Valoma 7:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Napane tuushidashi? Da lilamulo lyo, lidambi? Ata padyoko vela! Ila leka likapagwite lilamulo, hangunamanye lidambi ni nyamani. Mwenu, nangu hangunamanye nyamani kung'unuka leka lilamulo likatangwele doni, “Haunang'unuke!”

Valoma 7:7 Խաչաձեւ Հղումներ

Mateu 5:28

Napane nangu jo ninkumwaulila doni, kula munu álota kunnola nkongwe ang'unuka, muntima mwake mo, andilavalava tayali kwankongwe ajo.

Lukashi 12:15

Kutwala kwaulila imbumba yavanu kushidoni, “Lilaledye! Lishunge kwaing'ano yaliu mwaa shingumi shamunu hashivele muumbala wavinu.”

Lukashi 20:16

Nae andavaukila vanu avo ndavatanalanga kutwala lishamba lyo, kuvapa vanu vanji.” Bai venentete pavaigwite malove alo kutwala kushidoni, “Shonde hainave davo.”

Vitendo 20:33

Hangung'unwike njuluku, shaabu kwali inguvo kwamunu woewoe.

Valoma 13:9

Mwaa malamulo ala, “Haunalavalave,” “Haunabyae,” “Haunaive,” “Haunang'unuke,” kwali likapagwa linji lyoelyoe, vandiipiyanga mulilove limo, “Nnagwaledye nshitanonomwavo kenga wako umwene.”

Valoma 3:20

mwaa kwaindila yashimadengo shalilamulo hapali álota kuvalangiligwa kuva ishaliya pamevo pake pakuva kwaindila yalilamulo inkutadya lidambi limanyike.

Valoma 3:5

Kanji napane ikava kenga ungave-shaliya wetu unkulodya ishaliya yake Nnungu, tulota kwamba nyamani? Kwali tutangole do, Nnungu havenavo ishaliya patandedya shitundi shake? Ngutangola kenga nimunu.

Valoma 4:1

Napavedoni, tulota kutangola nyamani vyúkile ndaanalela Abulaamu nakulugwetu kwodananavo unalikola?

Valoma 4:15

Mwaa lyo lilamulo lyo, linkwidanavo shitundi kanji napane palikapagwite lilamulo, hakupali kupujungula.

Valoma 5:20

Mwenu, lilamulo lindida pakulota dashi, kupujungula kwanjadyeke. Napane po palyanjadyeke lidambi, umonyo undipakatika

Valoma 6:15

Napanelo shakwashi? Da tutege pakuva hatunatawaligwa shinu na lilamulo kanji tunkutawaligwa na umonyo? Ata padyoko vela!

Valoma 7:11

Mwaa lidambi likatakela litala kwaindila yalilamulo, lininguduwanga na kwaindila yalilamulo, liningubyaa.

Valoma 7:13

Napane, da shambone sho shindijalukanga kwangu nangu kuva kupela? Ata padyoko vela! Kanji lidambi pakulota lililodye kuva lidambi, kwaindila ya ashilá she shivéle shambone, lyanavo lindiidanavo kupela nkati mwangu kwambangidya kwaindila yalilamulo, lyanavo lililodye ngala kuva shinu shakutega kupunda apo.

Valoma 7:5

Mwaa patushinama mumavalelo etu ashimunumunu, ditamaa dyalidambi dikang'alegwa na lilamulo dishindakola madengo mudimbande dyetu dyamumili kwambangidya tupe vyepo vituúkanavo kukupela.

Valoma 7:8

Napanelo lidambi likatakela litala kwaindila yalilamulo lindikang'ela nkati mwangu kula inamuna yalung'unuku mwaa palyapukananga na lilamulo, lyanavo livelé mukupela.

I Vakolintu 15:56

Mwenu, ishumu imwe kupela, lidambi na dimongo dimwe lidambi, lilamulo.

Vaepeshu 5:3

Kulauka, ushapu kwali lung'unuku; pakati penu hanapagwe wakwambangila mwaa kenga mwaivalalele kwavakwilimyanga

Vakoloshu 3:5

Nadoni nkati mwenu, pedya uti avilá vyashimunumunu; kulavalava, ushapu, ditamaa, malotelo aukalau na ing'ou, ako ni kulipudya kwavyakushang'apa.

I Vateshalonika 4:5

i kwakunshanona ntima kwaushapu kenga vamidi vákammanyite Nnungu.

Vabalaniya 7:19

mwaa lilamulo litandi halyulwile kutandedya shinu shoeshoe kuwikila popo kanji kwaupande unji, vandiingula lilindilililo lyamana na kwaindila yalyanavo tunkuulula kummandika Nnungu.