Vitendo 13:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ Napanelo Nshuwau àvele pepi na kumalila shimadengo shake, andívaudya vanu doni, ‘Da mwenu nangu mungwona kuva nyani? Nangu hangunava shinu aijá wamunnindila. Kanji ling'oto lyangu nangu, ankwida aijá wandikavaikidile nangu kumuulanga vilatu.’

Vitendo 13:25 Խաչաձեւ Հղումներ

Mateu 3:11

“Nangu mwenu apa, ninkumbatisha na medi kulodya kulijugulanga. Napane ling'oto lyangu nangu ankwida munu wadimongo kungupunda nangu wandikavaidile nangu kumuulanga vilatu vyake. Nae mwenu po, anambatisha na Imumu Wanashwe na moto.

Malukushi 1:7

na ashindavalanganga ntenga wakushidoni, “Kunyuma kwangu nangu, ankwida munu walyululilo lyoe kungupunda nangu; ata pakulota ngutepe nimulange vilatu vyake, hanguvaikidile ata padyoko vela.

Nshuwau 1:29

Palyamba lyake Nshuwau andímwona Yesu amwidila kutwala kushidoni, “Mwenu! Ngandolo wa Nnungu aijá áusha lidambi lyashilambo.

Nshuwau 1:34

Nangu ndimwona na ninkumya ushuda, aju ni Mwana wa Nnungu.”

Nshuwau 1:36

Pamwonite Yesu apita andítangola doni, “Mwenu! Ngandolo wa Nnungu aju.”

Nshuwau 4:34

Yesu kuvaulila doni, “Shakulya shangu ni kutandedya malotelo ake aijá ángutumididye na kulinganianga shimadengo shake.

Nshuwau 7:18

Munu ánatangola yake jo mwene, alambela alipatile lishangelo jo mwene kanji aijá ánalambela lishangelo kwa aijá ántumididye, aju ni munu waumwiu na jojo jo nkati mwake, ushwang'a haupali.

Vitendo 13:36

“Napanelo Daudi muwakati wake akatandedye malotelo ake Nnungu, andíjaa shingumi na vandyúka nanshika pavyonga pavalala vanakuluvake kutwala kunda

Vitendo 19:4

Paulu kutwala kushidoni, “Nshuwau andívapa vanu ubatisho wakulijugulanga madambi avaulila vankulupile aijá áshaaloka panyuma pake, yani Yesu.”

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

II Vakolintu 4:5

Mwaa hatunalivalanganga wewe tuvene kanji tummalanganga Yesu Klistu kuva Umu kutwala wetu kuva tuvatumwa venu kwamwaa umwe Yesu.

II Timoti 4:7

Nditenda ing'ondo yambone, ndimalila mashindano, ndishunga likulupililo.

Maono 11:7

Napanelo pavamalila ushuda wave, lidimu wakwalakela ku Litavaleva andavatenda ing'ondo kutwala kuvatema na kuvabyaa.