Vitendo 16:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Napane ive doni, wetu tuka kulyutu lyakushwalidya alilá, andítwidila mwali jumo ntumwa e avénavo lijini lyadyangele; jojo jo, ashindavapatiya malupulupu oe vanang'olo vake kwashimadengo shake shadyangele.

Vitendo 16:16 Խաչաձեւ Հղումներ

Vitendo 16:13

Napanelo muliduva lyakupumula, wetu tundyúma palikaja po kuka kulundi kushinu kwatushona kenga tundapata lyutu lyakushwalidya; wetu kwikalanga kutwala kutunduvanga kutangonavo vakongwe vakadyaniénge mulyutu alyo.

Vitendo 16:18

Malove ala nae andítangola mumaduva oe kutwala kumwisho kwake Paulu kunnyatila; akashiliuka kumwaulila lijini jo doni, “Palina limwe Yesu Klistu ninkukulamulila, kuma mumili mwamwali aju!” Lijini kuuminneu.

Vitendo 16:19

Napanelo vanang'olo vene mwali ntumwa aijá pavagwene kenga lilindilililo lyave lyamalupulupu linditimbikanga, vaníntwala Paulu na muje Shilashi kupita vavautanga mpaka kwavakutawala kushiwanja shikumene shamikodyanio

Vitendo 19:24

Mwaa munu jumo nkwána walyava walina Demetiliu áshikandyanga mashinamu alinganianga ing'ande ya nnungu nkongwe walina Alitimishi na áshivapatiya vamadengo vake malupulupu oe,

Vagalata 5:20

kulipudya kwavannungu vakushang'apa, wavi, umongo, ungaigwania, liu, shitundi, shojo, mitau, kumwadilikananga,

I Timoti 6:10

Mwaa kunnagwaledya njuluku ni lushija lwavyakunyata uti. Kwakuvikila liu njuluku, vanji vandyashalanga mulikulupililo na kulitalalanga kwavipalodi vyoe.

II Timoti 3:8

Kulingana kenga momo Yaneshi namu Yambaleshi vanímpinga Musha, namomo vanavo vankupinga umwiu; ni vanu vatimbikénge ding'ano dyave, vanu vákave mana kwalikulupililo.

II Patulu 2:3

Kwalung'unuku lwave, vanavo vankuvashonda vanu vatumila maimyo akubuni vo vene. Kwavanavo, ukumu ikandyangígwe tangu kala, haididimanga; kubamalegwa kwave ko, hakudidimanga.