Vitendo 23:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napanelo Paulu andívalola ndoo vanu uti vapagwíte panguguvale po kutwala kushidoni, “Mmanung'unumunu, mpaka nelo nangu ninkunama pamevo pake Nnungu mumakumbukililo ambone amuntima.”

Vitendo 23:1 Խաչաձեւ Հղումներ

Mateu 5:22

Napane nangu jo ninkumwaulila doni, kula munu álota kunshunalila nung'unumunu vandamuukanavo paukumu. Namomo álota kuntukana nung'unumunu, vandamuukanavo kwikamati, nakavili, ámwaulila nung'unumunu do, ‘Hauvé ding'ano!’ vandamuukanavo kumoto wakushena.

Vitendo 22:1

“Mmanung'unumunu pamo na mmatatamunu, ngwigwa kulishililidya kwangu kwenu mwenu.”

Vitendo 22:30

Napanelo palyamba lyake, nang'olo nkumene wavaing'ondo aijá alota amanye uwakika waing'ano yavashintambulanga Paulu vayuda, andílamulila vamuungule Paulu na upagwe nguguvale wavanang'olo vavakulangalalela-shadaka pamo na vanang'olo vanguguvale uti kutwala nae kuntwala Paulu kumwimidya shing'ati nguguvale.

Vitendo 22:5

Ata jo nkúlangalalela-shadaka nkumene ing'ano ai ankuulula kutaa ushuda pamo na nkodyanio wavanang'olo uti. Vovo ava vaningupa shitambulisho shakuka ndalodya kwavanung'unumunu va ku Damashiko pakulota ndivatwale vavé kwanavo ndivaidenavo na mang'unyang'unya pa Yelusalemu apa vavape shaushanga.

Vitendo 23:15

Nadoni mwenu apa kenga mmananangalaledi vanguguvale, tumidya ntenga kwanang'olo nkumene wavaing'ondo pakulota antumidye kwenu mulitenda kenga mulota kulalyanga shana myaa vyake. Wetu tuvelé tayali kummalidya ata akanava kuwika kwenu.”

Vitendo 23:20

Ndyoko kushidoni, “Vayuda vandilya shemba vakujugwe wako lunduno untwale Paulu umuukenavo kunguguvale valitenda kenga valota vaudyangidye shana myaa vyake.

Vitendo 23:28

Nikantwale kumuukanavo kulibengi lyavayuda ngulota ngwigwe myaa vyake vyavashintambulanga,

Vitendo 23:6

Napanelo Paulu kwodamwaa andímanya kenga panguguvale awo vanji vavele mapalishayo, vanji kuva mashadukayo, andítangola pashanya po aashidoni, “Mmanung'unumunu, nangu ni mpalishayo mwana wamapalishayo. Apa ninkuukumigwa kwamwaa walilindilililo lyakudyuka kwavakupela.”

Vitendo 24:16

Ni ashi shingutádya nangu ngwengwe ngukukule pakulota nguvenavo makumbukililo ambone amuntima pamevo pa Nnungu na pavanu.

Vitendo 6:15

Bai vanu uti ve vaikalénge panguguvale awo, vakannole ndoo Shiteva, vandyóna ing'ope yake kuva kenga yanjelo.

I Vakolintu 4:4

Doni, hashipali shangwona nkati mwangu kanji asho hashinava na mana kenga ndivalangiligwa ishaliya. Ánguukumu ni Umu.

II Vakolintu 1:12

Kulitamanga kwetu ni aku, makumbukililo etu amuntima ankumya ushuda kenga mwatunamila mushilambo amu na kupunda namene kwenu mwenu kuvelé kwakulishapeya na ushalowa walóka kumwe Nnungu i kwalimanyilo lyashimunumunu kanji kwaumonyo wake Nnungu.

II Vakolintu 4:2

Leka apo, tundita uti vyashipii na vyadyoni patukanama muvyaushwang'a kwali patukaashadyanga lilove lyake Nnungu kanji kwaindila yakuvalanganga ngala umwiu, tunkulitumbyanga mmakumbukililo amuntima vyavanu uti pamevo pake Nnungu.

II Timoti 1:3

Ninkunnambwalela Nnungu wanintumika kenga mwavantumikidile vanyakala vangu kwamakumbukililo ákave ushapu amuntima pandikukumbukila ngwengwe wako mukushwali kwangu shilo na mui.

Vabalaniya 13:18

Tushwalidya wetu, tunkwakikisha kenga tundivanavo makumbukililo ambone amuntima tulota tulilangalalele mwishima nkati muvinu uti.

I Patulu 3:16

Kanji tenda vinu avi kwaupole na kwaishima mushunga makumbukililo ambone amuntima kwambangidya dashi, avalá vantangóla mwenu kunyata kwamwaa washinamidyo shenu shambone shamupagwa nkati mumwe Klistu, vanavo vavenavo dyoni kwakuliula kwave.