Vitendo 24:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Ni ashi shingutádya nangu ngwengwe ngukukule pakulota nguvenavo makumbukililo ambone amuntima pamevo pa Nnungu na pavanu.

Vitendo 24:16 Խաչաձեւ Հղումներ

Vitendo 23:1

Napanelo Paulu andívalola ndoo vanu uti vapagwíte panguguvale po kutwala kushidoni, “Mmanung'unumunu, mpaka nelo nangu ninkunama pamevo pake Nnungu mumakumbukililo ambone amuntima.”

Valoma 2:15

Vanavo vankulilodya doni shimadengo shalilamulo shindyandikigwa mmitima vyave; makumbukililo ave amuntima aumya pamo ushuda avakashalya na ata avashililidya

Valoma 9:1

Ninkutangola mwiu nkati mumwe Klistu hangunashang'apa shinu, makumbukililo angu amuntima aumya ushuda kwangu nangu nkati mu Imumu Wanashwe

I Vakolintu 10:32

Hamunavatadye shinyadinyadi vayuda kwali ata vagalegu na ata liganisha lya Nnungu

I Vakolintu 4:4

Doni, hashipali shangwona nkati mwangu kanji asho hashinava na mana kenga ndivalangiligwa ishaliya. Ánguukumu ni Umu.

II Vakolintu 1:12

Kulitamanga kwetu ni aku, makumbukililo etu amuntima ankumya ushuda kenga mwatunamila mushilambo amu na kupunda namene kwenu mwenu kuvelé kwakulishapeya na ushalowa walóka kumwe Nnungu i kwalimanyilo lyashimunumunu kanji kwaumonyo wake Nnungu.

II Vakolintu 4:2

Leka apo, tundita uti vyashipii na vyadyoni patukanama muvyaushwang'a kwali patukaashadyanga lilove lyake Nnungu kanji kwaindila yakuvalanganga ngala umwiu, tunkulitumbyanga mmakumbukililo amuntima vyavanu uti pamevo pake Nnungu.

I Vateshalonika 2:10

Mwenu munkuva mmashuda pamo namu Nnungu wawakwilimyanga, waishaliya na waukave makosha washiwanelo shetu kwenu mwenu mmakukulupila.

I Timoti 1:19

ukamulila likulupililo na makumbukililo ambone amuntima alalá ávaitile vanji, nadoni kwalikulupililo lyave vandititimila mmedi.

I Timoti 1:5

Malotelo napane amalailililo etu ni linagwaledyo lyúma muntima úkave ushapu, makumbukililo ambone amuntima na likulupililo líkave shinankulaba.

I Timoti 3:9

vakamulíla shipii shalikulupililo kwamakumbukililo amuntima ákave ushapu.

II Timoti 1:3

Ninkunnambwalela Nnungu wanintumika kenga mwavantumikidile vanyakala vangu kwamakumbukililo ákave ushapu amuntima pandikukumbukila ngwengwe wako mukushwali kwangu shilo na mui.

Titu 1:15

Kwa avalá vákave udagwa, uti havive udagwa kanji kwa avalá vadagwa na vákakulupila, hashipali shíkave udagwa; ata ding'anong'ano dyave kwali makumbukililo ave amuntima, uti andyambukishigwa.

Vabalaniya 10:22

Naivedoni, tuke tummandike Nnungu na ntima waumwiu mukwakikisha kwiu kwalikulupililo mùvenavo mitima vyukíle ndanyunyangiligwa pakulota kutadya atakate makumbukililo akunyata amuntima na mili vyukíle ndaingigwa kwamedi ákave ushapu.

Vabalaniya 13:18

Tushwalidya wetu, tunkwakikisha kenga tundivanavo makumbukililo ambone amuntima tulota tulilangalalele mwishima nkati muvinu uti.

Vabalaniya 9:14

kushi napane myadi vimwe Klistu áukile ndalijaula jo mwene kwaindila ya Imumu ákamalilika pakave makosha kwaupande wa Nnungu, hayululika kutuushanianga vitendo vyakupela mmakumbukililo etu amuntima kwambangidya tuntumike Nnungu mumi?

I Patulu 2:19

Mwaa ni shinu shakutumbyangilika munu kwamwaa walikulupililo lyake kwa Nnungu, alipililile matuva auvauvanga pashikapali.

I Patulu 3:16

Kanji tenda vinu avi kwaupole na kwaishima mushunga makumbukililo ambone amuntima kwambangidya dashi, avalá vantangóla mwenu kunyata kwamwaa washinamidyo shenu shambone shamupagwa nkati mumwe Klistu, vanavo vavenavo dyoni kwakuliula kwave.

I Patulu 3:21

Nadoni ashi ni shimanyikilo shaubatisho umwambóla mwenu ambi apa, wanavo haunaushanianga shinu ushapu washimunu ila ni kulijugwangila kwamakumbukililo ambone amuntima pamevo pake Nnungu kwaindila yakudyuka kwake Yesu Klistu