Vitendo 22:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ nang'olo nkumene wavaing'ondo andívalamulila vanu vake vanjele Paulu mulingongo lyavaing'ondo na vamuudyangidye kwaindila yakunshapa pakulota avalangange shitadíye imbumba injungile.

Vitendo 22:24 Խաչաձեւ Հղումներ

Nshuwau 19:1

Bai Pilatu andílamulila Yesu vanshape viboko.

Vitendo 16:37

Kanji Paulu andívajang'ula vanavo kushidoni, “Aba! Vatushapilé paumbala na kutugang'aledya nkalaboshi pavakalalyanga shana mwaa wene na wewe tùvele tuvaloma! Napanelo valota vatuungule shipiipii? I mwanavo! Indivaikila vaide vo vene, vatuungule.”

Vitendo 21:34

Kwamwaa washititimbu shuumilidíle pakati paimbumba vanji vajunganila ashi vanji kujunganila shinji, nang'olo nkumene wavaing'ondo hashipali shawakika shashigwa nadoni nae andílamulila vamuukenavo Paulu kulingongo lyavaing'ondo.

Vitendo 21:37

Napanelo Paulu valota vanjele mulingongo andímudya nang'olo nkumene wavaing'ondo kushidoni, “Inkuululika nangu kukumanyiya shinu shimo?” Nang'olo nkumene wavaing'ondo kushidoni, “Wako unátangola shigalegu?

Vitendo 23:10

Bai pashinu apo kupwatana kundyúka mushu kumamodya mpaka nang'olo nkumene wavaing'ondo kujopa mwaa wakwona kenga Paulu vananshapwalananga; nadoni andívalamulila vaing'ondo vake vavapoke Paulu vakanjele kavili mulingongo lyavaing'ondo.

Vitendo 23:27

Ninkukumanyiya doni, vayuda vanínkamula munu aju na vashilota kummyaa. Kanji nangu vakangumanyiye kenga munu jojo muloma, nindyúka koko na vaing'ondo vangu namposha.

Vitendo 28:18

Valoma pavalalyenge myaa vyangu vashindalota vanguleke mwaa nkati mo havagwene likosha lyoelyoe lyakulota ngupalele.

Vabalaniya 11:35

Vakongwe vanji vandívaujidya vakupela vave kwaindila yakudyuka. Vanji vandívauvauvyanga kanji vandíta kuunguligwa pakulota vapate kudyuka shii.