Valoma 2:3 - Ibibiliya mu Shimakonde Imbodi Yaambi na dimbande dya Imbodi Yakala

³ Napane wako umunu úvaukumu avalá vaténda nawako momo utenda vyovyo, wona kenga undapalanyoka ukumu ya Nnungu?

Valoma 2:3 Խաչաձեւ Հղումներ

Mateu 23:33

“Mwenu mmanyoka, udukulu wadinyoka dyaishumu mwe! Mulota kutila dashi ukumu yakushena?

Mateu 26:53

Da nangu naulule kunjugwangila Atata kutwala nae kutumididyanneu dimbumba dyavanjelo vaing'ondo dyakupunda kumi na mbili?

Lukashi 12:14

Yesu kushidoni, “Wako! Da nangu angwalweté nyani kuva nkúukumu kwali nkújavanianga pakati penu?”

Lukashi 22:58

Kutima padyoko munu junji pakati pave kunnola Patulu nanae kushidoni, “Nawako momo uvelé mpinga wowo.” Patulu do, “Wako! Nangu nkati mo, hangupali.”

Lukashi 22:60

Nae do, “Jii! Nangu shautangola wako sho, hangumanyite.” Bai Patulu akuno atangola, ng'uku kukangavalenneu

Valoma 1:32

Ata ikava kenga vandimanya lilamulo lyaishaliya lyake Nnungu líishidoni, avalá vatandédya avyo indivavaikila vapele. Vanavo i gweka vankutenda kanji namomo vankuvaungila nkono avalá vaténda.

Valoma 2:1

Napavedoni wako umunu úvaukumu vanji, hamupali mwakukanila mwaa paumuukumu junji po, unkulyukumu gwegwe umwene pakuva wako umwene úukumu po, vyovyo vyo unkutenda.

Valoma 2:2

Tundimanya kenga ukumu yake Nnungu kwa avalá vaténda vinu avyo, inkwodananavo umwiu.

Valoma 9:20

Leka apo, wako umunu unyani wakutaukananga namu Nnungu? Da inkuululika ashilá shavaumbile kutwala kumwaulila aijá áumbile doni, “Mwaa shani unguumbile doni?”

I Vateshalonika 5:3

Pavaashidoni, “Ipali amani na lishililidyo,” bai apo ni palota kuvaidila kubamola shingangala kenga kupwateka kwaluvaleko kumwidila nkongwe washitumbo; kwavanavo hamupali mwakukwapela.

Vabalaniya 12:25

Lilaledye! Hamunamwite aijá átangola. Ikava kenga avalá vamwitíle aijá áshivaduma mushilambo amu havananwile, kushi wetu túmwambukanga aijá átuduma kwalakela kuwa?

Vabalaniya 2:3

Napanelo tulota kupalanyoka dashi ikava kenga hatunatanana shinu kwambolegwa aku kukumene? Kwambolegwa aku kuvalangilígwe kunantandi namu Umu kutwala kuka ndaakikishiligwa kwetu wetu namu avalá vaigwíte