandwele, ila ni nangu níntandwele mwenu na kuntenda muke mukape vyepo na vyepo vyovyo vyo, havinaunde pakulota shoeshoe shamulota kunjugwa Atata palina lyangu, nae amupe.

Nshuwau 15:7

Mwenu mukapagwa nkati mwangu, malove angu kupagwa nkati mwenu, shoeshoe shamulota, jugwa na vinantandakela momo.

Vitendo 14:3

Napavedoni vandíikala maduva oe namene pa Ikoniu vammalanganga Umu pavakajugulanga shinu na Umu nae ashindaing'a ushuda kwalilove lyaumonyo wake kwaindila yakuvapa dimongo dyakutandela vimanyikilo na vyakutikinikanga.

Vitendo 2:1

Napanelo liduva lya Pentekoste likawike vakwoda vake Yesu uti vandípagwa pashinu pamo.

Vitendo 2:2

Kwashingangala, kuwa kwaloka lidi lyakuuluta kenga kupunga kwaimepo yadimongo kutwala kwanela uti nng'ande mwavaikalénge.

Vitendo 2:4

kutwala vanu avo uti kuvaumbala Imumu Wanashwe na kwatuka kutangola dinangodi dyakuvilingananga kwodana na lyululilo lyavapéle Imumu.

Vitendo 4:13

Napanelo vakone ntima shii umwe Patulu namu Nshuwau vamanya kenga vavele vanu vákashamidye na vanu vila tu, vandíshanga namene kutwala kwanalela kenga vovo vo, vandinama namu Yesu.

Vitendo 4:29

Napanelo Umu, lola mevo mavili mitisho vyave utupe dimongo tuvatumika vako pakulota tuvalangange lilove lyako patukajugulanga shinu

Vapilipo 1:14

Namomo vanung'unumunu voe pavapatile dimongo nkati mumwe Umu kwamwaa wakungwa kwangu vandyuka ndalyalaveka kuvalanganga lilove kwabila kujopa shinu.

Vapilipo 1:20

Shilakolilakoli shangu na lilindilililo lyangu ni ali, hashipali ata nkati mushimo shilóta kungutaa dyoni kanji kwantima washinannume kenga ngwengwe na ata ambi apa, Klistu andatumbyangilika mumili mwangu, ata mushingumi na ata mukupela.

Tiyagu 1:5

Ikava kenga munu pakati penu linkumwova limanyilo, anjugwe Nnungu ávapa vanu uti kwabila shinyadinyadi na ákashulanga; namomo nae andamupa.