Vitendo 2:39 - Ibibiliya mu Shimakonde Imbodi Yaambi na dimbande dya Imbodi Yakala

³⁹ Mwaa kulivikila aku ni kwenu mwenu, kwaudukulu wenu na kwauti vavelé kushu; uti avalá vashamégwa namu Umu, jo Nnungu wetu.”

Vitendo 2:39 Խաչաձեւ Հղումներ

Vitendo 10:45

Kanji vakukulupila vaaléke namu Patulu ku Yope vàvele vayuda, vandíshanga pavagwene vamidi navanavo momo Nnungu avamiminila Imumu Wanashwe

Vitendo 14:27

Pavawikile, vandíshema liganisha kutwala kuvalanganga vyatandile Nnungu kwaindila yavanavo na mwavapalalele litala vamidi pakulota vavenavo likulupililo.

Vitendo 15:14

Mwenu mundigwa mwatangaladile Simoni Patulu pammalangenge Nnungu mwavatananidile vamidi tangu kala; nae andivatandola venentete pakati pave vave vake.

Vitendo 15:3

Napanelo liganisha likavatumidye, vanavo vandípitila ku Poiniki na ku Shamaliya vavavalanganga vamidi mwavashinjiulidile mitima vyave kwa Nnungu; bai vanung'unumunu vandípuwanga namene mwaa wadyabali adyo.

Vitendo 15:8

Nnungu ámanyite mitima vyavanu, andivaumidya vanavo ushuda pakuvapa Imumu Wanashwe kenga mo mwatupalalele wetu.

Valoma 11:29

Mwaa dinudyo na kushema kumwe Nnungu, hakunaputangigwa.

Valoma 8:30

Doni, avalá vávapangidile kaladavo, vovo vo andivashema na vo vávashamile vo, andivavalangilila ishaliya na vo vávavalangangilidile ishaliya vo, nae andivapa lishangelo.

Valoma 9:24

ata mpaka wetu momo túshamagwidye i gweka pakati pavayuda kanji namomo pakati pavamidi.

Valoma 9:4

Vanavo ni vanaishilaeli; vyavanavo ni kuva vanamunu, lishangelo, dimbodi, kupata kwalilamulo, kulipudya mwing'ande yake pamo na vyakulivikila.

I Vakolintu 7:14

Mwaa nnume ntwagwe ákakulupila ankutandegwa kuva wakwilimyanga kwaindila yandyagwe na nkongwe ndyagwe ákakulupila ankutandegwa kuva wakwilimyanga kwaindila yannume ntwagwe. Leka ikave davo, vanavenu vakandiva vaushapu kanji napane vankuva vakwilimyanga.

Vaepeshu 1:18

alangadya mitima vyenu pakulota mumanye nyamani lilindilililo lyakushema kwake, nyamani kuumbaligwa kwalishangelo lyamaleko ake kwavakwilimyanga

Vaepeshu 2:12

inimmaikila mukumbukile doni, muwakati awo mwenu hamuvénavo Klistu, hamushivalangiligwa muuwenentete washiishilaeli, muvele múkamanyika nkati mudimbodi dyakulivikila; mmanu múkave lilindilililo na múkave Nnungu mushilambo amu.

Vaepeshu 4:4

Unkupagwa mili umo na Imumu jumo kenga mo mwavanshamalele mwenu kwalilindilililo limo lyakushamegwa kwenu,

II Vateshalonika 1:11

Kwaing'ano ai tunkunshwalidya mwenu ngwengwe kwambangidya Nnungu wetu antadye mwenu muve mmakuvaikila mukushema kwake na muwishe popo kwadimongo dyake malotelo uti auwambone na kula shimadengo shalikulupililo

II Timoti 1:9

aijá átwambwele na átushamile kwalishamelo lyakwilimyanga i kwamwaa washimadengo shetu kanji kwamwaa waishabaa yake jo mwene na umonyo watupatile nkati mumwe Klistu Yesu tangu wakati úkamalilika ukanava kupagwa

Vabalaniya 3:1

Napavedoni mmanung'unumunu mmakwilimyanga múliinjidyanga pamo mukushamegwa kwakuwa, vikila namene kuntima makumbukililo enu kumwe Yesu, myombe na nkúlangalalela-shadaka nkumene wakulyaula kwetu.

Vabalaniya 9:15

Napavedoni, nae ni nkúdumangila waimbodi yaambi kwa avalá vashamégwa namu Nnungu pakulota vapate akulá kulivikila, yani maleko ákamalilika kwoda kupela kwake kundivaambola mumakosha avatandile mwimbodi itandi.

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.

II Patulu 1:10

Napavedoni mmanung'unumunu, kavili likanyalidye namene pakulota kushamegwa na kutandalegwa kwenu kunanope mwaa mukatenda avyo, mwiko hamulikuvala.

II Patulu 1:3

Kwadimongo dyaunnungu wake anditupa uti avilá vyatulota mushingumi na mukunjopa nae kwaindila yakummanya aijá átushamile kwalishangelo lyake jo mwene na kwaushalowa wake uti

Maono 17:14

Vandatandana ing'ondo namu Ngandolo kanji Ngandolo pamo namu avalá vavashamile, vavatandwele vàvele vo vakulupilíke, andavatema mwaa nae ni Nang'olo wavanang'olo, Umu wavaumu.”

Maono 19:9

Njelo kutwala kungwaulila doni, “Andika: Vandyalaligwa avalá valalikígwe kupagwa pandamu washitamo shimwe Ngandolo!” Kavili kungwaulila kushidoni, “Ala ni malove aumwiu ake Nnungu.”