Vitendo 10:34 - Ibibiliya mu Shimakonde Imbodi Yaambi na dimbande dya Imbodi Yakala

³⁴ Patulu kutwala kutunduvanga kutangola aashidoni, “Napanelo mwiu ninkumanya kenga Nnungu hanampambula munu

Vitendo 10:34 Խաչաձեւ Հղումներ

Mateu 22:16

Nadoni vankuvatumidya vakwoda vave na vanu vashipinga shimwe Elode kuka ndamudya, “Mwalimu, wetu tundimanya shana kenga wako ni umunu waumwiu na unkupundisha kwaumwiu indila yalota Nnungu úkatakigwa kupundishigwa na munu mwaa haunalola ing'ope yamunu.

Mateu 5:2

andítunduvanga kuvapundisha aashidoni,

Lukashi 20:21

Nadoni vanavo vandímudya kushidoni, “Mwalimu, wetu tundimanya shana kenga wako unkutangola vinu viu na unkupundisha shana; haunatangola shinu ulola ing'ope kanji unkupundisha kwaumwiu indila yalota Nnungu.

Vitendo 10:33

Nangu kuvatuminneu vanu kwida ndakushema na tundilambwalela mwaa wakuwika kwako. Napanelo wetu apa tundikadyania pamevo pake Nnungu pakulota twigwe uti vyakutumenge Umu utuvalangangile.”

Vitendo 15:9

Wetu namu vanavo Nnungu hatupambulanienge; nae andyushanianga ushapu mitima vyave kwaindila yalikulupililo.

Vitendo 8:35

Napanelo Pilipo kutunduvangila mulipungu alyo lyamaandiko andyúka ammalangangila munu ajo ntenga wambone umwe Yesu.

Valoma 2:11

Mwaa kumwe Nnungu hakupali kupambula.

Valoma 3:29

Kwali Nnungu jo ni wavayuda gweka? Da nae po hanava shinu momo Nnungu wavamidi? Elo, ni wavamidi momo

Vagalata 2:6

Napanelo avalá váshaaneka kuva vakuvaikila, shavavéle sho, kwangu nangu hashinava shinu mwaa Nnungu hanatanana kuvailanga kwamunu na vovo vo, hashipali shavangujanjadidye.

Vaepeshu 6:9

Namwenu mmanang'olo, vatandele momo vatumwa venu na leka kutishanga kwenu mumanya kenga aijá ávele nang'olo wave na nang'olo wenu mwenu uti avelé kuwa na kwake nae, hakupali kupambula.

Vakoloshu 3:11

Apa hapali ngalegu kwali muyuda, wakukumuligwa likumbi kwali ákakumuligwe, mmidi kwali mushikita, ntumwa kwali wamuunaiti kanji Klistu ni uti na nkati muuti.

Vakoloshu 3:25

aijá átenda vyakunyata, andalipigwa ko kunyata mwaa hakupali kupambula.

Tiyagu 2:1

Mmanung'unumunu, pakuva munkuvanavo likulupililo kumwe Yesu Klistu Umu wetu walishangelo, hamunampambule munu.

Tiyagu 2:4

da davo po, hamunalipambulanianga shinu mwemwe mmene mulitenda kuva vakuukumu kwamakumbukililo akunyata?

Tiyagu 2:9

Kanji mukavapambula vanu, munkutenda lidambi na munkuukumigwa tayali mulilamulo kenga mmanu múpujungula.

I Patulu 1:17

Pakuva mwenu mundashwali muntambula Atata aijá áukumu kwabila kupambula kwakwodananavo vitendo vyakula munu, avanavo shinamidyo uti shakunjopa nae muwakati au wamuvele kenga mmakwaloka.